പ്രദക്ഷിണവും അപ്രദക്ഷിണവും
പ്രദക്ഷിണ തത്വത്തെ കുറിച്ച് സാധാരണകാർക്ക് മനസ്സിലാക്കുന്നരിതിയിൽ വിശദമാക്കാം. പൂജയിൽ അനുപേക്ഷണീയമായ ഉപകരണമാണല്ലോ ശംഖ് . പൂജയിൽ ഉപയോഗിക്കുന്ന ശംഖ് ഇടംപിരിയാണ് അതായത് ആ ശംഖ് നമ്മുടെ മുൻവശത്ത് പിടിച്ചാൽ നമ്മുടെ ഇടത്ത് ഭാഗത്തായിരിക്കും അതിൻ്റെ തുറന്നവായ് ഉണ്ടായിരിക്കുക അത്തരം ശംഖിൻ്റെ പിരി പ്രദക്ഷിണമായിരിക്കും അതായത് ക്ലോക്കിൻ്റെ സൂചി തിരിയുന്നപോലെ എന്നാൽ വലംപിരി ശംഖ് വളരെ അപൂർവ്വവും വിലപിടിച്ചതുമാണ് ആ ശംഖ് പൂജിക്കാൻ ഉപയോഗിക്കാറില്ല. പൂജയേൽക്കാനായി ദേവസ്ഥാനത്ത് നമ്മുക്ക് അഭിമുഖമായി വലം പിരിശംഖ് വെയ്ക്കുക. ഇടംപിരി ശംഖിന് വിപരീതമായി വലംപിരിശംഖിൻ്റെ പിരി അപ്രദക്ഷിണവും. അതായത് സാധാരണക്കരൻ്റെ നിലവാരത്തിൽ നിന്ന് ദേവത്വത്തെ പ്രാപിക്കുന്നമാർഗ്ഗം പ്രദക്ഷിണവും, അതുപോലെ ദേവത്വത്തിൽ നിന്ന് ഇറങ്ങി സാധകന് അനുഗ്രഹം ചൊരിയേണ്ട മാർഗ്ഗം അപ്രദക്ഷിണവുമാക്കുന്നു ആയിതീരുന്നു. പ്രദക്ഷിണത്തിൻ്റെ ഓരോചുറ്റിലും നാം ഒരു സ്ക്രൂ ആണി എന്നപോലെ ദേവത്വത്തിലേക്ക് ഉയരുകയാണ് ആ മാർഗ്ഗത്തിൻ്റെ പ്രത്യേകതയാണത്രേ. ദേവചെതന്യത്തെ നമ്മുടെ വലതുവശത്താക്കികൊണ്ടുള്ള വലം വെക്കൽ അഥവാ പ്രദക്ഷിണം ക്ഷേത്രത്തിൽ പോയാൽ ദേവത്വത്തിലേക്ക് ഉയരുവാൻ സാധന ചെയ്യുകയാണല്ലോ വേണ്ടത് അതിനാൽ നാം പ്രദക്ഷിണമാണ് വെക്കേണ്ടത് അപ്രദക്ഷണമല്ല എന്ന് വരുന്നു. അങ്ങനെ ചെയ്യുന്നത് വളരെ ശ്രദ്ധയോടും സവധാനത്തിലും മനസ്സിൻ്റെ പൂർണ്ണമായ ഏകാഗ്രതയോടും ചെയ്യേണ്ടുന്ന സാധനാ മാർഗ്ഗമാണ്.
No comments:
Post a Comment