വിഗ്രഹാരാധന ശരിയോ?

വിഗ്രഹാരാധന ശരിയോ?

ദേശിയപതാക ആഗസ്റ്റ് 15-ന് രാജ്യമെങ്ങും ഉയർത്താറുണ്ട്. അപ്പോഴൊക്കെ ജനങ്ങൾ സ്വാതന്ത്ര്യത്തിന്റെ സ്മരണ ഉൾക്കൊണ്ട് ബഹുമാനത്തോടെ അതിനെ നമിക്കുന്നു.

എന്താണ് പതാക ? കുറച്ചു തുണി , ചരട് , അതു നാട്ടാൻ നീളമുള്ള ഒരു കമ്പ്. പക്ഷേ പതാക ഉയർത്തുമ്പോൾ അതാണോ നാം ഓർക്കുക ? നമ്മുടെ സ്വാത്രന്ത്യത്തിന്റെ പ്രതീകമാണത് . പതാകയിലെ ആ വിശ്വാസമാണ് അതിനെ ആരാധ്യമാക്കുന്നത്.

വിഗ്രഹത്തെ ആരും ആരാധിക്കുന്നില്ല . ഉണ്ടെങ്കിൽ തെറ്റുതന്നെ . വിഗ്രഹത്തിലൂടെ ഈശ്വരനെ ആരാധിക്കുകയാണ് വേണ്ടത്. അരൂപിയായ ഈശ്വരനെ സ്മരിക്കാനുള്ള ഉപാധി മാത്രമാണ് വിഗ്രഹം.

പൂവിന് രൂപമുണ്ട്. അതിലെ സുഗന്ധത്തിന് രൂപമില്ല . പക്ഷേ, പുഷ്പം ആ സുഗന്ധത്തെ നമുക്ക് അനുഭവപ്പെടുത്തുന്നു. വിഗ്രഹം ഈശ്വരനല്ല . പക്ഷേ വിഗ്രഹം ഈശ്വരസാന്നിധ്യം നമ്മെ അനുഭവിപ്പിക്കുന്നു. നാമരൂപങ്ങളില്ലാത്ത ഒന്നും ഗ്രഹിക്കാൻ മനുഷ്യർക്ക് കഴിയുകയില്ലെന്നും ഓർക്കുക.......