ശ്രീരംഗനാഥൻ
തമിഴ്നാട് ട്രിച്ചിക്കടുത്തു കാവേരി നദിക്കും പോഷക നദിയായ കൊല്ലിടം നദിക്കും മദ്ധ്യേയുള്ള പാവനമായ ശ്രീരംഗം ദ്വീപിലാണ് രംഗനാഥൻ കോവിൽ. നിത്യപൂജയുള്ള മഹാക്ഷേത്രങ്ങളിൽ ലോകത്തെ ഒന്നാമത്തെയും ഏഷ്യയിലെ വലിപ്പമേറിയ ഗോപുരത്തിന്റെ മേന്മയും രംഗനാഥൻ കോവിലിനാണ്. 108 വൈഷ്ണവാലയങ്ങളിൽ, സാക്ഷാൽ വൈകുണ്ഠവും സമുദ്രത്തിനടിയിലെ സാങ്കല്പിക ക്ഷേത്രവും കഴിഞ്ഞാൽ ഒന്നാമത്തെ പുണ്യസ്ഥലമാണ് ഭൂലോകവൈകുണ്ഠപുരമായ ശ്രീരംഗനാഥ സന്നിധി.
മനോഹരമായ പടിക്കോലങ്ങൾ വരച്ചിട്ട അഗ്രഹാരത്തെരുവുകളും വൈഷ്ണവ തിലകം വലിപ്പത്തിൽ വരച്ചിട്ട മതിലുകളും ഇവ്ടുത്തെ പ്രേത്യേകതയാണ്. എല്ല ക്ഷേത്രങ്ങളും ദർശിച്ച ശേഷം വരേണ്ടയിടമാത്രേ ഭൂലോകവൈകുണ്ഠമായ ഇവിടം.
ബ്രഹ്മാവ് പൂജിച്ചിരുന്ന വിഷ്ണു വിഗ്രഹം കാലാന്തരത്തിൽ ത്രേതായുഗേ ശ്രീരാമസമക്ഷം എത്തപ്പെടുകയും, രാവണൻ നിഗ്രഹശേഷം രാമൻ അത് വിഭീഷണന് നൽകയും ചെയ്തു. ലങ്കയിലേക്കുള്ള മാർഗ്ഗമധ്യേ വിഭീഷണൻ വിഗ്രഹം കാവേരിക്കടുത്തുള്ള ചന്ദ്രപുഷ്കരണി തടത്തിൽ വെക്കേം അതവിടെ ഉറച്ചു പോവേം ചെയ്തു. അപ്പൊ തനിക്ക് കാവേരി തടത്തിൽ വസിക്കാനത്രേ ഇഷ്ട്ടം എന്ന് ഭഗവാന്റെ അരുളപ്പാട് ഉണ്ടാവുകയും ചെയ്തു എന്ന് ഐതീഹ്യം. വർഷത്തിൽ 250 ദിവസ്സവും ഉത്സവം ഉള്ള ഇവിടെ വർഷത്തിൽ പതിനൊന്നു മാസവും കൊല്ലിടം നദിയിലെ വെള്ളത്തിലാണ് ഭഗവാന്റെ നിർമാല്യം. തുലാമാസത്തിൽ മാത്രേ കാവേരിലെ ജലം ഉപയോഗിക്കുന്നത്. ഈ മാസത്തിൽ കാവേരി ഭൂമിയിലെ പുണ്യനദിയായി മാറുന്നു. അന്ന് കാവേരിയിൽ സ്നാനം ചെയ്താൽ എല്ലാ പുണ്യഘട്ടങ്ങളിലും സ്നാനം ചെയ്തതിനു തുല്യമത്രേ.
കറുപ്പ് നിറത്തിൽ അനന്തശായിയായ രംഗനാഥന്റെ വലിപ്പമേറിയ വിഗ്രഹം കണ്ണുകൾ തുറന്നു പിടിച്ച നിലയിൽ നീണ്ടുനിവർന്നാണിവിടെ. കണ്ണുകൾ തുറന്നു പിടിച്ചു ഭഗവാൻ യോഗനിദ്രയിലാണെന്നാണ് സങ്കൽപ്പം. ആദ്യം ഭഗവാന്റെ പാദം തൊഴുത ശേഷം വേണം മുഖം കാണാൻ. ഭഗവാന്റെ വിഗ്രഹത്തിനു മുന്നിലായി പട്ടും രത്നാഭരങ്ങളാലും അലംകൃതമായ എഴുന്നെള്ളിപ്പ് വിഗ്രഹവും അതിന്റെ ഇരു പാർശ്വത്തുമായി രംഗനായികയായ ലക്ഷ്മി ദേവിയുടെ രണ്ടു വിഗ്രഹങ്ങളും കുടികൊള്ളുന്നു. ഇവിടെ വൈഷ്ണവ സ്തോത്രം ഉരുവിടുന്ന ചന്ദന ഗെന്ധമുള്ള കാറ്റിനൊപ്പം വിഷ്ണു പാദം പൂകാനായ് കാവേരി നദി അനുസ്യുതം ഒഴുകികൊണ്ടേരിക്കണ്‌...
ഭൂലോകവൈകുണ്ഠം വാഴും ശ്രീരംഗനെ....
കാന്പവർക്കു എന്നെന്നും ആനന്ദമേ...
ശ്രീരംഗനാഥാ, നിൻ പാദാരവിന്ദം ദർശിച്ചാൽ ജന്മപുണ്യം....
മുപ്പത്തിമുക്കോടി ദേവകൾ വണങ്ങീടും.
ദിക്കെട്ടും മുഴങ്ങീടും നിൻ വേദഘോഷം....
നാഭിയിൽ കമലത്തിൽ നാന്മുഖനും.....
നാരദർ തൻ വീണയിൽ നിൻ ദേവഗാനം......
No comments:
Post a Comment