അധുനിക കാലത്ത് എന്തുകൊണ്ട് യഥാർത്ഥ ഗുരുക്കന്മ്മാർ കുറയുന്നു?

അധുനിക കാലത്ത് എന്തുകൊണ്ട് യഥാർത്ഥ ഗുരുക്കന്മ്മാർ കുറയുന്നു???

ഗുരുവിനെയും ദേവതയേയും വ്യക്തി സത്തയിലും രൂപ ഗുണത്തിലും ആരോപിച്ചാൽ നിങ്ങളുടെ ദൈവീക ശക്തിയിയ്ക്ക് അതിനപ്പുറം ആയ ഗുണ /ഗുണാ തീത /നിർഗുണ അവസ്ഥ യിലേക്ക് നിങ്ങളെ ഉയരാനോ അനുഗ്രഹിക്കണോ പ്രകൃതി സമ്മതിക്കില്ല...

അതിനാൽ ബുദ്ധൻ തന്നെ ആരാധിക്കാനോ രൂപ ദൈവങ്ങളെ ആരാധിക്കാനോ ആവശ്വപ്പെട്ടില്ല...

ശ്രീനാരായണ ഗുരു പിന്നീട് കണ്ണാടി പ്രതിഷ്ടിച്ചതും ഇതേ ഉദ്ദേശത്തിൽ....

 പക്ഷേ അനുയായികൾ ഈ ഗുരുക്കന്മ്മാരെ വിഗ്രഹത്തിലും ദൈവീകതയിലും ആരോപിച്ചതിനാൽ പ്രകൃതി ശക്തി അവർക്കു മുന്നിൽ മറ്റൊരു ബുദ്ധനോ മറ്റൊരു നാരായണഗുരുവോ, അതോ അതിനപ്പുറമോ ആയി അവതരിച്ചില്ല, ജനിച്ചില്ല, പ്രതികരിച്ചില്ല... ഇതുവരെ... 

രൂപ ഭാവങ്ങളിലൂടെ ശക്തിയെ ആരാധിച്ചാൽ അത് ഗുരു/ ദേവത എന്ത് ആയാലും അത് (ആരോപിത ശക്തി വരെയേ) ആയേ ആ ആരോപിത ശക്തി പ്രതികരിക്കൂ...

 അതിനപ്പുറത്തുള്ള ഒരു ശക്തി നിങ്ങൾക്ക് അനുഗ്രഹം ആയി ആ ആരോപിത ശക്തി നിങ്ങൾക്ക് നൽകില്ല... നൽകാൻ അതിനാവില്ല...

മഹാരഥൻമാർ ആയ ഗുരുക്കന്മ്മാരും ഇന്ന് ആരാധിക്കപ്പെടുന്ന ദേവതകളും അവരുടെ ഉപാസന കാലത്ത് ശക്തിയെയും ഗുരുവിനെയും രൂപ ഭാവങ്ങൾ നൽകി ഉപാസിച്ചവർ അല്ല...

അതുകൊണ്ട് അവർ അനന്ത ശക്തിയ്ക്ക് ഉടമകൾ ആയി

ശക്തിയ്ക്ക് രൂപ ഭാവങ്ങൾ നൽകി ഉപസിക്കുന്നവർ ആരോപിച്ച രൂപ ഭാവ ഗുണത്തിന്റെ നാല് അയലത്തു പോലും എത്താതെ ദുർബലരും ആയി...

ഭാരതത്തിൽ ശക്തിയെയും ഗുരുവിനെയും സഗുണ രൂപ ഭാവങ്ങളിൽ ആരാധിക്കപ്പെടാൻ (ഇന്ന് മനുഷ്യ ഗുരുവിനും ആരാധന വന്നു) തുടങ്ങിയ മുതൽ ഇവിടെ ശക്തി ഹീനവും ഗുണ ഹീനവും ആയി...

ശക്തിയിൽ ഗുണ ആരോപണം ആ ശക്തിയുടെ യഥാർത്ഥ ശക്തിയെ ചുരുക്കി പരിമിതപ്പെടുത്തുന്നു.. നിങ്ങളുടെ ഗുണ ആരോപണം നിങ്ങളുടെ മനോ നിലയ്ക്ക് അനുസരിച് മാത്രം...

പ്രപഞ്ച ശക്തി നിസ്സാര മനുഷ്യൻ ആയ നിങ്ങളുടെ ഭാവനയിൽ ഒതുങ്ങുന്ന എന്നത് അഹങ്കാരം കൂടി ആണ്...

നിങ്ങൾ ആരോപിച്ച കഴിവിനും ഗുണത്തിനും അപ്പുറത്തായി ആ ആരോപിത ദൈവ ശക്തി നിങ്ങളോട് പ്രതികരിക്കുകയോ അനുഗ്രഹിക്കുകയോ ഇല്ല... ഇത് മനസ്സിലാക്കിയ സിദ്ധ ഗുരുക്കൾ ശക്തിയെ സഗുണത്തിന് എതിരായ ഗുണങ്ങൾ ആരോപിച്ചു ഉപസിച്ചിരുന്നു...

ആധുനിക കാലത്ത് ശക്തിയും ഗുണവും ഉള്ള ഗുരുക്കന്മ്മാർ, ദിവ്യ ഗുണമുള്ള പ്രവാചകർ ഇവിടെ ഉണ്ടാവാത്തത് എന്ത് എന്ന് സാധകർ ചിന്തിക്കുക...

 ഒരു കാലത്ത് ബോധി സത്വൻമ്മാരുടെയും അവധൂതൻമ്മാരുടെയും തീർത്തങ്ക രൻമാരുടെയും പരിവ്രാ ജകരുടെയും നാടായിരുന്ന ഇവിടെ

 ഇന്ന് AC കാറിൽ മാത്രം സഞ്ചരിക്കുന്ന AC റൂമിൽ മാത്രം ഉറക്കം വരുന്ന കോടികളുടെ വാർഷിക വരുമാനം ഉള്ള ബിസിനസ്‌ നടത്തി പണം ഉണ്ടാകുന്ന, രാഷ്ട്രീയ പാർട്ടി കളുടെ അടിമകൾ ആയ അല്ലെങ്കിൽ അവരുടെ സുരക്ഷ ഇല്ലാതെ സമൂഹത്തിൽ നിനനിൽപ്പ് ഇല്ലാത്ത, ദുർബലർ ആയ കഷായ വേഷങ്ങളുടെ പ്രെചന്ന നാടക ശാലകൾ ആയിരിക്കുന്നു നമ്മുടെ ദേശം...

 ചെറിയ ഒരു സിദ്ധി വിശേഷം എങ്കിലും കൈവന്നാൽ പരാ ശക്തിയിലും അപ്പുറത്തു എന്ന് മനുഷ്യ ദൈവങ്ങൾ ചമഞ്ഞു ആടുന്നവർ ഷുഗറും പ്രഷറും ഉള്ള സാധാരണ മനുഷ്യർ മാത്രമാണ്...

 പഞ്ച മകാരങ്ങളിൽ നിന്നുപോലും പ്രകൃതി സ്വാതന്ത്ര്യം കൊടുക്കാത്തവർ മനുഷ്യ ദൈവമായി ആടുമ്പോൾ അവരെ അതെ രൂപത്തിൽ ആരാധിക്കുമ്പോൾ "ശക്തി" അഥവാ നിങ്ങളുടെ പ്രപഞ്ച ശക്തിക് ആ വ്യക്തിയുടെ ഗുണ ഗണങ്ങൾക്ക് അപ്പുറത്തായി നിങ്ങൾക്ക് അനുഗ്രഹം തരാൻ ആവില്ല അഥവാ പ്രതികരിക്കില്ല...

നിങ്ങൾ എന്നെ ഏത് രൂപത്തിൽ ആരാധിക്കുന്നു.. ഞാൻ അതെ രൂപത്തിൽ പ്രതികരിക്കുന്നു എന്ന് ഗീത വചനം ഇവിടെ ശരിയായി ചിന്തനീയം... ചെയ്യുക...

രാഷ്ട്രീയ നേതൃത്വത്തിനും ബിസിനസ്‌ മഗ്‌നറ്റുകളെയും സമുദായിക നേതാക്കളെയും നിയന്ത്രിക്കുന്ന രീതിയിൽ ഒരു സാധകന് ശക്തി വിധേ

യമാകാത്തത് എന്താണ് ഈ കാലത്ത്???

അഥവാ ഒരു ബുദ്ധനോ, നാരായണ ഗുരുവോ, ചട്ടമ്പി സ്വാമികളോ?18സിദ്ധൻമാരിൽ ഒരാളെ പോലെയോ ഉള്ള സിദ്ധനോ ഒന്നും ഈ കാലത്ത് എന്തുകൊണ്ട് പ്രകൃതി സൃഷ്ടിക്കുന്നില്ല???

ചക്രവർത്തിമാർക്ക് പോലും ആശ്രയവും അഭയവുംആയിരുന്നു ഒരുകാലത്തു പ്രാചീന സിദ്ധ യോഗികൾ, ബുദ്ധ ബോധിസത്വൻമാർ, ജൈന തീർത്തങ്ങരൻമാർ അന്നു ഭാരതം വിശ്വ ഗുരു ആയി ഉയർന്നു....

എന്നാൽ ഈ രാജഗുരു സ്ഥാനത്തേയ്ക്ക് മത പുരോഹിഥൻമാർ കടന്നു വന്നപ്പോഴും പ്രപഞ്ച നിയമങ്ങൾ അറിയാത്ത അവരിലൂടെ മനുഷ്യ ദൈവങ്ങൾ ആയി പുരോഹിത ഗുരുക്കന്മ്മാർ അവരുടെ വ്യക്തി സത്തയിൽ ശക്തി ആരോപണം നടത്തി സ്വയം ദിവ്യൻ ആവുകയും, അതോടൊപ്പം ദേവതയും കൂടുതൽ സ്വാത്തിക സുന്ദര രൂപ ഗുണങ്ങളാൽ ആരോപിക്കപ്പെടുകയും ചെയ്തതിനാൽ ആ ആരോപിത ഗുണങ്ങളിൽ അനുഗ്രഹം ചൊറിയുന്നത് ആ ശക്തി സംഘൽപ്പം കുറയ്ക്കും അല്ലെങ്കിൽ ആരോപിത ഗുണത്തിനടുത് വരെ എത്താൻ മറ്റുള്ളവരെ അനുഗ്രഹിക്കും... തന്റെ ഗുണ തിനു മുകളിൽ എത്താൻ മറ്റുള്ളവരെ അനുഗ്രഹിക്കണമെന്നില്ല. (തന്നെ പോലെയോ, മുകളിലോ ആയി ഒന്നും വളരരുത് എന്ന "പെരുന്തച്ചൻ മാനസിക "അവസ്ഥയിൽ ഗുണ ആരോപിത ശക്തി പ്രതികരിക്കും)

മനുഷ്യ രൂപത്തിൽ ഉള്ള ഗുരുക്കന്മ്മാർ വഴി കാട്ടികൾ ആണ്... ബഹുമാനിക്കാം അവരിലും ശക്തി സങ്കല്പം ചെയ്യരുത്... ശക്തിയിൽ മനുഷ്യ രൂപ സങ്കൽപ്പവും... ചെയ്യരുത്

AD 8നൂറ്റാണ്ടിന് ശേഷം ഭാരതം തകരാൻ തുടങ്ങുന്നതിനു കാരണം ആത്മീയ മേഖലയിൽ ഇവിടെ വന്ന അറിവില്ലാത്ത ചിലരുടെ ചെയ്തികൾ എന്ന് പറയാതെ വയ്യ...

നിങ്ങളുടെ ഗുരുവിനെയും ദൈവത്തെയും രൂപത്തിനും ഗുണത്തിനും ഉപരിയായ ശക്തി ആയി കാണുക...

അങ്ങിനെയുള്ള തലങ്ങളിൽ എത്തിക്കാൻ പറ്റുന്നവരെ മാത്രം ഗുരു ആക്കുക... ഇതിന് പ്രപഞ്ച ശക്തി തന്നെ നിങ്ങളെ അനുഗ്രഹിക്കണം... രൂപ രഹിതമായ, ഗുണാ തീതമായ ആ ശക്തിയോട് അകമഴിനു അപേക്ഷിക്കൂ

ഗുണങ്ങൾ നിങ്ങൾക്ക് മുന്നിൽ എത്തും... ഗുരു രൂപത്തിലും ശക്തി രൂപത്തിലും

ബുദ്ധൻ പറഞ്ഞ ശൂന്യതയും, ഉത്തര ഗീതയിൽ കൃഷ്ണൻ പറഞ്ഞ ശൂന്യതയും ഈ രൂപ ശൂന്യതയും ചിന്താ ശൂന്യതയും ആണ്...

ആഭ്യന്തര ബാഹ്യ പ്രപഞ്ചങ്ങളുടെ ശൂന്യത അനുഭവിക്കുമ്പോഴേ നാദത്തിലൂടെ ആ പ്രപഞ്ച ശക്തിയെ ആദ്യമായി ശ്രെവിക്കാൻ പറ്റൂകയുള്ളു...

ഗുരു ദേവത സങ്കൽപ്പങ്ങൾ ഇതിലേക്ക് എത്താനുള്ള ചവിട്ടു പടികൾ മാത്രം ആയിരിക്കണം അല്ലാതെ അതിൽ (ഗുരു ദേവത യിൽ) എല്ലാശക്തി സങ്കല്പവും ചെയ്താൽ ഈ ഉന്നത അവസ്ഥകളിലേക്ക് ആരും എത്തില്ല... ജന്മം നഷ്ടമാവുകയും ചെയ്യും.