വിവിധങ്ങളായ ആശ്രമങ്ങൾ

വിവിധങ്ങളായ ആശ്രമങ്ങൾ

ആശ്രമം എന്നത് പൂർണ്ണതയുടെ സ്ഥാനമാകുന്നു. ആശ്രമത്തിലൂടെ സമത്വ സുന്ദരമായ ലോകത്തിന്റെ രചനപൂർണ്ണമാകുവാനുള്ള ശാസ്ത്രാനുസൃതമായ ഉപദേശനിർദ്ധേശങ്ങൾ ലഭിക്കുകയും ചെയ്യുന്നു. നമുക്ക് നാലാശ്രമങ്ങളുണ്ട്. നാലാശ്രമങ്ങൾ
1. ബ്രഹ്മചര്യം
2. ഗാർഹ്യസ്ഥം
3. വാനപ്രസ്ഥം
4. സംന്യാസം
എന്നിവ യാകുന്നു. നാലാശ്രമങ്ങളും ഒരുപോലെ ശ്രേഷ്ഠമായിത്തീരുവാൻ സ്വധർമ്മം അറിഞ്ഞ് അനുഷ്ഠിക്കുകയും ആചരിക്കുകയും ചെയ്താൽ മതി . ആചാരങ്ങളിൽ അതതുകാലങ്ങളിൽ മാറ്റങ്ങൾ ഉണ്ടാവുകയും ചെയ്യാം. മാറ്റങ്ങൾ ഉണ്ടായാലും അവയുടെ ലക്ഷ്യത്തിന് മാറ്റങ്ങൾ ഉണ്ടാകുന്നില്ല. ലക്ഷ്യങ്ങളിൽ മാറ്റങ്ങൾ സംഭവിക്കാതിരിക്കാൻ വൈദികധർമ്മം അനുസരിച്ച് ആചാരത്തെ പ്രായോഗികമാക്കുവാൻ സാധിക്കണം. വൈദികധർമ്മത്തിൽ വേദത്തിനു നലു ഭാഗങ്ങൾ ഉണ്ട്. നലു ഭാഗങ്ങൾ….
1. സംഹിതാ
2. ബ്രാഹ്മണം
3. ആരണ്യകം
4. ഉപനിഷത്ത്
എന്നിവയുമാകുന്നു. ഇവയിൽ സംഹിതയെ ബ്രഹ്മചര്യാശ്രമിയും
ബ്രാഹ്മണത്തെ ഗൃഹസ്ഥാശ്രമിയും
ആരണ്യകത്തെ വാനപ്രസ്ഥാശ്രമിയും
ഉപനിഷത്തിനെ സംന്യാസാശ്രമിയും
പ്രത്യേകം മനസ്സിലാക്കുകയും ചെയ്യുന്നു.
സംഹിതയിൽ മന്ത്രഭാഗങ്ങളും
ബ്രാഹ്മണത്തിൽ കർമ്മഭാഗങ്ങളും
ആരണ്യകത്തിൽ ഉപാസനാഭാഗങ്ങളും
ഉപനിഷത്തിൽ പരബ്രഹ്മത്തെകുറിച്ചും പ്രത്യേ കം വ്യക്തമാക്കുന്നു.

വ്യക്തമാക്കിയത് മനസ്സിലാക്കി ദിവസവും സ്വാദ്ധ്യായം ചെയ്യുകയും വേണം. സ്വാദ്ധ്യായത്തിലൂടെ മനസ്സിലാക്കിയ ധർമ്മത്തെ നാലാശ്രമികളും അവരുടെ ജീവിതത്തിൽ പ്രായോഗികം ആക്കുവാൻ പരിശ്രമംചെയ്യുകയും വേണം ആശ്രമ വ്യവസ്ഥകൾ സഹസ്രാബ്ദങ്ങളായി രൂപം കൊണ്ടവയാകുന്നു. സഹസ്രാബ്ദങ്ങളായി തുടർന്നു വരുന്ന ആശയസംഹിതകളായതിനാല് ആശയക്കുഴപ്പങ്ങളും ആശയസംഘർഷങ്ങളും വ്യവസ്ഥകളിൽ കടന്നുകൂടുകയും ചെയ്യാം. വ്യവസ്ഥകളിൽ നിന്നും ലോകകല്യാണത്തിനും മാനവപുരോഗതിക്കും ആവശ്യമായത് നമുക്ക് സ്വീകരിക്കാം.സ്വീകരിച്ചു കൊണ്ട് മുന്നോട്ടു പോകുമ്പോൾ മനുഷ്യജന്മം സഫലമാവുകയും ചെയ്യും. മനുഷ്യജന്മം സൌഭാഗ്യത്തിന്റെ ഫലമാകുന്നു. മനുഷ്യജന്മം അതിന്റെ അർത്ഥതലത്തിൽ പ്രായോഗികം ആക്കുവാൻ കഴിയണം. പ്രായോഗികം ആക്കുമ്പോൾ എല്ലാതിനേയും ഉൾക്കൊള്ളുവാൻ സാധിക്കുകയും ചെയ്യും. എല്ലാത്തിനേയും ഉൾക്കൊണ്ടുകൊണ്ട് പരസ്പരം ഉപകാരം ചെയ്തുജീവിക്കുമ്പോൾ ഋഷിയുപദേശിച്ച ധർമ്മം യാഥാർത്ഥ്യമാവുകയും ചെയ്യും. ഋഷിമാർ, ധർമ്മാധർമ്മം, പുണ്യപാപം, സ്വർഗ്ഗനരകം, ശരി തെറ്റ്, നീതിയനീതി, ജ്ഞാനമജ്ഞാനം മുതലായവിഷയങ്ങൾ മനുഷ്യനന്മക്ക് വേണ്ടി പറഞ്ഞിരിക്കുന്നു. അവർ നിഷ്പക്ഷമായിപറഞ്ഞുപോയ ആശയങ്ങളെ പക്ഷഭേമനുസരിച്ച് വളച്ചൊടിക്കുന്നത് അശാസ്ത്രീയമാകുന്നു. ആശ്രമങ്ങൾ വാസ്തവത്തിൽ എന്തിനു വേണ്ടിയാകുന്നു? ആശ്രമങ്ങൾ എല്ലാം ഈശ്വരാനുഭൂതി നേടുവാൻ വേണ്ടിയാകുന്നു. ഈശ്വരൻ എന്നാൽ എന്താകുന്നു? എല്ലാതിനേയും നിയന്ത്രിച്ചുകൊണ്ടിരിക്കുന്നശക്തിയെ ഈശ്വരന് എന്നുപറയുന്നു. ആ ഈശ്വരനെതന്നെ അറിവ്, ബോധം, ആത്മാ, ഞാൻ, നീ എന്നെല്ലാമുള്ള നാമങ്ങളിലും പറഞ്ഞുവരുന്നു. ഈശ്വരനെ സാക്ഷാത്കരിക്കുമ്പോൾ ഈശ്വരാനുഭൂതിയിൽ എത്തുകയും ചെയ്യുന്നു. നിരപേക്ഷമായ അനുഭൂതി ജീവിതത്തിൽ നിന്ന് ലഭിക്കുന്നില്ലെങ്കിൽ നമ്മുടെ ജീവിതരീതിയെ പുന:പരിശോധിച്ചുനോക്കണം. ആശ്രമങ്ങളുടെ വിഭജനം എന്തിനു വേണ്ടിയാകുന്നു? സംസാരത്തിന്റെ സമാധാനത്തോടുകൂടിയ പ്രയാണത്തിനുവേണ്ടി ആശ്രമത്തെ നാലായ് വിഭജിച്ചത്.