ഒരു അഘോരിയുടെ ജീവിത പാത - 07

ഒരു അഘോരിയുടെ ജീവിത പാത - 07

പന്നി, മീൻ, മനുഷ്യൻ, കഴുകൻ, കാകൻ ഇവയുടെ മാംസങ്ങളാണ് മഹാമാംസങ്ങളെന്നറിയപ്പെടുന്നത്.

ഇവ അപൂർവ്വമായ അനുഷ്ഠാനങ്ങൾക്ക് ഉപയോഗിക്കുവാൻ വിധാനമുള്ളൂ. സാധനയിലെ ചില രഹസ്യങ്ങളുടെ പൂർത്തീകരണത്തിന് ഭൈരവിയെക്കൂടാതെ സാധ്യമല്ല. അതിനുള്ള ഭൈരവി സ്വമേധയാ സാധകന് എത്തിച്ചേരുമെന്നുള്ളതാണ് ഇങ്ങനെയുള്ളവരുടെ സാധനയുടെ രഹസ്യം.

(ശ്രീചക്രസാധനയോടനുബന്ധിച്ച് പഞ്ചമകാരസാധന നന്നായി തനിമയോടു കൂടി അനുഷ്ഠിക്കുന്ന/അനുഷ്ഠിച്ചിരുന്ന പല സാധകരും ഇന്നും കേരളത്തിലുണ്ട്. അവർക്ക് ഇന്നും ഭൈരവിമാരുമുണ്ട്. സാന്ദർഭികവശാൽ ഇക്കാര്യങ്ങൾ പറഞ്ഞുവെന്നു മാത്രം!) 

സംസ്ക്കാര പാരമ്പര്യത്തെ സംരക്ഷിക്കുന്ന സാധകനാണ് യഥാർത്ഥസാധകൻ എന്നാണ് ഇവരുടെ വിശ്വാസം. അഘോരികളുടെ ഗോപ്യപൂജയുടെ ചക്രമണ്ഡലത്തിൽ അവരുടെ സാമ്പ്രദായികമല്ലാത്ത മറ്റൊരാളെ പ്രവേശിപ്പിക്കാറില്ല. ചില പ്രത്യേക സമയം നടത്തുന്ന അനുഷ്ഠാനത്തിൽ വീരഭാവമുള്ള സാധകർക്കു മാത്രമേ പ്രവേശനമുള്ളൂ. ഗുരുനിന്ദകന്മാർക്കും, ചക്രനിന്ദകന്മാർക്കും, ജാത്യാഭിമാനികൾക്കും ഇതിൽ പ്രവേശനമില്ല.

അഘോരന്മാരുടെ ദിനചര്യ ശ്രീചക്ര ഉപാസകരുടെ കാലകൃത്യദിനചര്യയോടു സമാനതയുണ്ട്. അഘോരികളുടെ പ്രത്യേകതയായ "അഘോരക്രിയ " ദിനവും അനുഷ്ഠിക്കുന്നതിനാൽ ദുർഗ്ഗന്ധത്തെ സുഗന്ധമാക്കി മാറ്റുവാൻ ഇവർക്ക് കഴിയും. അഘോരികളുടെ വേഷവിധാനം സാമ്പ്രദായിക മനുസരിച്ച് വ്യത്യസ്തമാണ്.

കഴിഞ്ഞ post ൽ പരാമർശിച്ച പഞ്ചശ്മശാനങ്ങൾ:

1. മുള്ള് കൊണ്ടു വരിഞ്ഞ കട്ടിൽ

2. വാരാംഗനയുടെ കിടക്ക

3. യഥാർത്ഥ ശ്മശാനം

4. അരയാൽ ചുവട് (ഗ്രാമത്തിനുളളിലുള്ളവയല്ല)

5. തൻ്റെ പത്നിയുടെ ഒപ്പം .

ചില വിഷയങ്ങൾ പൂർണ്ണമായും ഒഴിവാക്കേണ്ടവ ഒഴിവാക്കി കൊണ്ടു മാത്രമാണ് മേൽ കാണുന്നവയെല്ലാം എഴുതിരിക്കുന്നത്. ഇനിയും മറ്റൊരിക്കൽ വീണ്ടും മറ്റൊരു വിഷയവുമായി .