ഹിതകരമായി സംസാരിക്കുന്നവരും ശാസ്ത്രപഠനത്തിൽ തൽപരരും ശത്രുക്കൾ ഇല്ലാത്തവരും മാതാപിതാക്കളോട് ഭക്തിയുള്ളവരും ധർമ്മനീതി പാലിക്കുന്നവരുമായിരിക്കും. ഇവർ ഏത് സാഹചര്യത്തിലും ഇണങ്ങിച്ചേരും. ഏറ്റെടുത്ത കാര്യങ്ങൾ പരമാവധി കഴിവുപയോഗിച്ച് നിർവ്വഹിക്കും. ശരീരശുദ്ധിയിലും വസ്ത്രധാരണത്തിലും ശ്രദ്ധാലുക്കളായ ഇവർ വീടും പരിസരവും ഭംഗിയായി സൂക്ഷിക്കുന്നതിൽ താൽപര്യം കാണിക്കും. നല്ല സുഹൃത്തുക്കളുണ്ടാകുന്ന പക്ഷം ഇവർ ഉയർന്ന പദവിയിലെത്തും.ഇവർ വിജ്ഞ്ഞ്ഞാനത്തിന്റെ എല്ലാ ശാഖകളിലും താൽപര്യം പ്രദർശിപ്പിക്കും. ജനിച്ച സ്ഥലംവിട്ട് താമസിക്കേണ്ടിവരുന്ന ഇവർ വിദേശികളുമായി ബന്ധപ്പെട്ട ഏർപ്പാടുകളിൽ വിജയിക്കുന്നത് സ്വാഭാവികമാണ്. സ്നേഹിതന്മാർക്ക് ഉപകാരം ചെയ്യുന്ന ഇവർ എതിരാളികൾക്ക് പോലും മാപ്പുകൊടുക്കും.സ്ത്രീകൾ ഗൃഹഭരണത്തിൽ നിപുണകളും അതിഥി സൽക്കാര തൽപരകളും ആയിരിക്കും. ഭർത്താവിനോടും ഗുരുജനങ്ങളോടും ക്ഷമാപൂർവ്വം സന്തോഷത്തോടെ പെരുമാറുന്നതാണ്. ഒരിക്കലും അഹങ്കാരം പ്രദർശിപ്പിക്കാത്ത ഇവർ എല്ലാക്കാര്യങ്ങളും നിഷ്കർഷയോടെ നിറവേറ്റും. ഈ നക്ഷത്രക്കാരികൾ എളുപ്പം സുമംഗലികളാകും.
ഉത്രട്ടാതി ജന്മ നക്ഷത്ര ചിന്ത
ഗോത്രം - പുലഹ
മൃഗം - പശു
വൃക്ഷം - കരിമ്പന
ഗണം - മനുഷ്യൻ
യോനി - സ്ത്രീ
പക്ഷി - മയിൽ
പഞ്ചഭൂതം - ആകാശം
നക്ഷത്ര ദേവത - അഹിർബുധ്നി
നക്ഷത്രരൂപം - ഇരട്ട
നക്ഷത്രാധിപൻ - ശനി
രാശി - മീനം
രാശ്യാധിപൻ - വ്യാഴം
രത്നം - ഇന്ദ്രനീലം (Blue Sapphire )
നാമനക്ഷത്രം :-
ആദ്യ പാദം - സു
രണ്ടാം പാദം - ഖ
മൂന്നാം പാദം - ജ്ഞ
നാലാം പാദം - ഢ
ജപിക്കേണ്ട മന്ത്രം :-
ഓം അഹിർബുധിന്യായ നമഃ
Note:- ഇതിൽ പറഞ്ഞിരിക്കുന്നത് പൊതുവായ ഫലങ്ങളാണ്. ജാതകം കൂടി പരിശോധിച്ച് വേണം വ്യക്തിഗതമായ ഫലങ്ങൾ ചിന്തിക്കേണ്ടത്
