ചണ്ഡികാഷ്ടകം

ചണ്ഡികാഷ്ടകം

സഹസ്രചന്ദ്രനിത്ദകാതികാന്ത-ചന്ദ്രികാചയൈ-
ദിശോഽഭിപൂരയദ് വിദൂരയദ് ദുരാഗ്രഹം കലേഃ ।
കൃതാമലാഽവലാകലേവരം വരം ഭജാമഹേ
മഹേശമാനസാശ്രയന്വഹോ മഹോ മഹോദയം ॥ 1॥

വിശാല-ശൈലകന്ദരാന്തരാല-വാസശാലിനീം
ത്രിലോകപാലിനീം കപാലിനീ മനോരമാമിമാം ।
ഉമാമുപാസിതാം സുരൈരൂപാസ്മഹേ മഹേശ്വരീം
പരാം ഗണേശ്വരപ്രസൂ നഗേശ്വരസ്യ നന്ദിനീം ॥ 2॥

അയേ മഹേശി! തേ മഹേന്ദ്രമുഖ്യനിര്‍ജരാഃസമേ
സമാനയന്തി മൂര്‍ദ്ധരാഗത പരാഗമംഘ്രിജം ।
മഹാവിരാഗിശംകരാഽനുരാഗിണീം നുരാഗിണീ
സ്മരാമി ചേതസാഽതസീമുമാമവാസസം നുതാം ॥ 3॥

ഭജേഽമരാംഗനാകരോച്ഛലത്സുചാമ രോച്ചലന്‍
നിചോല-ലോലകുന്തലാം സ്വലോക-ശോക-നാശിനീം ।
അദഭ്ര-സംഭൃതാതിസംഭ്രമ-പ്രഭൂത-വിഭ്രമ-പ്രവൃത-താണ്ഡവ-പ്രകാണ്ഡ-പണ്ഡിതീകൃതേശ്വരാം ॥ 4॥

അപീഹ പാമരം വിധായ ചാമരം തഥാഽമരം
നുപാമരം പരേശിദൃഗ്-വിഭാവിതാ-വിതത്രികേ ।
പ്രവര്‍തതേ പ്രതോഷ-രോഷ-ഖേലന തവ സ്വദോഷ-
മോഷഹേതവേ സമൃദ്ധിമേലനം പദന്നുമഃ ॥ 5॥

ഭഭൂവ്-ഭഭവ്-ഭഭവ്-ഭഭാഭിതോ-വിഭാസി ഭാസ്വര-
പ്രഭാഭര-പ്രഭാസിതാഗ-ഗഹ്വരാധിഭാസിനീം ।
മിലത്തര-ജ്വലത്തരോദ്വലത്തര-ക്ഷപാകര
പ്രമൂത-ഭാഭര-പ്രഭാസി-ഭാലപട്ടികാം ഭജേ ॥ 6॥

കപോതകംബു-കാംയകണ്ഠ-കണ്ഠയകംകണാംഗദാ-
ദികാന്ത-കാശ്ചികാശ്ചിതാം കപാലികാമിനീമഹം ।വരാംഘ്രിനൂപുരധ്വനി-പ്രവൃത്തിസംഭവദ് വിശേഷ-
കാവ്യകല്‍പകൌശലാം കപാലകുണ്ഡലാം ഭജേ ॥ 7॥

ഭവാഭയ-പ്രഭാവിതദ്ഭവോത്തരപ്രഭാവി ഭവ്യ
ഭൂമിഭൂതിഭാവന പ്രഭൂതിഭാവുകം ഭവേ ।ഭവാനി നേതി തേ ഭവാനി! പാദപംകജം ഭജേ
ഭവന്തി തത്ര ശത്രുവോ ന യത്ര തദ്വിഭാവനം ॥ 8॥

ദുര്‍ഗാഗ്രതോഽതിഗരിമപ്രഭവാം ഭവാന്യാ
ഭവ്യാമിമാം സ്തുതിമുമാപതിനാ പ്രണീതാം ।
യഃ ശ്രാവയേത് സപുരൂഹൂതപുരാധിപത്യ
ഭാഗ്യം ലഭേത രിപവശ്ച തൃണാനി തസ്യ ॥ 9॥

രാമാഷ്ടാംക ശശാംകേഽബ്ദേഽഷ്ടംയാം ശുക്ലാശ്വിനേ ഗുരൌ ।
ശാക്തശ്രീജഗദാനന്ദശര്‍മണ്യുപഹൃതാ സ്തുതിഃ ॥ 10॥

॥ ഇതി കവിപത്യുപനാമക-ശ്രീ ഉമാപതിദ്വിവേദി-വിരചിതം ചണ്ഡികാഷ്ടകം
സമ്പൂര്‍ണം ॥