ആലപ്പുഴ ജില്ലയിൽ ചെങ്ങന്നൂരിനടുത്ത് പാണ്ടനാട്ടിൽ സ്ഥിതിചെയ്യുന്ന പുരാതനക്ഷേത്രമാണ് അനന്ദേശ്വരം മഹാദേവക്ഷേത്രം. ഈ പ്രദേശത്തെ ഒരു പഴയക്ഷേത്രമാണിത്. ഈ ക്ഷേത്രത്തിലേക്ക് ചെങ്ങന്നൂരിൽ നിന്നും ആറ് കിലോമീറ്ററും മാന്നാറിൽ നിന്ന് നാല് കിലോമീറ്ററും ദൂരമാണുള്ളത്.
പെരുന്തച്ചൻ പണിത ഈ ക്ഷേത്രത്തിലെ മുഖ്യ പ്രതിഷ്ഠ മഹാദേവനാണ്. പണ്ട് ഈ ക്ഷേത്രം പമ്പാനദിക്ക് സമീപമായിരുന്നത്രെ. ഒരിക്കൽ ഗതിമാറിയൊഴുകിയ നദി ആ ക്ഷേത്രത്തിന് കേടുപാടുകൾ വരുത്തുകയും പിന്നീട് ക്ഷേത്ര ഊരാഴ്മകാരായ വഞ്ഞിപ്പുഴ മഠത്തിന്റെ കൈവശമിരുന്ന ആനന്ദീശ്വരം ക്ഷേത്രത്തിലേക്ക് ക്ഷേത്രം മാറ്റി സ്ഥാപിക്കപ്പെട്ടു എന്ന് വിശ്വസിക്കുന്നു.
പ്രധാന ദിവസങ്ങൾ: കുംഭമാസത്തിലെ മഹാശിവരാത്രി. ധനുമാസത്തിലെ തിരുവാതിര എന്നിവയാണ്.
എല്ലാ വർഷവും അന്നദാനത്തോടെ ഇവിടെ സപ്താഹയജ്ഞം പതിവുണ്ട്. കൂടാതെ എല്ലാവർഷവും നവാഹയജ്ഞവും പതിവുണ്ട്, മഹാശിവരാത്രിക്കുമുമ്പ് പാണ്ടനാട്ട് ഭാഗത്ത് എല്ലാ വീടുകളിലും ചെന്ന് പറയെടുപ്പ് നടത്തുന്നു.
ഉപദേവന്മാർ: മഹാവിഷ്ണു, പാർവ്വതി, ഭുവനേശ്വരി,, ഗണപതി,
ശാസ്താവ്, യക്ഷിയമ്മ,, നാഗരാജാവ്, നാഗയക്ഷി, ബ്രഹ്മരക്ഷസ്. എന്നിവരാണ്.
No comments:
Post a Comment