ചോദ്യം: ഗാഢനിദ്രയിൽ നാം അനുഭവിക്കുന്ന ആനന്ദം തന്നെയാണ് സമാധി അവസ്ഥയിൽ ഒരു യോഗി അനുഭവിക്കുന്നത് എന്ന് പറയുന്നതെന്തു കൊണ്ട് ?
ഉത്തരം: ഗാഢനിദ്രയിൽ കുറച്ചു നേരത്തേക്ക് മനസില്ലാതാകുന്നു. ചിന്തകൾ ശമിക്കുന്നു. എന്നാൽ പൂർണ്ണമായി മനസ് ഇല്ലാതാകാത്തതു കൊണ്ട് ഉണർന്നു കഴിയുമ്പോൾ അവ തിരിച്ചു വരും. അതുകൊണ്ടാണ് ഗാഢനിദ്രയിൽ
നാം അനുഭവിച്ച സമാധാനവും സുഖവും ഉണർന്നു കഴിയുമ്പോൾ അസ്തമിക്കുന്നത്.
തിരിച്ചറിവ് സംഭവിക്കുമ്പോൾ മനസ് പൂർണ്ണമായും ഇല്ലാതാകും . അപ്പോൾ ചിന്തകൾ ഒരിക്കലും നമ്മെ ബുദ്ധിമുട്ടിക്കില്ല ,
അപ്പോൾ സ്വാഭാവികമായും സുഖവും സമാധാനവും ഉണ്ടാവും.
ചുരുക്കത്തിൽ,
ഗാഢനിദ്രയിൽ ഒരു വ്യക്തി അനുഭവിക്കുന്ന സുഖവും സന്തോഷവും,
തന്റെ നിജരൂപം ജ്ഞാനത്തിലൂടെ തിരിച്ചറിഞ്ഞ യോഗി, ഉണർന്നിരിക്കുന്ന അവസ്ഥയിൽ അനുഭവിക്കുന്നു.
എന്താണ് തിരിച്ചറിവ് or ജ്ഞാനം ?
"ഞാൻ " ചിന്തകൾ ഭാവനയിലൂടെ മെനഞ്ഞടുത്ത വ്യക്തിയല്ല ,
മറിച്ച് ചിന്തകൾ രൂപപ്പെടുന്നതിനു മുൻപുണ്ടായിരുന്ന അവസ്ഥയാണ് എന്ന് തിരിച്ചറിയുന്നതാണ് ബോധോദയം or തിരിച്ചറിവ് .
ഒരു ചെറിയ ഉദാഹരണം പറയാം, ഒരാൾ താൻ എഴുതിയ പരീക്ഷയിൽ തോൽക്കുമെന്ന് പേടിച്ച് റിസൾട്ട് വരുന്നത് വരെ ഭയത്തിൽ കഴിയുന്നു,
എന്ന് കരുതുക.
പരീക്ഷയ്ക്ക് തോൽക്കുമെന്ന ചിന്ത അയാളെ അസ്വസ്ഥമാക്കുന്നു , സമാധാനം കേടുത്തുന്നു.
എന്നാൽ രാത്രിയിൽ ഗാഢനിദ്രയിൽ ആയിരിക്കുമ്പോൾ യാതൊരു പ്രശ്നവുമില്ല, സുഖവും സന്തോഷവും മാത്രം.
ഉറക്കം ഉണരുമ്പോൾ മാത്രമാണ് ഭയമുള്ളത്.
ഇതിനൊരു പരിഹാരമേ ഉള്ളൂ ,
ചിന്തയെ വിശ്വസിക്കാതിരിക്കുക.
താൻ പരീക്ഷയിൽ തോൽക്കുമെന്ന് പറയുന്ന ചിന്തയെ വിശ്വസിക്കാതിരിക്കുക.
അപ്പോൾ ഗാഢനിദ്രയിൽ ലഭിക്കുന്ന സുഖവും സമാധാനവും ഉണർന്നിരിക്കുന്ന അവസ്ഥയിലും നമുക്ക് ലഭിക്കും...
No comments:
Post a Comment