💗●➖➖●ॐ●➖➖●💗
കൊല്ലം ജില്ലയില്‍ അഷ്ടമുടിക്കായലില്‍ വര്‍ഷം തോറം നടത്തുന്ന വള്ളംകളിയാണ് പ്രസിഡന്റസ് ട്രോഫി വള്ളംകളി. 2011 ആഗസ്റ്റ് 30 നാണ് ആദ്യ ജലോത്സവം നടന്നത്. മത്സരം കാണാന്‍ അന്ന രാഷ്ട്രപതി പ്രതിഭാപാട്ടില്‍ എത്തിയതിനെത്തുടര്‍ന്നാണ് പ്രസിഡന്റ്സ് ട്രോഫി വള്ളംകളിയെന്ന പേര് നല്‍കിയത്. അഷ്ടമുടിക്കായലില്‍ തേവള്ളി പാലം മുതല്‍ കെ.എസ്.ആര്‍.ടി.സി ബസ്സ് സ്റ്റേഷന്‍ സമീപത്തുള്ള ബോട്ട് ജട്ടിവരെയാണ് മത്സരങ്ങള്‍ക്കുള്ള ട്രാക്ക്. 1200 മീറ്റര്‍ നീളമുണ്ട് ഈ മത്സര ട്രാക്കിന്. പത്ത് മീറ്റര്‍ വീതിയില്‍ 4 ട്രാക്കുകളിലായാണ് മത്സരങ്ങള്‍ നടക്കുന്നത്. ആദ്യ ജലോത്സവത്തില്‍ തന്നെ 2011 ല്‍ 16 ചുണ്ടന്‍ വള്ളങ്ങള്‍ മത്സരിച്ച് ഇതിനു പുറമെ വയ്പ്പ്, ഇരുട്ടുകുത്തി 2 ഗ്രേഡുകള്‍, തെക്കമ്പോടി വിഭാഗങ്ങളിലും മത്സരങ്ങള്‍ നടക്കും. കൊല്ലം സെന്റ് ഫ്രാന്‍സിസ് ബോട്ട് ക്ലബ്ബിന്റെ ശ്രീ.ഗണേശന്‍ രാഷ്ട്രപതിയുടെ പേരിലുള്ള ആദ്യ സുവര്‍ണ്ണകപ്പ് സ്വന്തമാക്കി. നവംബര്‍ ഒന്നിന് കേരളപ്പിറവി ദിനമാണ് പ്രസിഡന്റ്സ് ട്രോഫി വള്ളംകളി അരങ്ങേറുന്നത്. ഇപ്പോഴത് ചാമ്പ്യന്‍സ് ബോട്ട് ലീഗിന്റെ കീഴിലുള്ള ജലമേളയായി മാറിയിട്ടുണ്ട്. മുമ്പ് നെഹ്‌റുട്രോഫി കഴിഞ്ഞാല്‍ ഏറ്റവും കൂടുതല്‍ പ്രൈസ്മണി നല്കിയിരുന്ന ജലമേളയാണ് അഷ്ടമുടിക്കായലിലെ പ്രസിഡന്റ്സ് ട്രോഫി ജലമേള.
No comments:
Post a Comment