ആനച്ചമയം

ആനച്ചമയം

ആനച്ചമയം എന്ന പേരിൽ വളരെ അധികം കോപ്രായങ്ങളും ആര്ഭാടങ്ങളും കാണുന്ന ഈ കാലത്ത് ചമയങ്ങളെ കുറിച്ച്‌ ചെറിയ ഒരു അറിവ് എല്ലാവർക്കുമായി പങ്കുവക്കുന്നു.....!!

ഒരു ആനയെ എഴുന്നെള്ളിപ്പിന് അണിയിച്ചൊരുക്കുമ്പോൾ ഉപയോഗിക്കുന്ന ചമയങ്ങൾ താഴെ പറയുന്നവയാണ്...

1. കോലം
2. തലക്കെട്ട് അഥവാ നെറ്റിപ്പട്ടം
3. വെഞ്ചാമരം
4. ആലവട്ടം
5. കച്ച കയർ
6. കഴുത്തിലെ മണിമാല
7. കാല്മണി
8. പള്ളമണി(വയറിൽ ഇടുന്ന രണ്ട കുടമണികൾ ഉള്ളത്)
9. കുട

ഇതിൽ നെറ്റിപ്പട്ടം 3 തരം ഉണ്ട്.
1. ചൂരപ്പൊളി
2. നാഗപടം
3. വണ്ടോട്

1. ചൂരപ്പൊളി
സാധാരണ തിടമ്പേറ്റുന്ന ആനയെ ആണ് ഈ തരത്തിലുള്ള തലക്കെട്ട് അണിയിക്കുന്നത്. നെറ്റിപ്പത്തിലെ വലിയ കുമിലകൾക്കു ചുറ്റും ചൂരൽ പൊളിച്ചു വച്ച പോലുണ്ടാവും.
ചൂരൽ പൊളി=ചൂരപ്പൊളി

2. നാഗപടം
ചൂരൽ പോളിക്കു പകരം നാഗത്തിന്റെ പടത്തിന്റെ രൂപമാവും ഉണ്ടാവുക. സാധാരണ എഴുന്നെള്ളിപ്പണയുടെ വലതും ഇടതും നിൽക്കുന്ന പറ്റാനാകൾക്കാണ് ഇത് അണിയിക്കാറുള്ളത്.

3. വണ്ടോട്
ബാക്കി ഉള്ള കൂട്ടാനകൾക്ക് സാധാരണ അണിയിക്കുന്ന തലേക്കെട്ടാണ് വണ്ടോട് തലക്കെട്ട്...

ചൂരൽ പൊളിക്കും നാഗപടത്തിനും പകരം വണ്ടിന്റെ രൂപത്തിലുള്ള രൂപമാണ് ഇത്തരം തലക്കെട്ടിൽ ഉണ്ടാവുക...

ഇന്നത് ഇന്ന ആനക്ക് അണിയിക്കണം എന്നത് നിയമം അല്ല. അത് തുടർന്ന് പോരുന്ന ഒരു കീഴ് വഴക്കമാണ്...