യന്ത്രങ്ങള്‍ - 18
വശീകരണ മാന്ത്രിക യന്ത്രം
💢●●●●●ॐ🔥🔱🔥ॐ●●●●●💢
വശീകരണ മാന്ത്രിക യന്ത്രം സ്വര്‍ണ്ണം, വെള്ളി, ചെമ്പ്‌ മുതലായ ലോഹങ്ങളില്‍ വിധിയാം വണ്ണം തയ്യാര്‍ ചെയ്‌ത് ശരീരത്തില്‍ ധരിക്കുന്നവര്‍ക്ക്‌ മറ്റുള്ളവരുടെ ആദരവും അംഗീകാരവും ലഭിക്കും. വളരെയധികം ഐശ്വര്യവും ആരോഗ്യവും പ്രദാനം ചെയ്യാന്‍ കഴിവുള്ള വശീകരണ മാന്ത്രിക യന്ത്രം അതി വിശേഷപ്പെട്ട യന്ത്രങ്ങളില്‍ ഒന്നാണ്‌. വളരെക്കാലം സുഖസമൃദ്ധിയോടെ ജീവിക്കാന്‍ ഈ യന്ത്രം ധരിക്കുകയും ഉപാസിക്കുകയും ചെയ്യുന്ന വ്യക്‌തിക്ക്‌ സാധിക്കുന്നു. വിശ്വാസത്തോടെ വശീകരണ മാന്ത്രികയന്ത്രം ധരിക്കുന്ന വ്യക്‌തിക്ക്‌ സകല ജനങ്ങളുടെയും സ്‌നേഹം ലഭിക്കും. മറ്റുള്ളവര്‍ ഈ വ്യക്‌തിയെ അനുസരിക്കും.
വീരഭദ്രമാന്ത്രികയന്ത്രം
💢●●●●●ॐ🔥🔱🔥ॐ●●●●●💢
ഈ മാന്ത്രിക യന്ത്രം ധരിക്കുകയാണെങ്കില്‍ നല്ല കീര്‍ത്തിയും സൗന്ദര്യവും ധനസമ്പത്തുകളും കായികശേഷിയും ലഭിക്കുന്നതായിരിക്കും. ശത്രുക്കള്‍ക്ക്‌ നാശം സംഭവിക്കും. രോഗങ്ങള്‍ക്ക്‌ ശാന്തിയുണ്ടാകും. പ്രേതബാധയില്‍ നിന്നുള്ള ഉപദ്രവങ്ങള്‍ ഒഴിവായിപ്പോകും. കാര്യവിഘ്‌നങ്ങള്‍ ഉണ്ടാവുകയില്ല. ഭാര്യയും ഭര്‍ത്താവും ഒരുപോലെ വീര ഭദ്ര മാന്ത്രിക യന്ത്രം ധരിച്ചാല്‍ കുടുംബത്തില്‍ ഐശ്വര്യവും സമ്പല്‍സമൃദ്ധിയും ഉണ്ടാകുന്നതായിരിക്കും. സല്‍സന്താന ഭാഗ്യം, നാല്‍ക്കാലി ലാഭം, ഐക്യത എന്നിവയും ലഭ്യമാകും. വീരഭദ്രമാന്ത്രിക യന്ത്രം വിധിയാംവണ്ണം ഉപയോഗിക്കുകയും മന്ത്രം ഉപാസിക്കുകയും ചെയ്യുന്നവര്‍ക്ക്‌ അത്യധികമായ വശീകരണശക്‌തി ലഭിക്കുന്നതായിരിക്കും. നാനാവിധത്തിലുമുള്ള ഐശ്വര്യങ്ങളും ലഭിക്കും. ദമ്പതികള്‍ വീരഭദ്ര മാന്ത്രിക യന്ത്രം ധരിച്ചാല്‍ ഒരിക്കലും വേര്‍പെടാത്ത രീതിയില്‍ പരസ്‌പരാകര്‍ഷണത്തോടെയും വശീകരണത്തോടെയും ദീര്‍ഘനാള്‍ ജീവിക്കും.
അഘോര മാന്ത്രിക യന്ത്രം
💢●●●●●ॐ🔥🔱🔥ॐ●●●●●💢
(ഗ്രഹപ്പിഴകള്‍ക്കും ഭയത്തിനും പരിഹാരം)
അഘോരം എന്ന പേരിട്ടു വിളിക്കുന്ന ഈ മന്ത്രിക യന്ത്രം ധരിക്കുകയാണെങ്കില്‍ ഗ്രഹപ്പിഴകള്‍ക്ക്‌ പരിഹാരം ലഭിക്കുന്നതാണ്‌. എല്ലാവിധ ബുദ്ധിമുട്ടുകള്‍ക്കും പ്രയാസങ്ങള്‍ക്കും ശമനം ഉണ്ടാകും. ഇപ്പോള്‍ നിലവിലുള്ള വിഷമതകള്‍ തീരും. ധൈര്യവും പൂര്‍ണ്ണ ആരോഗ്യം കൈവരിക്കാന്‍ സാധിക്കും. അഘോര മാന്ത്രിക യന്ത്രം ധരിച്ചുകൊണ്ട്‌ അഘോര മാന്ത്രികമന്ത്രം നിത്യം ഉപാസിക്കുന്നവര്‍ക്ക്‌ ശത്രുവില്‍നിന്നുള്ള യാതൊരുവിധ ഉപദ്രവങ്ങളും ഏല്‍ക്കുകയില്ല. അതുപോലെ ഭൂതപ്രേത ഉപദ്രവങ്ങള്‍ ബാധിക്കില്ല. അഘോര മാന്ത്രിക യന്ത്രത്തില്‍ സ്‌പര്‍ശിച്ചുകൊണ്ട്‌ അഘോരമാന്ത്രികമന്ത്രം നിത്യം മൂന്ന്‌ സന്ധ്യകളിലും അതായത്‌ (പ്രഭാതസന്ധ്യ, മദ്ധ്യാഹ്ന സന്ധ്യ, സായാഹ്നസന്ധ്യ) 108 തവണ വീതം ജപിക്കണം.ഭയമകറ്റാനും പ്രയോജപ്രദമാണ്‌ ഈ യന്ത്രം.
ഷണ്‍മനോഭവ മാന്ത്രിക യന്ത്രം
💢●●●●●ॐ🔥🔱🔥ॐ●●●●●💢
(പുരുഷനില്‍ സ്‌ത്രീയും സ്‌ത്രീയില്‍ പുരുഷനും ആകൃഷ്‌ടരാകുന്നതിന്‌)
ഈ യന്ത്രം ധരിക്കുന്ന സ്‌ത്രീക്ക്‌ ഭര്‍ത്താവും പുരുഷന്‌ ഭാര്യയും വശംവദരാകുന്നതാണ്‌. ഈ യന്ത്രം സ്‌ത്രീ കണ്‌ഠത്തിലണിഞ്ഞാല്‍ അവരുടെ ഭര്‍ത്താവ്‌ വളരെ സ്‌നേഹത്തോടെയും സൗഹാര്‍ത്തോടെയും ഭാര്യയോട്‌ സഹകരിക്കും. ഈ യന്ത്രം സര്‍വ്വവിധത്തിലും വശീകരണ ശക്‌തിയുള്ളതായി വര്‍ത്തിക്കും. ഈ യന്ത്രം ആര്‌ ധരിച്ചാലും അവരുടെ എല്ലാവിധ ആഗ്രഹങ്ങളും നിഷ്‌പ്രയാസം സാധിക്കാന്‍ കഴിയും.
പൊതുവേ പറഞ്ഞാല്‍ വശീകരണം, ഷണ്‍മനോഭവ മാന്ത്രിക യന്ത്രത്തിന്റെ പ്രത്യേകതയാണ്‌. ഈ യന്ത്രം ധരിച്ചാല്‍ സമൂഹത്തിലെ എല്ലാവരെയും വശീകരിക്കാം. ഈ യന്ത്രം ശരീരത്തില്‍ ധരിക്കുന്ന സ്‌ത്രീകളുടെ ഇംഗിതത്തിന്‌ വിപരീതമായി ഭര്‍ത്താക്കന്മാര്‍ പ്രവര്‍ത്തിക്കില്ല. അതുപോലെ ഈ യന്ത്രം ശരീരത്തില്‍ ധരിക്കുന്ന ഭര്‍ത്താക്കന്മാരുടെ ഇംഗിതത്തിന്‌ വിപരീതമായി ഭാര്യമാരും പ്രവര്‍ത്തിക്കില്ല. എല്ലാംകൊണ്ടും കുടുംബസമാധാനത്തിനായി ഉപയോഗിക്കാവുന്ന ഒരു യന്ത്രമാണിത്‌.
ത്രിപുരസുന്ദരീ മാന്ത്രിക യന്ത്രം
💢●●●●●ॐ🔥🔱🔥ॐ●●●●●💢
(എന്ത്‌ ആഗ്രഹിച്ചാലും അത്‌ ശ്രീഘ്രം പ്രദാനം ചെയ്യുന്ന മാന്ത്രിക യന്ത്രം)
ഈ മാന്ത്രിക യന്ത്രം ധരിച്ചുകൊണ്ട്‌ മനസ്സില്‍ എന്തിനെക്കുറിച്ച്‌ ആഗ്രഹിക്കുന്നുവോ അതെല്ലാം സാധിക്കുന്നതാണ്‌. സന്താനഭാഗ്യം ആവശ്യമുള്ളവര്‍ അതും, രോഗംകൊണ്ട്‌ വലയുന്നവര്‍ രോഗശാന്തിയും പ്രതീക്ഷിച്ചുകൊണ്ട്‌ ഈ യന്ത്രം ധരിച്ചാല്‍ വളരെ പെട്ടെന്നുതന്നെ ഫലപ്രാപ്‌തിയുണ്ടാകുന്നതാണ്‌. അതീവ ശക്‌തിയുള്ള ത്രിപുരസുന്ദരീ മാന്ത്രികയന്ത്രം വളരെ ഗോപ്യമായിവേണം സൂക്ഷിക്കാനും ഉപയോഗിക്കാനും. ഈ മാന്ത്രിക യന്ത്രം സകല ജീവജാലങ്ങളെയും സ്വാധീനിക്കുകയും എല്ലാവിധ അഭീഷ്‌ടങ്ങള്‍ സാധിച്ചു തരുകയും ചെയ്യും. ഭൂത-പ്രേത ഭയം, വിഷ ജന്തുക്കളുടെ ഉപദ്രവം എന്നിവയില്‍നിന്നും മോചനം നല്‍കാന്‍ ഈ യന്ത്രത്തിന്‌ കഴിയും.അത്യധികം ദാരിദ്ര്യമുള്ളവര്‍ ഈ മാന്ത്രിക യന്ത്രംവച്ച്‌ പൂജ നടത്തിയാല്‍ ദാരിദ്ര്യമോചനം നേടുന്നതാണ്‌. വളരെ വേഗം ധനവാന്മാരാകുന്നതാണ്‌. ഒപ്പം എല്ലാവരും ബഹുമാനിക്കുന്നതാണ്‌. സ്‌ത്രീ പുരുഷന്മാരും, ജീവജാലങ്ങള്‍പോലും ഈ യന്ത്രം സൂക്ഷിക്കുകയും ഉപാസിക്കുകയും ചെയ്യുന്നവരുടെ സ്വാധീനത്തിലാകും. വളരെയധികം ശക്‌തിയുള്ള യന്ത്രമാണ്‌ ത്രിപുരസുന്ദരീ മാന്ത്രിക യന്ത്രം. ആയതിനാല്‍ ന്യായവും സത്യവും ആയ കാര്യങ്ങള്‍ക്ക്‌ മാത്രമേ ഈ യന്ത്രം ഉപയോഗിക്കാവൂ. അതും അതീവ രഹസ്യമായി വേണം ഈ മാന്ത്രിക യന്ത്രം ഉപയോഗിക്കാന്‍.
No comments:
Post a Comment