എട്ടുവീട്ടിൽപ്പിള്ളമാരുടെ ദുരാത്മാക്കളെ പിടിച്ചുകെട്ടിയ കുമാരമംഗലത്ത് ഭട്ടതിരിപ്പാടിന് മാർത്താണ്ഡവർമ്മ മഹാരാജാവ് പാരിതോഷികമായി പണികഴിപ്പിച്ച് കൊടുത്തതാണ് കുമാരമംഗലത്ത് മന, ഭട്ടതിരിപ്പാടിനെ ചങ്ങനാശേരി പെരുന്ന ദേശത്തിൻ്റെ ദേശവാഴിയായി വാഴിക്കുകയും ചെയ്തു മഹാരാജാവ്.
ജീവിച്ചിരുന്ന കാലത്തും മരണപ്പെട്ട ശേഷവും ഒരു പോലെ തിരുവിതാംകൂർ രാജകുടുംബത്തിന് പിള്ളമാർ സ്വസ്തഥ കൊടുത്തിട്ടില്ല. മന്ത്രവാദികൾ എത്ര പരിശ്രമിച്ചിട്ടും പിള്ളമാരുടെ ആത്മാക്കളെ ആവാഹിച്ചിരുത്താൻ കഴിഞ്ഞില്ല, അവസാനം കുമാരമംഗലത്ത് ഭട്ടതിരിപ്പാട് ' ആത്മാക്കളെ ആവാഹിച്ച് എട്ട് മൺകുടങ്ങളിലാക്കി, എന്നാൽ മൺകുടങ്ങൾ പൊട്ടിപ്പോയി, പിന്നീട് ആവാഹിച്ച് എട്ട് ചെമ്പ് കുടങ്ങളിലാക്കി അടച്ചു, പിള്ളമാരുടെ കുടുംബ പരദേവതയായ വേട്ടടി ഭദ്രകാളി ക്ഷേത്രത്തിൽ ഈ കുടങ്ങൾ പ്രതിഷ്ടിച്ചു, അതോടെ പിളളമാരുടെ ശല്യം തീർന്നു,
ഭട്ടതിരിപ്പാടിന് പന്ത്രണ്ട് കെട്ട് മന രാജാവ് പണികഴിപ്പിച്ച് കൊടുത്തു, ചുവരുകൾ എല്ലാം പൂർണ്ണമായും മരത്തടിയിലായിരുന്നു, ഇന്ന് പന്ത്രണ്ട് കെട്ടിൽ നാലുകെട്ട് മാത്രമാണ് അവശേഷിക്കുന്നത്, കേരള പുരാവസ്തു വകുപ്പിൻ്റെ കീഴിലാണ് ഇന്ന് കുമാരമംഗലത്ത് മന, കുടുംബക്കാർ തൊട്ടടുത്ത് തന്നെ മറ്റൊരു ഇല്ലത്ത് താമസിക്കുന്നു.
No comments:
Post a Comment