ഹിന്ദുവിന്റെ 10 കല്പനകൾ

ഹിന്ദുവിന്റെ 10 കല്പനകൾ

1. അഹിംസ

വാക്കുകൊണ്ടോ, ചിന്തകൊണ്ടോ, പ്രവൃത്തി കൊണ്ടോ, ശാരീരികമായോ,
മാനസീകമായോ,ആത്മീയമായോ മറ്റൊരുവനെ വേദനിപ്പിക്കാതിരിക്കുക.ഒരാളുടെയും
പ്രശ്നം പരിഹരിച്ചില്ലെങ്കിലും അയാളുടെ പ്രശ്നം സങ്കീർണമാക്കാതിരിക്കുക.

2. സത്യം

സത്യം = സത്യം + യാഥാർത്ഥ്യം + തത്വം
ഏത് കാര്യം ചെയ്യുമ്പോഴും സത്യം അറിഞ്ഞു മാത്രം പ്രവർത്തിക്കുക.അതായത്
ദുരുദ്ദേശം ഇല്ലാതെ നേർവഴിക്ക് മാത്രം പ്രവർത്തിക്കുക.

3. അസ്തേയം

മറ്റൊരുവന്റെ സ്വത്ത്, പദവി, പേര്, പ്രസിദ്ധി തട്ടിയെടുക്കാതിരിക്കുക.അങ്ങോട്ട്
കൊടുക്കാതെ ഇങ്ങോട്ടു മാത്രം സ്വീകരിക്കരുത്.

4. ബ്രഹ്മചര്യം

ബ്രഹ്മം + ചര്യം = പരമമായ ലക്ഷ്യത്തിലേകുള്ള പ്രയാണം
ജീവിതത്തിൽ ഏൽപ്പിച്ചതും ചെയ്തു തീർക്കേണ്ടതോ, ഏറ്റെടുത്തു ചെയ്തു
തീർക്കേണ്ടതോ ആയ കാര്യങ്ങളിൽ വ്യക്തമായ ബോധ്യമുണ്ടായി അതിലേക്ക് പ്രയാണം
ചെയ്യൽ.

5. അപരിഗ്രഹ

അപരിഗ്രഹ: = സ്വീകരിക്കാതിരിക്കുക
പരമാവധി ഒരാളെ ആശ്രയിക്കാതെ ജീവിക്കുക.

6. ശൗചം

മനസ്സ്, ശരീരം(ആന്തരിക +ബാഹ്യ), ചിന്ത, വീക്ഷണം, വാക്ക്, പ്രവൃത്തി, വസ്ത്രം
വൃത്തിയായി സൂക്ഷിക്കുക.

7. സന്തോഷം

ഏതാനും വർഷങ്ങൾ മാത്രം ആയുസ്സുള്ള ഈ മനുഷ്യ ജീവിതത്തിൽ പരമാവധി
സന്തോഷിക്കുക, സന്തോഷിപ്പിക്കുക.

8. തപ

ഏത് പ്രവൃത്തി ചെയ്യുമ്പോഴും ഒരു തപസ്സായി യജ്ഞ ഭാവത്തിൽ ഏറ്റെടുത്ത കർമ്മം
ചെയ്യുക.

9. സ്വാദ്ധ്യായം

ഏത് കർമ്മമണ്ഡലത്തിൽ പ്രവർത്തിക്കുമ്പോഴും ആ മേഖലയിൽ നിരന്തരം അറിവ്
നേടിക്കൊണ്ടിരിക്കുക. പഠിച്ച് പഠിപ്പിച്ചുകൊണ്ടേയിരിക്കുക.

10. ഈശ്വര പ്രണിധാനം

നമുക്ക് അധീനമായി ഒരു ശക്തി ഈ പ്രപഞ്ചത്തിൽ ഉണ്ട് എന്നും ആ ശക്തിക്ക്
വിധേയമായിട്ടാണ് ഈ ഭൂമിയിൽ നമ്മൾ ജീവിക്കുന്നത് എന്ന് അറിയുക.