വിഷ്ണുശതനാമസ്തോത്രം

വിഷ്ണുശതനാമസ്തോത്രം

ഓം വാസുദേവം ഹൃഷീകേശം വാമനം ജലശായിനം

ജനാർദ്ദനം ഹരിം കൃഷ്ണം ശ്രീവക്ഷം ഗരുഡദ്ധ്വജം

വരാഹം പുണ്ഡരീകാക്ഷം നൃസിംഹം നരകാന്തകം

അവ്യക്തം ശാശ്വതം വിഷ്ണും അനന്തമജമവ്യയം

നാരായണം ഗദാദ്ധ്യക്ഷം ഗോവിന്ദം കീർത്തിഭാജനം

ഗോവർദ്ധനോദ്ധരം ദേവം ഭൂധരം ഭുവനേശ്വരം.

വേത്താരം യജ്ഞപുരുഷം യജ്ഞേശം യജ്ഞവാഹകം

ചക്രപാണിം ഗദാപാണിം ശംഖപാണിം നരോത്തമം.

വൈകുണ്ഠം ദുഷ്ടദമനം ഭൂഗർഭം പീതവാസനം

ത്രിവിക്രമം ത്രികാലജ്ഞം ത്രിമൂർത്തിം നന്ദകേശ്വരം.

രാമം രാമം ഹയഗ്രീവം ഭീമം രൗദ്രം ഭവോദ്ഭവം

ശ്രീപതിം ശ്രീധരം ശ്രീശം മംഗലം മംഗലായുധം.

ദാമോദരം ദമോപേതം കേശവം കേശിസൂദനം

വരേണ്യം വരദം വിഷ്ണും ആനന്ദം വസുദേവജം.

ഹിരണ്യരേതസം ദീപ്തം പുരാണം പുരുഷോത്തമം

സകലം നിഷ്കലം ശുദ്ധം നിർഗുണം ഗുണശാശ്വതം.

ഹിരണ്യതനുസങ്കാശം സൂര്യായുതസമപ്രഭം

മേഘശ്യാമം ചതുർബാഹും കുശലം കമലേക്ഷണം.

ജ്യോതിരൂപമരൂപം ച സ്വരൂപം രൂപസംസ്ഥിതം

സർവ്വജ്ഞം സർവ്വരൂപസ്ഥം സർവ്വേശം സർവ്വതോമുഖം.

ജ്ഞാനം കൂടസ്ഥമചലം ജ്ഞാനദം പരമം പ്രഭും

യോഗീശം യോഗനിഷ്ണാതം യോഗിനം യോഗരൂപിണം.

ഈശ്വരം സർവ്വഭൂതാനാം വന്ദേ ഭൂതമയം പ്രഭും

ഇതി നാമശതം ദിവ്യം വൈഷ്ണവം ഖലു പാപഹം.

വ്യാസേന കഥിതം പൂർവ്വം സർവ്വപാപപ്രണാശനം

യഃ പഠേത് പ്രാതരുത്ഥായ സ ഭവേദ് വൈഷ്ണവോ നരഃ

സർവ്വപാപവിശുദ്ധാത്മാ വിഷ്ണുസായൂജ്യമാപ്നുയാത്.

ഇതി വിഷ്ണുപുരാണേ വിഷ്ണുശതനാമസ്തോത്രം സമ്പൂർണ്ണം.