ഹൈന്ദവ ധർമ്മത്തിൻറെ ശാസ്ത്രീയമായ അടിത്തറ

ഹൈന്ദവ ധർമ്മത്തിൻറെ ശാസ്ത്രീയമായ അടിത്തറ

ഹിന്ദുമതം ഒരു വിശ്വാസം മാത്രമല്ല. ശാസ്ത്രീയ അടിസ്ഥാനമുള്ള ജീവിത രീതി കൂടിയാണ്. ഇത്രയും കാലത്തെ മതേതര വിദ്യാഭ്യാസം കാരണം ഹിന്ദുക്കൾ മാത്രം സ്വന്തം രാജ്യത്തെയും മതത്തേയും കുറിച്ച് അറിയാതെ പോയി.

ഹിമാലയത്തിൽ നിന്ന് ആരംഭിച്ച ഇന്ത്യൻ സമുദ്രം വരെ നീളുന്ന ദേവനിർമ്മിതമായ പരമപവിത്ര ദേശത്തെ ഹിന്ദുസ്ഥാനം എന്ന് പറയുന്നു.  സ്വരാജ്യത്തെ മാതൃഭൂമിയും പിതൃഭൂമിയും പുണ്യ ഭൂമിയുമായി കാണുന്ന ജനങ്ങളെ ആണ് ഹൈന്ദവജനത എന്ന് പറയുന്നത്.

നമ്മുടെ ആചാരങ്ങളെയും അനുഷ്ഠാനങ്ങളെയും കേവല വിശ്വാസമായി മാത്രം കണക്കാക്കരുത്.

ഇന്ത്യൻ ആചാരങ്ങളും അനുഷ്ഠാനങ്ങളും നിലനിൽക്കുന്നത് നാല് അടി സ്ഥാനങ്ങളിലാണ്. ഈ അടിസ്ഥാനമില്ലാത്ത ഒന്നും ആചാരമോ അനുഷ്ഠാനമോ അല്ല.

1) പ്രത്യക്ഷം പ്രമാണം
➖➖➖➖➖➖➖➖➖
ആചാരങ്ങൾ അനുഷ്ടിക്കുന്നത് കൊണ്ട് പ്രത്യക്ഷത്തിൽ അതിൻറെ ഗുണങ്ങൾ കിട്ടിയിരിക്കണം.
ഉദാഹരണം: സൂര്യനമസ്കാരം. നമ്മുടെ രാജ്യത്ത് മാത്രം അർത്ഥം അറിയാതെയാണ് സൂര്യനമസ്കാരം ചെയ്യുന്നത്. എന്നാൽ ആധുനിക ശാസ്ത്രം പറയുന്നു ശരീരത്തിലെ186 movable joints വ്യായാമങ്ങൾക്ക് വിധേയമാകുന്ന പ്രക്രിയയാണത്. ഇതാണ് പ്രത്യക്ഷപ്രമാണം എന്നതുകൊണ്ട് അർത്ഥമാക്കുന്നത്.

2) ശാസ്ത്രം പ്രമാണം
➖➖➖➖➖➖➖➖➖
ഈ ഭാരതത്തിൽ നടന്നുവരുന്ന എല്ലാ ആചാരങ്ങൾക്കും അനുഷ്ഠാനങ്ങൾക്കും ശാസ്ത്രീയമായ പിൻബലം ഉണ്ടായിരിക്കണം. ശാസ്ത്രീയമായി പ്രയോജനകരം ഇല്ലാത്ത ഒന്നും നമ്മുടെ ആചാരമോ അനുഷ്ഠാനമോ ആകാൻ പാടില്ല.
ഉദാഹരണം: ഗണപതി ഹോമം.
ഇടവപ്പാതി കഴിഞ്ഞാൽ മിക്ക ഭവനങ്ങളിലും ഗണപതിഹോമം സ്ഥിരമായി നടത്തിയിരുന്നു. ഇടവപ്പാതി കഴിഞ്ഞാൽ ഉണ്ടാകുന്ന അണുബാധയും മറ്റും ഒഴിവാക്കാനുള്ള അണു നശീകരണം  കൂടിയാണത്. ഗണപതിഹോമം നടത്തുമ്പോൾ ഉണ്ടാകുന്ന പുക ശ്വസിക്കുന്നത് ആരോഗ്യത്തിനു നല്ലതാണ്. ചിരട്ടയിലെ ഫിനോൾ പെരൻസിസ് എന്നിവ 36 തരം അനുബന്ധരോഗങ്ങളെ അകറ്റുന്നു. ആ ഗൃഹത്തിൽ ശാന്തിയും സമാധാനവും ഐശ്വര്യവും ഉണ്ടായിരിക്കും. ഇതാണ് ഗണപതിഹോമത്തിന് അടിസ്ഥാനം.

3) ആപ്തവാക്യം പ്രമാണം
➖➖➖➖➖➖➖➖➖
മഹർഷി അഥവാ ശാസ്ത്രജ്ഞൻമാർ നിരീക്ഷണ പരീക്ഷണങ്ങളിലൂടെ കണ്ടെത്തിയ കാര്യങ്ങൾ ഗ്രന്ഥരൂപത്തിൽ വിശദീകരിക്കുന്നുണ്ട്. ശാസ്ത്രീയ അടിസ്ഥാനം ഉള്ളവയാണ് ഇവ. ഇതിനെ ആപ്തവാക്യം പ്രമാണം എന്ന് പറയുന്നു.

4) അനുമാനം പ്രമാണം
➖➖➖➖➖➖➖➖➖
ശാസ്ത്രീയമായ മാനദണ്ഡങ്ങളിൽ വിശകലനം നടത്തുന്നതിന് അനുമാനപ്രമാണം എന്നതുകൊണ്ട് ഉദ്ദേശിക്കുന്നു.
ഉദാഹരണം: നമുക്ക് തലവേദനയോ വയറുവേദനയോ വരുന്ന സമയത്ത് ശരീരം കീറി പരിശോധിച്ചില്ല വൈദ്യൻമാർ ചികിത്സ നടത്തിയിരുന്നത്. പലവിധ ചോദ്യങ്ങളിലൂടെ ആണ് ഇത്തരം രോഗങ്ങൾക്ക് ആധുനിക ശാസ്ത്രവും പ്രതിവിധി നിശ്ചയിക്കുന്നത്.

ഇങ്ങനെ ഉള്ള 4 അടിസ്ഥാനങ്ങളും ഉൾപ്പെടുന്ന ഒന്നാണ് ഹിന്ദു ധർമ്മശാസ്ത്രം. അല്ലാതെ വെറും വിശ്വാസം, ആചാരം എന്നിവ ഇവിടെ ഇല്ല. ശാസ്ത്രീയമായ അടിത്തറ ഇല്ലാത്ത ഒന്നും നമ്മുടെ മതത്തിൽ ഇല്ല. ഈ നാട്ടിൽ ജനിച്ച നമ്മൾക്ക് ഭാരതീയ പൈതൃകം യഥാർത്ഥത്തിൽ അറിയില്ല.