അട്ടാലസുന്ദരാഷ്ടകം

അട്ടാലസുന്ദരാഷ്ടകം

കല്യാണാചലകോദണ്ഡകാന്തദോര്ദണ്ഡമണ്ഡിതമ് .

കബലീകൃതസംസാരം കലയേ.അട്ടാലസുന്ദരമ് .. ൧..

കാലകൂടപ്രഭാജാലകളങ്കീകൃതകന്ധരമ് .

കലാധരം കലാമൗളിം കലയേ.അട്ടാലസുന്ദരമ് .. ൨..

കാലകാലം കലാതീതം കലാവന്തം ച നിഷ്കളമ് .

കമലാപതിസംസ്തുത്യം കലയേ.അട്ടാലസുന്ദരമ് .. ൩..

കാന്താര്ധം കമനീയാങ്ഗം കരുണാമൃതസാഗരമ് .

കലികല്മഷദോഷഘ്നം കലയേ.അട്ടാലസുന്ദരമ് .. ൪..

കദമ്ബകാനനാധീശം കാംഇതാര്ഥസുരദ്രുമമ് .

കാമശാസനമീശാനം കലയേ.അട്ടാലസുന്ദരമ് .. ൫..

സൃഷ്ടാനി മായയാ യേന ബ്രഹ്മാണ്ഡാനി ബഹൂനി ച .

രഇതാനി ഹതാന്യന്തേ കലയേ.അട്ടാലസുന്ദരമ് .. ൬..

സ്വഭക്തജനസംതാപ പാപാപദ്മങ്ഗതത്പരമ് .

കാരണം സര്വജഗതാം കലയേ.അട്ടാലസുന്ദരമ് .. ൭..

കുലശേഖരവംശോത്ഥഭൂപാനാം കുലദൈവതമ് .

പരിപൂര്ണം ചിദാനന്ദം കലയേ.അട്ടാലസുന്ദരമ് .. ൮..

അട്ടാലവീരശ്രീശംഭോരഷ്ടകം വരമിഷ്ടദമ് .

പഠതാം ശൃണ്വതാം സദ്യസ്തനോതു പരമാം ശ്രിയമ് .. ൯..

.. ഇതി ശ്രീഹാലാസ്യമാഹാത്മ്യേ വിക്രമപാണ്ഡ്യകൃതം അട്ടാലസുന്ദരാഷ്ടകം