ഭാരത് മാതാ മന്ദിർ

ഇന്ത്യയുടെ ഭൂപടം ആരാധിക്കുന്ന ക്ഷേത്രം....

ഭാരത് മാതാ മന്ദിർ

ദേവീദേവന്മാരുടെ പരമ്പരാഗത പ്രതിമകൾക്കുപകരം  മാർബിളിൽ കൊത്തിയെടുത്ത അവിഭക്ത ഇന്ത്യയുടെ വലിയ ഭൂപടമാണ്  ഈ ക്ഷേത്രത്തിൽ ആരാധിക്കുന്നത്. ഇന്ത്യയുടെ ആത്മീയ നഗരം എന്നറിയപ്പെടുന്ന ഉത്തർപ്രദേശിലെ വാരണാസിയിലാണ് ഭാരത് മാതാ മന്ദിർ സ്ഥിതി ചെയ്യുന്നത്. ഇവിടുത്തെ മഹാത്മാ ഗാന്ധി കാശി വിദ്യാപീഠ് ക്യാംപസിലാണ് ഈ അപൂർവ്വ ക്ഷേത്രം സ്ഥിതി ചെയ്യുന്നത്. .  ഭാരത മാതാവിനായി സമർപ്പിച്ചിരിക്കുന്ന ഈ ക്ഷേത്രം ഇന്ത്യയുടെ ഭൂപ‌‌ടത്തിന്‍റെ രൂപത്തിൽ ലോകത്തിലെ ഇത്തരത്തിലുള്ള ഒരേയൊരു ക്ഷേത്രമാണെന്ന് അവകാശപ്പെടുന്നു .

ഇവി‌ടെ രാഷ്ട്ര പിതാവായ മഹാത്മാ ഗാന്ധിയാണ് ക്ഷേത്രത്തിൽ പ്രതിഷ്ഠ നടത്തിയിരിക്കുന്നത്. ഭാരത് മാതാ മന്ദിർ നിർമ്മിച്ചത് സ്വാതന്ത്ര്യ സമര സേനാനിയായിരുന്ന ബാബു ശിവ്പ്രസാദ് ഗുപ്തയുടെ നേതൃത്വത്തിലായിരുന്നു. 1918 ൽ നിർമ്മാണം ആരംഭിച്ച് 1924 ൽ തന്നെ ക്ഷേത്രത്തിൻരെ നിർമ്മാണം പൂർത്തിയായി. എന്നാൽ ക്ഷേത്രം ഉദ്ഘാടനം ഗാന്ധിജി നിർവ്വഹിച്ചത് 1936 ൽ ആയിരുന്നു. ദേശീയ പ്രസ്ഥാനത്തിന്റെ ചുമതലക്കാരിലലരാളായി ഗാന്ധിഡി പ്രവർത്തിച്ചു കൊണ്ടിരുന്ന സമയം കൂടിയായിരുന്നു ഇത്. ഇന്നും ഗുപ്ത കുടുംബാംഗങ്ങൾ തന്നെയാണ് ഈ ക്ഷേത്രത്തിന്‍റെ പരിപാലന ചുമതല നിർവ്വഹിക്കുന്നത്.

ഭാരത് മാതാ മന്ദിർ  കല്ലുകൊണ്ട് നിർമ്മിച്ചതാണ്.മാർബിൾ കൊണ്ട് നിർമ്മിച്ച ഭാരത് മാതാവിന്റെ പ്രതിമയുണ്ട്.  മാർബിളിൽ കൊത്തിയെടുത്ത ഇന്ത്യയുടെ ദുരിതാശ്വാസ ഭൂപടവും ഈ ക്ഷേത്രത്തിലുണ്ട്.  മാപ്പ് പർവതങ്ങളെയും സമതലങ്ങളെയും സമുദ്രങ്ങളെയും സ്കെയിൽ വരെ ചിത്രീകരിക്കുന്നു.

വിഭജനത്തിനു മുൻപുള്ള ഇന്ത്യയുടെ ഭൂപടമാണ് ഭാരതമാതാ മന്ദിറിൽ കാണുന്നത്. അഫ്ഗാനിസ്ഥാൻ, ബലൂചിസ്ഥാൻ,  ബംഗ്ലാദേശ്,  പാകിസ്ഥാൻ,  അന്നത്തെ ബർമ (മ്യാൻമർ ),  സിലോൺ (ശ്രീലങ്ക) എന്നീ രാജ്യങ്ങളും ഭൂപടത്തിൽ ഉൾപ്പെട്ടിരിക്കുന്നു.  ഇന്ത്യൻ സ്വാതന്ത്ര്യത്തിനായി ജീവൻ സമർപ്പിച്ച സൈനികരുടെ ഓർമ്മയ്ക്കായാണ് ക്ഷേത്രം നിർമ്മിച്ചിരിക്കുന്നത്.