ബ്രഹ്മസൂത്രം
പ്രാചീന ഭാരതത്തിലെ ആധ്യാത്മിക ദർശനങ്ങളിൽ വെച്ച് ഏറ്റവും വിശിഷ്ടവും സമഗ്രവുമായി കരുതപ്പെടുന്ന അദ്വൈത ദർശനത്തിന്റെ അങ്കുരം അടങ്ങുന്ന ആദിമസൂത്ര സഞ്ചയം. ബാദരായണമുനിയാണ് ഈ സൂത്രങ്ങൾ എഴുതിയത് എന്നു കരുതുന്നു. നാല് അധ്യായങ്ങളും അവയിലോരോന്നിലും നാലു പാദങ്ങളും അടങ്ങുന്നതാണ് ഈ ഗ്രന്ഥം. വേദാന്തസൂത്രം എന്നപേരിലും അറിയപ്പെടുന്നു. ഭഗവദ്ഗീതയും, ഉപനിഷത്തുകളും, ബ്രഹ്മസൂത്രവും കൂടുചേർന്നതാണ് ഭാരതീയവേദാന്തത്തിന്റെ അടിത്തറ എന്നു ഹൈന്ദവാചാര്യന്മാർ കരുതുന്നു.
🔱 ബ്രഹ്മസൂത്രഭാഷ്യം
ആചാര്യന്മാർ അദ്ധ്യാപന സൗകര്യാർത്ഥം, ഓർത്തു വെക്കാൻ വേണ്ടി, വേദശാഖയോ, വ്യാഖ്യാനങ്ങളോ ചെറുവാക്യങ്ങളിലൊതുക്കിയതായിരുന്നു സൂത്രങ്ങൾ. അതിവിപുലമായ പഠനവിഷയങ്ങൾ പെട്ടൊന്നോർമ്മിച്ചെടുക്കാൻ പാകത്തിൽ സംഗ്രഹിച്ചു, കാച്ചിക്കുറുക്കിയ ചുരുക്കെഴുത്തെന്നും പറയാം. ഉപനിഷത്തുകൾക്ക് ബാദരായണാചാര്യർ തയ്യാറാക്കിയ ചുരുക്കെഴുത്തായിരുന്നു ബ്രഹ്മസൂത്രം.
No comments:
Post a Comment