ശ്രീ വെംകടേശ്വര സ്തോത്രമ്‌
കമലാകുച ചൂചുക കുംകുമതോ
നിയതാരുണി താതുല നീലതനോ |
കമലായത ലോചന ലോകപതേ
വിജയീ ഭവ വേംകടശൈലപതേ ||൧||
സ ചതുര്മുഖഷണ്മുഖ പംചമുഖ
പ്രമാഖാഖില ദൈവതമൗളിമണേ |
ശരണാഗത വത്സല സാരനിധേ
പരിപാലയ മാം വൃഷശൈലപതേ ||൨||
അതിവേലതയാ തവ ദുര്വിഷഹൈ-
രനുവേലകൃതൈരപരാധശതൈ: |
ഭരിതം ത്വരിതം വൃഷശൈലപതേ
പരയാ കൃപയാ പരിപാഹി ഹരേ ||൩||
അധിവെംകടശൈലമുദാരമതേര്
ജനതാഭി മതാധിക ദാനരതാത് |
പരദേവരതയാ ഗഡിതാന്നി ഗമൈ:
കമലാദയിതാന്ന പരം കലയേ ||൪||
കല വേണുരവാവശ ഗോപവധൂ
ശതകോടിവൃതാത് സ്മരകോടിസമാത് |
പ്രതിവല്ലവികാഭിമതാത് സുഖദാത്
വസുദേവസുതാന്ന പരം കലയേ ||൫||
അഭിരാമ ഗുണാകര ദാശരഥേ
ജഗദേക ധനുര്ധര ധീരമതേ |
രഘുനായക രാമ രമേശ വിഭോ
വരദോ ഭവ ദേവ ദയാജലധേ ||൬||
അവനീതനയാ കമനീയ കരം
രജനീകരചാരു മുഖാംബുരുഹമ് |
രജനീചര രാജതമോമിഹിരം
മഹനീയമഹം രഘുരാമമയേ ||൭||
സുമുഖം സുഹൃദം സുലഭം സുഖദം
സ്വനുജം ച സുഖായമമോഘശരമ്‌ |
അപഹായ രഘൂദ്വഹമന്യമഹം
ന കഥംചന കംചന ജാതു ഭജേ ||൮||
വിനാ വേംകടേശം ന നാഥോ ന നാഥ:
സദാ വെംകടേശം സ്മരാമി സ്മരാമി |
ഹരേ വെംകടേശം പ്രസീദ പ്രസീദ
പ്രിയം വേംകടേശ പ്രയച്ഛ പ്രയച്ഛ ||൯||
അഹം ദൂരതസ്തേ പദാംഭോജയുഗ്മ
പ്രണാമേച്ഛയാഽഗത്യ സേവാം കരോമി |
സകൃത്സേവയാ നിത്യസേവാഫലം ത്വം
പ്രയച്ഛ പ്രയച്ഛ പ്രഭോ വേംകടേശ ||൧൦||
അജ്ഞാനിനാ മയാ ദോഷാ ന ശേഷാന്‌ വിഹിതാന്‌ ഹരേ |
ക്ഷമസ്വ ത്വം ക്ഷമസ്വം ത്വം ശേഷശൈല ശിഖാമണേ ||൧൧||
ഇതി ശ്രീ വെംകടേശ സ്ത്രോത്രം സംപൂര്ണമ്‌
No comments:
Post a Comment