കാളീ ഉപാസന ഒരു പുണ്യമാണ്

കാളീ ഉപാസന ഒരു പുണ്യമാണ്

മുജ്ജന്മ സുകൃതവും യോഗവും ഉണ്ടെങ്കിൽ മാത്രമേ ആ ഉപാസനാ മാർഗ്ഗത്തിലേക്ക് എത്തിപ്പെടാൻ ഏതൊരാൾക്കും സാധിക്കുകയുള്ളു. ഉപാസനയെന്നാൽ മന്ത്ര ദീക്ഷയുടം, കാവി വസ്ത്രവും, ജപമാലയും മാത്രമാണെന്ന് തെറ്റിദ്ധരിക്കരുത്. നിത്യേന നാം ചെയ്യുന്ന ഓരോ കാര്യങ്ങളും ഒരു തരത്തിൽ അല്ലെങ്കിൽ മറ്റഅൊരു തരത്തിൽ ഉപാസനയാണ്. കാളിയെ ഭക്തിയോടെ ധ്യാനിക്കുന്നതു പോലും ഉപാസനയുടെ ഭാവതലങ്ങളിൽ ഉൾപ്പെടുത്താവുന്നതാണ്. 

എത്ര കടുത്ത ആപത്തും ഭയവും ദുരിതവും അനുഭവപ്പെടുന്നവര്‍ക്ക് ഏറ്റവും ഉത്തമമാണ് ഭദ്രകാളിപ്പത്ത്. കഠിനമായ രോഗം, ദാരിദ്ര്യം, മൃത്യുഭയം തുടങ്ങിയ ദോഷം അനുഭവപ്പെടുന്നവര്‍ക്ക് രക്ഷ നൽകുന്ന കാളീ സ്തോത്രമാണിത്. പേര് സൂചിപ്പിക്കുന്ന പോലെ പത്ത് ശ്ലോകങ്ങൾ ചേര്‍ന്നതാണ് ഭദ്രകാളിപ്പത്ത്. പതിവായി ജപിച്ചാലുള്ള ഗുണഫലങ്ങൾ വളരെ വലുതായിരിക്കും. വീട്ടിൽ വച്ച് ജപിക്കുന്നവര്‍ കുളിച്ച് ദേഹ ശുദ്ധി വരുത്തി നെയ്യ് വിളക്കോ നിലവിളക്കോ കത്തിച്ചു വെച്ച് കിഴക്കോ വടക്കോ ദര്‍ശനമായിരുന്ന് ജപിക്കുക. കാളീക്ഷേത്ര നടയിൽ നിന്ന് ജപിക്കുന്നതാണ് ഏറ്റവും ഉത്തമവും ഗുണപ്രദവുമായി പറയുന്നത്

ആരേയും പേടിപ്പെടുത്തുന്ന കറുത്ത രൂപം. കഴുത്തിൽ തലയോട്ടികൾ കോർത്തിണക്കിയ മാല. പുറത്തേക്ക് നീട്ടിയ നാവും തുറിച്ച കണ്ണുകളും ആരേയും പേടിപ്പെടുത്തും. കാളിയെന്ന് കേട്ടാൽ പലരുടേയും ധാരണ വളരെയേറെ ഭീതിതമായതും ഭീകരമായതുമായ ഈ രൂപമാണ്. എന്നാൽ ഇത്രയും തെറ്റിദ്ധരിക്കപ്പെട്ട ഒരു മൂർത്തി വേറെയുണ്ടാവില്ല എന്ന് വേണം പറയാൻ. ആദ്ധ്യാത്മിക സാധനയുടെ അത്യുന്നത അവസ്ഥയാണ് കാളി. പക്ഷേ കൂടുതൽ പേരും ശത്രു നിഗ്രഹത്തിനുള്ള ഒരു അവതാരമായി മാത്രമായാണ് അമ്മയെ കാണുന്നത്. കാളീ ഉപാസന എന്താണെന്ന് മനസ്സിലാക്കിയാൽ മാത്രമേ അതിന്‍റെ ഗൗരവതലങ്ങളേയും മനസ്സിലാക്കാൻ സാധിക്കുകയുള്ളു. 

പ്രകടം, രഹസ്യം, അതിരഹസ്യം, പരാപരഹസ്യം എന്നിങ്ങനെ കാളീ ഉപാസനയ്ക്ക് പല തലങ്ങളുണ്ട്. പ്രകട ഭാവത്തിലാണ് കേരളത്തിലെ കാവുകളിൽ കാളി ആരാധിക്കപ്പെടുന്നത്. പഞ്ച മകാരങ്ങൾ ഉപയോഗിച്ചുള്ള പൂജകളോ ഉത്സവാദികളോ നടത്തിയുള്ള ആരാധനയാണ് പ്രകട ഭാവത്തിൻ്റെ അടിസ്ഥാനം. രണ്ടാമത്തേത് രഹസ്യം ഭാവം. ഇവിടെ പഞ്ച മകാരങ്ങളെ യഥാര്‍ത്ഥമായ രീതിയിൽ ഉപയോഗിക്കുന്നു. രഹസ്യ വിധാനത്തിന്‍റെ ആവിഷ്ക്കാരമാണ് വീടുകളിൽ നടക്കുന്ന ശാക്തേയ പൂജ. അതിരഹസ്യം പരാപരഹസ്യം എന്നീ ഭാവങ്ങൾ ഗൂഢവും സാധനയുടെ ഉയർന്ന തലത്തിൽ മാത്രം അനുഭവിക്കാവുന്നതുമാണ്.

കാളീരൂപത്തിനും ഉപാസനയ്ക്കും ഇത്രത്തോളം ആഴവും പരപ്പും ഉണ്ടെന്നുള്ളത് ഒരു സാധാരണക്കാരനെ സംബന്ധിച്ചിടത്തോളം മനസിലാക്കിയെടുക്കാൻ വളരെ ബുദ്ധിമുട്ടായിരിക്കും. വാമൊഴിയായി പറഞ്ഞും അറിഞ്ഞും വന്ന കാര്യങ്ങളായിരിക്കും അവൻ്റെ മനസിലുണ്ടാവുക. തെറ്റോ ശരിയോ ആകട്ടെ ആത് മാത്രമാണ് സാധാരണക്കാരന് കാളിയെ കുറിച്ച് അറിയുക. ശത്രു നിഗ്രഹത്തിനുള്ള ഒരു അവതാരമായി മാത്രമാണ് സാധാരണക്കാരൻ അമ്മയെ കാണുന്നത്. അതുകൊണ്ട് തന്നെ മറ്റുള്ളവരുടെ വാക്കുകൾ കേട്ട് എന്തെല്ലാം കാര്യങ്ങളാണ് കാട്ടിക്കൂട്ടുന്നത്. 

അമ്മ ശത്രുക്കളെ നിഗ്രഹിക്കുന്നവളാണ്. അമ്മ നിഗ്രഹിക്കുന്ന ശത്രുക്കൾ യോഗ വിഘ്നങ്ങൾ അഥവാ ഷഡ് വൈരികൾ എന്നാണ് അറിയപ്പെടുന്നത്. അതായത് ഓരോ മനുഷ്യരുടേയും മനസ്സിൽ കുടികൊള്ളുന്ന കാമം, കോധം, ലോഭം, മോഹം, മദം, മാത്സര്യം. ഇവയാണ് അത്. ഷഡ് വൈരികൾക്ക് വിളയാട്ടത്തിനാക്കരുത് മനം എന്നു ഹരിനാമകീർത്തനത്തിൽ പറയുന്നത് ശ്രദ്ധിക്കുക.

കാളിയുടെ കൈയ്യിൽ ദാരികൻ എന്ന അസുരൻ്റെ ശിരസ്സ് ശ്രദ്ധിച്ചിട്ടില്ലേ. അതെ, തല വെട്ടുന്നവൾ തന്നെയാണ് അമ്മ. കാമ ക്രോധാദികളായ ആറ് ശത്രുക്കളും അഹങ്കാരത്തിൻ്റെ പുത്രന്മാരാണ്. 

ഈ അഹങ്കാരത്തിൻ്റെ പ്രതീകമാണ് തല. അതു കൊണ്ട്നു തന്നെ മഷ്യൻ്റെ അഹങ്കാരത്തെ അമ്മ വെട്ടി മാറ്റുന്നു എന്നതിൻ്റെ പ്രതീകമാണ് ദാരികൻ്റെ തല. എന്താണ് ദാരികൻ്റെ തലയുടെ പ്രത്യേകത എന്നറിയാമോ? ദാരികന് ഒരു വരമുണ്ട്. അവൻ്റെ ഒരു തുള്ളി രക്തം നിലത്തു വീണാൽ അതിൽ നിന്നും ആയിരം ദാരികന്മാർ ജനിക്കും. ഇവിടെയാണ് മഹാകാളിയുടെ യോഗരഹസ്യം. വെട്ടിയെടുത്ത ദാരിക ശിരസ്സിൽ നിന്നും വീഴുന്ന ഓരോ തുള്ളി രക്തവും ദേവി കുടിക്കുകയാണ് തല അഹങ്കാരത്തിെൻ്റെ പ്രതീകമെങ്കിൽ രക്തം വാസനയുടെ പ്രതീകമാണ്.

വാസനയ്ക്ക് ഒരു പ്രത്യേകതയുണ്ട്. എത്ര വലിയ യോഗിയായാലും ഒരു വാസനയെങ്കിലും അവശേഷിച്ചാൽ അതിൽ നിന്നും ആയിരം വാസനകൾ ജന്മമെടുക്കും. ഒരു വാസന പോലും അവശേഷിക്കാത്ത വിധത്തിൽ ഉപാകസകൻ്റെ എല്ലാ വാസനകളെയും ദേവി സ്വാംശീകരിക്കുന്നു. ഇതാണ് ദേവി രക്തം പാനം ചെയ്യുന്നതിനു പിന്നിലെ തത്വം. 

   

ഭദ്രകാളിപ്പത്ത്

❤️❤️❤️❤️

കണ്‌ഠേകാളി മഹാകാളി

കാളനീരദവര്‍ണ്ണിനി 

കാളകണ്ഠാത്മജാതേ 

ശ്രീ ഭദ്രകാളി നമോസ്തുതേ!

ദാരുകാദി മഹാദുഷ്ട 

ദാനവൗഘനിഷൂദനേ 

ദീനരക്ഷണദക്ഷേ

ശ്രീ ഭദ്രകാളീ നമോസ്തുതേ

ചരാചരജഗന്നാഥേ ചന്ദ്ര,

സൂര്യാഗ്നിലോചനേ 

ചാമുണ്ഡേ ചണ്ഡമുണ്ഡേ 

ശ്രീ ഭദ്രകാളീ നമോസ്തുതേ

മഹൈശ്വര്യപ്രദേ ദേവീ 

മഹാത്രിപുരസുന്ദരി 

മഹാവീര്യേ മഹേശീ 

ശ്രീ ഭദ്രകാളീ നമോസ്തുതേ 

സര്‍വ്വവ്യാധിപ്രശമനി 

സര്‍വ്വമൃത്യുനിവാരിണി 

സര്‍വ്വമന്ത്രസ്വരൂപേ 

ശ്രീ ഭദ്രകാളി നമോസ്തുതേ

പുരുഷാര്‍ത്ഥപ്രദേ ദേവി 

പുണ്യാപുണ്യഫലപ്രദേ 

പരബ്രഹ്മസ്വരൂപേ 

ശ്രീ ഭദ്രകാളീ നമോസ്തുതേ

ഭദ്രമൂര്‍ത്തേ ഭഗാരാദ്ധ്യേ 

ഭക്തസൗഭാഗ്യദായികേ 

ഭവസങ്കടനാശേ 

ശ്രീ ഭദ്രകാളീ നമോസ്തുതേ 

നിസ്തുലേ നിഷ്‌ക്കളേ നിത്യേ

നിരപായേ നിരാമയേ 

നിത്യശുദ്ധേ നിര്‍മ്മലേ 

ശ്രീ ഭദ്രകാളീ നമോസ്തുതേ

പഞ്ചമി പഞ്ചഭൂതേശി 

പഞ്ചസംഖ്യോപചാരിണി 

പഞ്ചാശല്‍ പീഠരൂപേ 

ശ്രീഭദ്രകാളി നമോസ്തുതേ

കന്മഷാരണ്യദാവാഗ്‌നേ 

ചിന്മയേ സന്മയേ ശിവേ

പത്മനാഭാഭിവന്ദ്യേ

ശ്രീ ഭദ്രകാളീ നമോസ്തുതേ

ശ്രീ ഭദ്രകാള്യൈ നമഃ