പരോരജസേ എന്നതിന് നിർമ്മലവും നിർഗുണവുമായിരിക്കുന്നതെന്ന് അർത്ഥം. 'സാവദോം' എന്നത് വഴിതുറക്കുന്നത് ഓം എന്ന മഹാശബ്ദത്തിലേക്കാണ്. സാവദോം എന്ന പദം അർത്ഥമാക്കുന്നത് സർവ ജ്യോതിയെയാണെന്നാണ് മഹാവാക്യോപനിഷത്ത് വെളിപ്പെടുത്തുന്നത്. പരോരജസേ എന്നത് സാക്ഷാൽ പരബ്രഹ്മം തന്നെയാണെന്നാണ് ഗായത്രീ പഞ്ജരസ്തോത്രത്തിലൂടെ ബ്രഹ്മാവ് ചൂണ്ടിക്കണിക്കുന്നത്.
സൃഷ്ടിസ്ഥിതിലയങ്ങളെയാണ് പൂർണഗായത്രീയിലൂടെ വിവരിക്കുന്നത്. ഓം മുതൽ ഓം വരെ എത്തി നിൽക്കുന്ന ഇത് ഇവിടെ സൃഷ്ടിയുടെ മുഴുവൻ സംവിധാനങ്ങളും അനാവരണം ചെയ്യപ്പെടുന്നു എന്നാണ് സൃഷ്ടിയെ സൂചിപ്പിച്ചു കൊണ്ട് ഓമിൽ സമാരംഭിച്ച് ലയത്തെ മനസ്സിലാക്കികൊണ്ട് ഓമിൽ തന്നെ പൂർണ്ണഗായത്രി അവസാനിപ്പിക്കുന്നത്
എന്നാൽ യോഗികളും സന്യാസിമാരുമാണ് പൂർണ്ണഗായത്രിജപിക്കുന്നത്. സാധാരണക്കാർ പൂർണഗായത്രി ജപിക്കറില്ല. അതിനുകാരണവുമുണ്ട് . മൂന്ന് പാദങ്ങളുള്ള ഗായത്രി ജപിക്കുമ്പോൾ അർത്ഥമാക്കുന്നത് 'തത്' എന്ന ശക്തി സാധകന്റെ ബുദ്ധിയെ സന്മാർഗത്തിലേക്ക്, വിജയത്തിലേക്ക് പ്രചോദിപ്പിക്കട്ടെ എന്നാണ്, എന്നാൽ നാലാം പാദം കൊണ്ട് അർത്ഥമാക്കുന്നത് തന്റെ ബുദ്ധിയെ അലൗകീകവും ആദ്ധ്യാത്മികവുമായ ലയത്തിലേക്ക് പ്രചോദിപ്പിക്കട്ടെ എന്നാണ്. ഹൈന്ദവധർമ്മമനുസരിച്ച് യഥാവിധിയുള്ള മൂന്നാശ്രമങ്ങളും ധാർമ്മികമായി കടന്ന ശേഷം മാത്രമേ ഒരുവന് സന്യാസത്തിലേക്ക് കടക്കാനാവൂ. യോഗിയോ സന്യാസിയോ ആയി തീർന്നാൽ ലക്ഷ്യം വെക്കുന്നത് ഓങ്കാരത്തിലുള്ള ലയനമാണ്. അങ്ങനേയുള്ളവർക്ക് പൂർണഗായത്രി ജപിക്കാമെന്ന് പണ്ഡിതതത്വം, എന്നാൽ ലൗകീകനാകട്ടെ മൂന്ന് പാദങ്ങളുള്ള ഗായത്രീ ജപത്തിലൂടെ ബുദ്ധിയെ സന്മാർഗത്തിലേക്ക് പ്രചോദിപ്പിച്ച് ഭൂമീവാസം ശന്തവും സന്തോഷം നിറഞ്ഞതുമാക്കിമാക്കിമാറ്റാം...
No comments:
Post a Comment