ചന്ദ്രശേഖരാഷ്ടകസ്തോത്രം
ചന്ദ്രശേഖര ചന്ദ്രശേഖര ചന്ദ്രശേഖര പാഹി മാം | ചന്ദ്രശേഖര ചന്ദ്രശേഖര ചന്ദ്രശേഖര രക്ഷ മാം ||൧||
രത്നസാനുശരാസനം രജതാദ്രിശൃങ്ഗനികേതനം സിഞ്ജിനീകൃതപന്നഗേശ്വരമച്യുതാനനസായകം | ക്ഷിപ്രദഗ്ധപുരത്രയം ത്രിദിവാലയൈരഭിവന്ദിതം ചന്ദ്രശേഖരമാശ്രയേ മമ കിം കരിഷ്യതി വൈ യമഃ ||൨||
പഞ്ചപാദപപുഷ്പഗന്ധപദാംബുജദ്വയശോഭിതം ഭാലലോചനജാതപാവകദഗ്ധമന്മഥവിഗ്രഹം | ഭസ്മദിഗ്ധകലേബരം ഭവ നാശനം ഭവമവ്യയം ചന്ദ്രശേഖരമാശ്രയേ മമ കിം കരിഷ്യതി വൈ യമഃ ||൩||
മത്തവാരണമുഖ്യചര്മകൠതോത്തരീയമനോഹരം പങ്കജാസനപദ്മലോചനപൂജിതാംഘ്രിസരോരുഹം | ദേവസിന്ധുതരങ്ഗസീകര സിക്തശുഭ്രജടാധരം ചന്ദ്രശേഖരമാശ്രയേ മമ കിം കരിഷ്യതി വൈ യമഃ ||൪||
യക്ഷരാജസഖം ഭഗാക്ഷഹരം ഭുജങ്ഗവിഭൂഷണം ശൈലരാജസുതാപരിഷ്കൃതചാരുവാമകലേബരം | ക്ഷ്വേഡനീലഗലം പരശ്വധധാരിണം മൃഗധാരിണം ചന്ദ്രശേഖരമാശ്രയേ മമ കിം കരിഷ്യതി വൈ യമഃ ||൫||
കുണ്ഡലീകൃതകുണ്ഡലേശ്വര കുണ്ഡലം വൃഷവാഹനം നാരദാദിമുനീശ്വരസ്തുതവൈഭവം ഭുവനേശ്വരം | അന്ധകാന്തകമാശ്രിതാമരപാദപം ശമനാന്തകം ചന്ദ്രശേഖരമാശ്രയേ മമ കിം കരിഷ്യതി വൈ യമഃ ||൬||
ഭേഷജം ഭവരോഗിണാമഖിലാപദാമപഹാരിണം ദക്ഷയജ്ഞവിനാശനം ത്രിഗുണാത്മകം ത്രിവിലോചനം | ഭുക്തിമുക്തിഫലപ്രദം സകലാഘസംഘനിബര്ഹണം ചന്ദ്രശേഖരമാശ്രയേ മമ കിം കരിഷ്യതി വൈ യമഃ ||൭||
ഭക്തവത്സലമര്ചിതം നിധിമക്ഷയം ഹരിദംബരം സര്വഭൂതപതിം പരാത്പരമപ്രമേയമനുത്തമം | സോമവാരിദഭൂഹുതാശനസോമപാനിലഖാകൃതിം ചന്ദ്രശേഖരമാശ്രയേ മമ കിം കരിഷ്യതി വൈ യമഃ ||൮||
വിശ്വസൃഷ്ടിവിധായിനം പുനരേവ പാലനതത്പരം സംഹരന്തമപി പ്രപഞ്ചമശേഷലോകനിവാസിനം | കീഡയന്തമഹര്നിശം ഗണനാഥയൂഥസമന്വിതം ചന്ദ്രശേഖരമാശ്രയേ മമ കിം കരിഷ്യതി വൈ യമഃ ||൯||
മൃത്യുഭീതമൃകണ്ഡുസൂനുകൃതസ്തവം ശിവസന്നിധൗ യത്ര കുത്ര ച യഃ പഠേന്ന ഹി തസ്യ മൃത്യുഭയം ഭവേത് | പൂര്ണമായുരരോഗതാമഖിലാര്ഥസംപദമാദരാത് ചന്ദ്രശേഖര ഏവ തസ്യ ദദാതി മുക്തിമയത്നതഃ ||൧൦||
ഇതി ശ്രീചന്ദ്രശേഖരാഷ്ടകസ്തോത്രം സംപൂര്ണമ് ||
No comments:
Post a Comment