അനിഴം ജന്മ നക്ഷത്ര ചിന്ത

അനിഴം ജന്മ നക്ഷത്ര ചിന്ത

വിശപ്പും ദാഹവും അധികമുളളവരായും രോഗമുള്ളവരായും സഞ്ചാരപ്രിയരായും അന്യദേശവാസികളായും സ്ത്രീകളിൽ ആസക്തിയുള്ളവരായും അൽപ ധനത്തോട്‌ കൂടിയവരായും ഭവിക്കും. ചെറുപ്പകാലത്ത്‌ നിയന്ത്രിതവും സന്തുഷ്ടവുമായ ചുറ്റുപാടിൽ വളരാൻ ഈ നക്ഷത്രക്കാരിൽ മിക്കവർക്കും കഴിഞ്ഞില്ലെന്ന്‌ വരും. വൈകാരികമായ സ്ഥൈര്യം കുറവാണെങ്കിലും ഇവർ ചുറുചുറുക്കോടും ദൃഢനിശ്ചയത്തോടും അധികാര ഗർവോടും കൂടി പ്രവർത്തിക്കും. സ്വാതന്ത്ര്യബോധവും ക്രാന്തദർശിത്വവുമുള്ള ഇവർ സുഹൃത്തുക്കളുടെ സഹായത്തോടെ ഉന്നതനിലയിലെത്തുന്നു. ഇവർ ഔദാര്യവും സേവനോത്സുകതയും പ്രദർശിപ്പിക്കും. ദൈവഭക്തരും കലാപ്രണയികളുമായ ഇവർ സാധാരണ സ്വന്തം വീട്‌വിട്ട്‌ താമസിക്കുന്നവരായിരിക്കും. സ്ത്രീകൾ പൊതുവേ വൃദ്ധരിലും ഭർത്താവിലും ഭക്തിയുള്ളവരായിരിക്കും. ഈ നക്ഷത്രരാശികൾ വൈകാരികകാര്യങ്ങളിൽ അൽപം തണുപ്പ്‌ കാണിക്കുമെങ്കിലും പാചകത്തിൽ ചാതുര്യമുള്ളവരായിരിക്കും.

അനിഴം ജന്മ നക്ഷത്ര ചിന്ത

ഗോത്രം - അംഗിര

മൃഗം - മാൻ

വൃക്ഷം - ഇലഞ്ഞി

ഗണം - ദേവം

യോനി - സ്ത്രി

പക്ഷി - കാക്ക 

പഞ്ചഭൂതം - അഗ്നി

നക്ഷത്ര ദേവത - മിത്രൻ

നക്ഷത്രരൂപം - ചോറ്

നക്ഷത്രാധിപൻ - ശനി

രാശി - വൃശ്ചികം

രാശ്വാധിപൻ - കുജൻ

രത്നം - ഇന്ദ്രനീലം ( blue sapphire )

നാമ നക്ഷത്രം :-

 ആദ്യ പാദം - ന

രണ്ടാം പാദം - നി

മൂന്നാം പാദം - നു

നാലാം പാദം - നേ

ജപിക്കേണ്ട മന്ത്രം

ഓം മിത്രായ നമഃ

 Note:- ഇതിൽ പറഞ്ഞിരിക്കുന്നത് പൊതുവായ ഫലങ്ങളാണ്. ജാതകം കൂടി പരിശോധിച്ച് വേണം വ്യക്തിഗതമായ ഫലങ്ങൾ ചിന്തിക്കേണ്ടത്