രാമായണത്തിൽ വിവരിച്ചിട്ടുള്ള ഐതിഹ്യപ്രകാരം ബ്രഹ്മാവിന്റെ മനസാ പുത്രൻമാരിൽ ഒരാളായ പുലസ്ത്യ മഹർഷിയുടെ പുത്രനായ വിശ്രവസ്സിനും - ഭരദ്വാജമഹർഷിയുടെ പുത്രി ദേവവർണിനി എന്ന ഇളബിളയിൽ ജനിച്ച ആദ്യത്തെ മകനാണ്, ധനത്തിന്റെയും വടക്ക് ദിക്കിന്റെയും അധിപതിയായ വൈശ്രവണൻ എന്നറിയപ്പെടുന്ന കുബേരൻ.
വൈശ്രവണൻ എന്നാൽ സമ്പത്തിനെ വ്യാപിക്കുന്നവൻ" എന്നർത്ഥം.. കുബേരൻ എന്നാൽ നിന്ദിതമായ ശരീരത്തോടുകൂടിയവൻ എന്നും അർത്ഥം. (ദേവനായി ജനിച്ചിട്ടു കൂടി രാക്ഷസ രൂപമായതിനാൽ ദേവൻമാർ അദ്ദേഹത്തെ ആദ്യ കാലത്ത് പരിഗണിച്ചിരുന്നില്ല.)
സൂര്യദേവന് ഛായയിൽ ജനിച്ചതും ശനീശ്വരന്റെ സഹോദരിയുമായ ഭദ്രയാണ് (ലക്ഷ്മി, ചർവി, യക്ഷി എന്നീ പേരുകളിലും അറിയപ്പെടുന്നു.) കുബേരന്റെ ഭാര്യ.
നളകുബേരൻ, മണിഗ്രീവൻ, മയൂരജ എന്നീ 3 ആൺമക്കളും മീനാക്ഷി എന്ന പെൺകുട്ടിയും അദ്ദേഹത്തിന് മക്കളായി ഉണ്ട്.
മഹാദേവന്റെ ഭൈരവ രൂപമാകുന്ന സുവർണ ഭൈരവൻ എന്ന സ്വർണ ഭൈരവനെ ആരാധിച്ചാണ് കുബേരൻ ധനത്തിന്റെ ദേവത സ്ഥാനം ഏറ്റെടുത്തത്.. ഒപ്പം യക്ഷ കുലത്തിന്റെ രാജവുമാണ് ഇദ്ദേഹം.
കഥയിലേക്ക്...
തന്റെ അച്ഛന്റെ രണ്ടാമത്തെ ഭാര്യയായ കൈകസിയിൽ ജനിച്ച പുത്രനായ രാവണൻ, കുബേരന് താമസിക്കുവാൻ വിശ്വകർമ്മാവ് പണി കഴിപ്പിച്ച ശ്രീ ലങ്ക ആക്രമിച്ചു വാങ്ങിയപ്പോൾ (അച്ഛന്റെ ആവിശ്യ പ്രകാരം നൽകിയതാണ് എന്നും പറയുന്നു.) മഹാദേവനെ തപസ്സു ചെയ്തു പുതിയ ഒരു നഗരം ലഭ്യമാകുവാൻ തീരുമാനിച്ചു...
കുബേരന്റെ തപസ്സിൽ പ്രീതിപെട്ട ശിവപാർവതിമാരോട് തന്റെ ആവിശ്യം പറയുകയും അവരത് അംഗീകരിക്കുകയും ചെയ്തു. തുടർന്ന് കൈലാസ പർവതത്തിൽ അളകപുരി എന്ന നഗരം നിർമിച്ചു നൽകി.
എന്നാൽ പാർവതി ദേവിയുടെ സൗന്ദര്യത്തിൽ അകൃഷ്ടനായ കുബേരൻ വലതു കണ്ണിനാൽ ദേവിയെ ശ്രദ്ധിച്ചു. അത് കുബേരന് വൻ തിരിച്ചടിയായി. ആ നിമിഷം കുബേരന്റെ ഒരു കണ്ണിന്റെ കാഴ്ച പോയി.
അതുകൊണ്ട് കുബേരൻ ഏക പംഗള നേത്രൻ എന്ന പേരിലും കുത്സിതൻ (ഒരുകണ്ണില്ലാത്തവന്‍) എന്ന പേരിലും അറിയപ്പെടാൻ തുടങ്ങി..
No comments:
Post a Comment