ഈശ്വരൻ, സ്ര്യഷ്ടി, പരിണാമം, പുനർജന്മം - 07

ഈശ്വരൻ, സ്ര്യഷ്ടി, പരിണാമം, പുനർജന്മം - 07

അപകടമരണം, ആത്മഹത്യ, പെട്ടെന്നുള്ള മരണം എന്നി അവസ്ഥകളിൽ, ഭൌതീക ശരീരത്തിൽ നിന്നും വിട്ടു പോകുന്ന ആത്മാവ് ഉടനെത്തന്നെ പ്രാണമയ കോശത്തിൽ ഉണരുന്നു.

തനിയ്ക്ക് എന്താണു സംഭവിച്ചതെന്നു മനസ്സിലാക്കാൻ കുറച്ചു സമയമെടുക്കുന്നതിനാൽ അല്പ സമയം പരിഭ്രാന്തനാകാം.

മറ്റുള്ളവരുമായി ബന്ധപ്പെടാൻ സംസാരിയ്ക്കാൻ ശ്രമിയ്ക്കുമ്പ്പോൾ,അവർ അത് കേൾക്കുന്നില്ലയെന്നു വരുമ്പോഴാണ്, ദ്വേഷ്യവും, നിരാശയും, സങ്കടവും ഒക്കെ തോന്നാം.

പിന്നീട് തനിയ്ക്ക് ശരീരമില്ലയെന്നു മനസ്സിലാകുമ്പോഴാണു കൂടുതൽ പരിഭ്രാന്തനാകുക. പിന്നീട് യാഥാർത്ഥ്യ ബോദ്ധ്യത്തിലേയ്ക്ക് വരികയും ശാന്തനാകുകയും ചെയ്യുമത്രെ. അതിനുശേഷം അബോധാവസ്ഥയിലേയ്ക്ക് പോകുന്നു.

ഏകദേശം 15, 16 ദിവസങ്ങളെടുക്കുമത്രെ ആരോഗ്യമുള്ള ഒരു പ്രാണ മയകോശം മ്ര്യതപ്പെടാൻ. ഈ ദിവസങ്ങളിൽ അബോധാവസ്ഥയ്‌ലാകുന്ന ആത്മാവ് ഭൌതീക ശരീരത്തിന്റെ സമീപ പ്രദേശങ്ങളിൽ/ തന്റെ വീട്ടിന്റെ പരിസരങ്ങളിൽ ചുറ്റിത്തിരിഞ്ഞേക്കാമത്രെ.

അതീന്ത്രിയ സിദ്ധിയുള്ള വ്യക്തികൾ, നായ മുതലായ വളർത്തുമ്ര്യഗങ്ങൾ എന്നിവയ്ക്കൊക്കെ ഇവയെകാണാമത്രെ.

ഇങ്ങനെ ദ്ര്യശ്യമാകുന്ന പ്രാണമയ കോശത്തെയാണത്രെ പ്രേതമായി പലപ്പോഴും തെറ്റിദ്ധരിയ്ക്കുന്നത്.

പ്രാണമയ കോശത്തിന്റെ നാശത്തിനു ശേഷം ആത്മാവ് കാമമയ കോശത്തിൽ ഉണരുന്നു.

Past life regression വിധേയമാകുന്ന വ്യക്തികൾ , മരണപ്പെട്ടുവെന്നു കരുതിയിരിയ്ക്കുമ്പ്പോൾ മരണത്തിന് നിന്നും തിരിച്ചു വന്നതായ വ്യക്തികൾ എന്നിവർ നല്കുന്ന വിവരണങ്ങളിൽ അവർ പ്രകാശത്തിന്റെ ഒരു തുരങ്കത്തിലൂടെ സഞ്ചരിയ്ക്കുന്ന വിവരണം നല്കുന്നതായി കാണുന്നു.

സത്യത്തിൽ സ്വാധിഷ്ഠാന ചക്രയിലൂടെ കാമമയ കോശത്തിലേയ്ക്കൊ, കാമലോകത്തെയ്ക്കൊ ഉള്ള യാത്രയെയാണു പ്രകാശത്തിന്റെ തുരങ്കത്തിലൂടെയുള്ള യാത്ര സൂചിപ്പിയ്ക്കുന്നതെന്നു പറയുന്നു.

നമ്മുടെ ദേഷ്യം, കോപം, കുശുമ്പ്, നിരാശ, അസൂയ, പക, അസഹിഷ്ണുത തുടങ്ങിയ അധമ വികാരങ്ങൾ കാമമയ കോശത്തിൽ ആലേഖനം ചെയ്യപ്പെട്ടുകിടക്കുന്നു.

ഈ വികാരങ്ങൾക്ക് അനുസരണമായി നമ്മളിവിടെ നമ്മളാൽ സ്വയം പീഡിപ്പിയ്ക്കപെടുമത്രെ.

പലർക്കും ഭയത്താൽ കാഴ്ച ശക്തി പോലും ഉണരാതിരിയ്ക്കും.

പരിചയമുള്ള അനേകം ആത്മാവുകളുമായി ഇവിടെ വീണ്ടും കണ്ടുമുട്ടാൻ സാഹചര്യമുണ്ടാകുന്നു.

മാർഗ്ഗനിർദ്ദേശങ്ങൾ തരാൻ ഉയർന്ന ആത്മാവുകളായ മാസ്റ്റേഴ്സ്, ഗാർഡിയൻ ഏഞ്ചെൽസ് എന്നിവരും അവിടെ സന്നിഹിതരായിരിയ്ക്കും.
തങ്ങളുടെ തെറ്റുകൾ മനസ്സിലാക്കുന്നതിനുള്ള അവസരങ്ങൾ, സെല്ഫ് റിവ്യൂ എന്നിവ ആരുടേയും പ്രേരണ കൂടാതെ നാം തന്നെ ചെയ്യുന്നതാണു.

പുരാണങ്ങളിൽ നമ്മെ ഭയപ്പെടുത്താൻ പറഞ്ഞിരിയ്ക്കുന്ന കടുത്ത നരക കാഴ്ച്ചകളൊ, ശിക്ഷാ വിധികളൊ ഇവിടെയില്ലത്രെ.

പൂർത്തീകരിയ്ക്കാത്ത പലവിധ വികാരങ്ങൾ ഉണർന്നുവരുമെങ്കിലും അത് അനുഭവിയ്ക്കാൻ സ്തൂല ശരീരമില്ലാത്തതുകൊണ്ട് വളരെയധികം അസ്വസ്ഥത ഉണ്ടാകുമത്രെ.

നമ്മുടെ തന്നെ ദുഷിച്ച വികാരങ്ങളാൽ തന്നെ മറ്റേതൊരു നരകത്തേക്കാളും നാം പൊറുതി മുട്ടുമത്രെ.

കാമമയ കോശത്തിലെ സ്പന്ദനത്തിനനുസരിച്ച് കാമലോകത്തെ ഏഴുതട്ടുകളായി തിരിച്ചിട്ടുണ്ടത്രെ.

കാമമയകോശത്തിലെ താഴത്തെ നാലു തട്ടുകളെ പ്രേതലോകമെന്നും,

മുകളിലെ മൂന്നു തട്ടുകളെ പിത്ര്യലോകമെന്നും പറയുന്നു.

ആത്മാവുകളുടെ ശുദ്ധീകരണത്തിനനുസരിച്ച് അവ ഉയർന്ന തലങ്ങളിൽ സ്വാഭാവികമായും ചെന്നുചേരുകയാണത്രെ ഉണ്ടാവുക.

കാമലോകത്തിലെ വാസത്തിനുശേഷം ആത്മാവ് നമ്മളിലെ സത് ചിന്തകൾക്കനുസരണമായി മനോമയകോശത്തിൽ സ്വർഗ്ഗലോകത്തിൽ ഉണരുന്നു.

ഇവിടെവച്ചും മുൻ ജന്മങ്ങളിൽ പരിചയമുള്ള പല ആത്മാവുകളേയും കണ്ടുമുട്ടുന്നതിനും, പരിചയം പുതുക്കുന്നതിനും സാഹചര്യമുണ്ടാകുന്നു.

ഇവിടേയും നമ്മളിലുള്ള സത്ചിന്തയുടെ ഫലങ്ങൾ നമ്മുടെ ആഗ്രഹത്തിനനുസരിച്ച് ഓരോരുത്തർക്കും അനുഭവിയ്ക്കാൻ കഴിയുന്നു.

മനോമയ കോശത്തിലെ സ്പന്ദനത്തിനനുസരിച്ച് സ്വർഗ്ഗലോകത്തെ ഏഴുതട്ടുകളായി തിരിച്ചിട്ടുണ്ടത്രെ.

ആത്മാവുകളുടെ ശുദ്ധീകരണത്തിനനുസരിച്ച് അവ ഉയർന്ന തലങ്ങളിൽ സ്വാഭാവികമായും ചെന്നുചേരുകയാണത്രെ ഉണ്ടാവുക.

ഭൂമിയിലെ നമ്മുടെ ഊർജ്ജം പണമാണെങ്കിൽ സ്വർലോകത്തെ ഊർജ്ജം, മനസ്സാണത്രെ.

തുടരും.....