ശ്രീകാലാന്തക അഷ്ടകം
കമലാപതിമുഖസുരവരപൂജിത കാകോലഭാസിതഗ്രീവ |
കാകോദരപതിഭൂഷണ കാലാന്തക പാഹി പാര്വതീനാഥ ||൧||
കമലാഭിമാനവാരണദക്ഷാംഘ്രേ വിമലശേമുഷീദായിന് |
നതകാമിതഫലദായക കാലാന്തക പാഹി പാര്വതീനാഥ ||൨||
കരുണാസാഗര ശംഭോ ശരണാഗതലോകരക്ഷണധുരീണ |
കാരണ സമസ്തജഗതാം കാലാന്തക പാഹി പാര്വതീനാഥ ||൩||
പ്രണതാര്തിഹരണദക്ഷ പ്രണവപ്രതിപാദ്യ പര്വതാവാസ |
പ്രണമാമി തവ പദാബ്ജേ കാലാന്തക പാഹി പാര്വതീനാഥ ||൪||
മന്ദാരനതജനാനാം വൃന്ദാരകവൃന്ദഗേയസുചരിത്ര |
മുനിപുത്രമൃത്യുഹാരിന് കാലാന്തക പാഹി പാര്വതീനാഥ ||൫||
മാരാരണ്യദവാനല മായാവാരീന്ദ്രകുംഭസഞ്ജാത |
മാതംഗചര്മവാസഃ കാലാന്തക പാഹി പാര്വതീനാഥ ||൬||
മോഹാന്ധകാരഭാനോ മോദിതഗിരിജാമനഃസരോജാത |
മോക്ഷപ്രദ പ്രണമതാം കാലാന്തക പാഹി പാര്വതീനാഥ ||൭||
വിദ്യാനായക മഹ്യം വിദ്യാം ദത്ത്വാ നിവാര്യ ചാവിദ്യാം |
വിദ്യാധരാദിസേവിത കാലാന്തക പാഹി പാര്വതീനാഥ ||൮||
കാലാന്തകാഷ്ടകമിദം പഠതി ജനോ യഃ കൃതാദരോ ലോകേ
കാലാന്തകപ്രസാദാത്കാലകൃതാ ഭീര്ന സംഭവേത്തസ്യ ||൯||
ഇതി കാലാന്തകാഷ്ടകം സംപൂര്ണം ||
No comments:
Post a Comment