വലരി

വലരി

         

ഇന്ത്യൻ ഉപഭൂഖണ്ഡത്തിൽ ഉപയോഗത്തിലിരുന്ന അനവധിയായ ആയുധങ്ങളിൽ പ്രമുഖമായ പേരാണ് വലരിയുടേത്.

       

ബ്രിട്ടീഷ് ഭരണകൂടം തങ്ങളുടെ സാമ്രാജ്യതാൽപര്യകൾക്കെതിരായി ചെറുത്തു നിന്ന പോരാളി വർഗ്ഗങ്ങളെ നിയമത്തെ ഉപയോഗപ്പെടുത്തി തകർക്കുവാൻ സ്വീകരിച്ച പ്രധാനമാർഗ്ഗങ്ങളിൽ ഒന്ന് ക്രിമിനൽ ട്രൈബ് ആക്ട് ആയിരുന്നു. അതിനോട് ചേർത്ത് വച്ചതായിരുന്ന വലരിയുടെയും നിരോധനം.

സുദീർഘമായ പാരമ്പര്യമാണ് വലരികൾക്കുള്ളത് , വേട്ട ആയുധമാക്കിയ ഉത്തരേന്ത്യയിലെ കോലികൾ അവരുടെ ദക്ഷിണേന്ത്യൻ വിഭാഗമായ വലയർ തുടങ്ങിയവരാണ് പുരാതന കാലത്ത് വലരിയെ ഉപയോഗിച്ചിരുന്നത്.

          

കരടിയെപോലുള്ള മൃഗങ്ങളെ ദൂരെ നിന്നും ആക്രമിച്ച് കൊലപ്പെടുത്തുവാൻ കഴിയുന്ന വലരിയുടെ ആദ്യരൂപം തടിയിൽ തീർത്തിരുന്നതാണ്.

            

പിൽക്കാലത്ത് ലോഹനിർമ്മിതമായ വരികൾ രൂപപ്പെടുത്തപെട്ടു. ഗ്രാമ കാവൽക്കാർ കൊള്ളക്കാർക്കെതിരെയും , സൈനികർ ശത്രുക്കൾക്ക് നേരെയും ഉപയോഗിക്കുവാൻ കഴിയുന്ന ഫലപ്രദമായ ആയുധമായി വലരി രൂപപ്പെട്ടു.

               

പുറനാനൂറ് മുതലായ സംഘകാല സാഹിത്യങ്ങളിൽ വലരികയപറ്റി സൂചനകളുണ്ട്.

വാളരിയുടെ പേരുകൾ:         

                   

തിഗിരി, വളരി, രംഗം, വലി തടി, എരിതടി, വാളടി, പാറൈവേല, സുഖൽപടൈ, എരിക്കോൾ, കുറുങ്കോൽ, തടി എന്നിങ്ങനെ പല പേരുകളാൽ സൂചിപ്പിക്കപ്പെട്ടിരിക്കുന്നു.

തമിഴ് സാഹിത്യത്തിൽ വലരി വീരനായ വീരമല്ല മുത്തരായരെ പരാമർശ്ശിക്കുന്നു.

എ.ഡി പതിനൊന്നാം നൂറ്റാണ്ടിൽ മധുര ഭരിച്ച സുന്ദരപാണ്ഡ്യനെ കാണാൻ, സൈന്യാധിപനും മന്ത്രിയുമായ സിമ്മ പെരുമ്പിടുക്ക് മുത്തരായർ തന്റെ സുഹൃത്ത് വീരമല്ലനെ ഒപ്പം കൊണ്ടുപോയി. കുടിക്കാഴ്ചക്കു ശേഷം പുറത്ത് വരുമ്പോൾ , വൈഗാ നദിക്കരയിൽ ആകാശത്ത് കൊക്കുകൾ പറക്കുന്നുണ്ടായിരുന്ന

"നിനക്ക് നന്നായി പലരി എറിയാൻ അറിയാമെന്ന് മുത്തരായർ പറയുന്നു, വീരമല്ലാ, കൊക്കിനെ വീഴ്ത്തുവാൻ നിനക്കാകുമോ ?

പെരുമ്പിടുഗ് മുത്തരയ്യർ തിടുക്കപ്പെട്ട് ഒരു വില്ല് (വളരി) കൊണ്ടുവന്ന് വീരമല്ലന്റെ കയ്യിൽ കൊടുത്തു. വലരി കൈയിൽ കിട്ടിയ ഉടനെ വീരമല്ലൻ യോദ്ധാവായി മാറി.

ഇവയിൽ ഏതിനെ വീഴ്ത്തണം?

"ആദ്യത്തെ കൊമ്പൻ ! അതിനിടയിലുള്ളതിൽ ഒന്ന് ! അവസാനം പറക്കുന്നത്?"

സുന്ദരപാണ്ഡ്യർ ഞെട്ടി അവന്റെ നേരെ തിരിഞ്ഞു. വീരമല്ലൻ കണ്ണുകൾ ഇറുക്കി ആകാശത്തേക്ക് നോക്കി, "പറയൂ രാജാവേ" അവൻ നിർബന്ധിച്ചു.

"ആദ്യത്തെ കൊക്ക്!" പണ്ഡ്യയൻ പറഞ്ഞു. പത്തോ പതിനഞ്ചോ പക്ഷികളിൽ ഒന്നിനെ താഴെ വീഴ്ത്തുന്നത് എത്ര ബുദ്ധിമുട്ടാണെന്ന് അറിയാമല്ലോ?

വീരമല്ലന്റെ വലരി ചെറിയൊരു വളവ് തിരിഞ്ഞ് മുകളിലേക്ക് പറന്നു. അത് ഒരു ദിശയിൽ പോയി മറ്റൊരു ദിശയിലേക്ക് മടങ്ങി. മൂന്നാമത്തെ ദിക്കിലേക്ക് പറക്കുന്ന ആദ്യത്തെ കൊക്കിനെ വീഴ്ത്തി.

സുന്ദരപാണ്ഡ്യർ അഭിമാനത്തോടെ അഭിനന്തിച്ചു., "മുത്തരായരേ ! വീര മല്ലൻ - വല്ലവൻ താൻ." 

അവലംബം : രാജേന്ദ്ര ചോളന്റെ വേങ്ങൈയുടെമിണ്ടൻ എന്ന നോവലും ചരിത്രവും).

പുതുക്കോട്ട ജില്ലയിലാണ് വളരി വ്യാപകമായി കാണപ്പെടുന്നത്.ആലങ്കുടി, തിരുമയ്യാം., പൊന്നമരാവതി , വളയപ്പട്ടി, തൊട്ടിയാംപട്ടി, തേനിമല, രേകുനാഥപ്പട്ടി, വീരണമ്പട്ടി, തെമ്മാവൂർ തുടങ്ങി നിരവധി മുത്തരയ്യർ ഗ്രാമത്തിൽ വളരി സൂക്ഷിക്കുന്നത് കാണാം...

ഉത്തരേന്ത്യയിൽ കോലികൾ കതാരിയ എന്ന പേരിൽ വലരി ഉപയോഗിച്ചിരുന്നു.

ശിവഗംഗൈ പാളയക്കാരർ ആയിരുന്ന മരുദു സഹോദരന്മാർ ബ്രിട്ടീഷ് കാർക്കെതിരെ പോരാടുകയും വലരി ഫലപ്രദമായി ഉപയോഗിക്കുകയും ഒടുവിൽ പരാജയപ്പെടുകയും ചെയ്തതിനെ തുടർന്ന്.ഈസ്റ്റ് ഇന്ത്യാ കമ്പനി 1801-ൽ ആയുധ നിരോധന നിയമം കൊണ്ടുവന്നു, അത് ലംഘിച്ചാൽ (കണ്ടെത്തുകയാണെങ്കിൽ) ആ ആളുകൾക്ക് വധശിക്ഷ ലഭിക്കുന്ന കുറ്റമാക്കി. ആളുകളോട് അവരുടെ എല്ലാ ആയുധങ്ങളും ബ്രിടീഷ്കാർക്ക് സമർപ്പിക്കാൻ ഉത്തരവിടുകയും ചെയ്തു, അത് ആളുകളിൽ നിന്ന് 22,000 വലരികളെ പിടിച്ചെടുക്കുകയും പിടിച്ചെടുത്തവ നശിപ്പിക്കുകയും ചെയ്തു.

വലരി പൂർണ്ണായും നശിപ്പിക്കുവാൻ ബ്രിട്ടീഷുകാർക്ക് കഴിഞ്ഞിരുന്നില്ല. തമിഴ് നാടിന്റെ തെക്കൻ ജില്ലകളിൽ വലയർ തങ്ങളുടെ ഗ്രാമ ക്ഷേത്രങ്ങളിൽ ഒളിപ്പിക്കുകയും ചെയ്തു കൊണ്ട് വലരികൾ സംരക്ഷിച്ചിച്ചു.