ഏതു യുദ്ധത്തിലും വിജയം നേടാനും സർവ്വതോമുഖമായ ശക്തിയും സൗന്ദര്യവും സംഭരിക്കുവാനും വേണ്ടി ശ്രീപരമേശ്വരൻ ദേവന്മാർക്ക് നാല് ദിവ്യമായ ഔഷധബീജങ്ങൾ നൽകി. ഹിമഗിരിക്കും കൈലാസത്തിനും വടക്ക് കാളക്കൊമ്പുപോലെ ഉയർന്ന് നിൽക്കുന്ന രണ്ട് പർവ്വതശിഖരങ്ങളായ ഋഷഭാദ്രിയുടെ മദ്ധ്യത്തിൽ ഏവർക്കു അപ്രാപ്യമായ പുണ്യഭൂമിയിൽ അവർ അവ നട്ടു. പാൽ സമുദ്രത്തിലെ തീർത്ഥജലം കൊണ്ട് നനച്ചു വളർത്തി ആ നാലു ദിവ്യൗഷധികളാണ് സുവർണ്ണകരണി, വിശല്യകരണി, സന്ധാനകരണി, മൃതസഞ്ജീവനി ഏന്നിവ.
സുവർണകരണി
ശരീരത്തിൽ എല്ലാ പാടുകളും കലകളും മറ്റി സുന്ദരവും തേജോമയവുമാക്കുന്നതാണ് സുവർണകരണി.
വിശല്യകരണി
മുള്ളുകളോ ശരങ്ങളോ മറ്റോ തറച്ചുകയറിയാൽ അവയെല്ലാം നീക്കി ഉള്ളിലും പുറത്തുമുള്ള എല്ലാ മുറിവുകളും ക്ഷതങ്ങളും മറ്റി ശരീരത്തെ കൂടുതൽ ഊർജ്ജസ്വലവും ശക്തവുമാക്കുന്ന ദിവ്യൗഷധമാണ് വിശല്യകരണി.
സന്ധാനകരണി
പൊട്ടിപോയ എല്ലുകളെ കൂടിചേർത്ത് പഴയപടി പൂർവ്വാധികം ശക്തമത്താക്കുന്ന ഔഷധമാണ് സന്ധാനകരണി.
മൃതസഞ്ജീവനി
ശരീരത്തിൽ വിടുപോയ ജീവനെ തിരിച്ച് പ്രവേശിപ്പിച്ച് ആ ശരീരത്തെ പഴയപടി ജീവസ്സുറ്റമാക്കുന്ന ദിവ്യൗഷധമാണ് മൃതസഞ്ജീവനി..
രാവണപുത്രനാൽ കൊല്ലപ്പെട്ട എല്ലാ വാനരപടയെയും നേതാക്കന്മാരെയും പുനർജ്ജീവിപ്പിച്ചത് ഹനുമാൻ ഋഷഭാദ്രിയിൽ നിന്നും കൊണ്ടുവന്ന മൃതസഞ്ജീവനിയുടെ ദിവ്യശക്തിയിലാണ്
രാവണൻ പ്രയോഗിച്ച പ്രത്യസ്ത്രമില്ലാത്ത വേൽ മാറിൽ തറച്ച് ലക്ഷ്മണൻ ബോധം കെട്ടുവീണപ്പോൾ ഹനുമാൻ കൊണ്ടുവന്ന വിശല്യകരണി ന്യാസം ചെയ്താണ് അദ്ദേഹം പൂർവ്വസ്ഥിതിയിലായി ഊർജ്ജ്വസ്വലനായത്.
No comments:
Post a Comment