സംസാരമഹായാനം
പ്രാണികളുടെ ശരീരം രഥവും, ജ്ഞാനേന്ദ്രിയങ്ങൾ അതിനെ വലിക്കുന്ന കുതിരകളാണ്. മനസ്സ് ആ കുതിരകളുടെ കടിഞ്ഞാണായി വർത്തിക്കുന്നു. ആത്മാവ് ശരീരമെന്ന രഥത്തിലിരുന്ന് കാലപ്രയാണം തുടരുന്ന രഥിയും. ജ്ഞാനേന്ദ്രിയങ്ങളാകുന്ന കുതിരകളെ തെളിച്ച് ബുദ്ധിയാകുന്ന സാരഥി ഓടിക്കുന്ന വഴിയിലൂടെ ആത്മാക്കൾ മോക്ഷം തേടിയുള്ള സംസാരമഹായാനം തുടർന്നുകൊണ്ടിരിക്കുന്നു. ജന്മജന്മാന്തരങ്ങളിലൂടെ ശരീരത്തിനുള്ളിൽ കുടിയിരിക്കുന്ന ആത്മാക്കൾ ക്ലേശഭൂയിഷ്ഠമായ ഈ സംസാരയാത്ര തുടർന്നുകൊണ്ടിരിക്കുന്നു. ആ യാത്രയാണ് ജീവിതം. മനോബുദ്ധിയിന്ദ്രിയങ്ങളോടു ആത്മാവ് തന്നെയാണ് സംസാരിയായ ജീവൻ. മരണസമയത്ത് ആത്മാവ് ശരീരം വിട്ടുപോകുന്നു. മരണത്തോട് നിമുക്തമാകുന്ന ആത്മാവ് ദേവയാനവും പിതൃയാനവുമായി പിരിയുന്നു. ഇതിൽ ദേവയാനം ബ്രഹ്മലോകത്ത് എത്തിചേരുന്നു. പിതൃയാനം വീണ്ടും മനുഷ്യശരീരത്തിൽ പ്രവേശിക്കുന്നു. ജീവന്റെ ഈ മഹായാനങ്ങൾക്കിടയിൽ രൂപം, രസം, ഗന്ധം,സ്പർശം, ശബ്ദം, എന്നി പഞ്ചവിഷയങ്ങളെയും നാനാസുഖങ്ങളെയും ആത്മാക്കൾ ആസ്വദിക്കുന്നു. ജ്ന്മമൃത്യുജരാരോഗാദി ദോഷങ്ങളൊന്നും ഇവിടെ വെച്ച് ആത്മാവിനെ ബാധിക്കുന്നില്ല. അംഗുഷ്ഠമാത്രമായ ആത്മാവ് ശരീരമദ്ധ്യത്തിലെ ഹൃദയകോശത്തിൽ നിവസിക്കുന്നു. കാലത്രായാധിനായകന്മാരായ ഈ ആത്മാക്കൾ അധിവസിക്കുന്ന പുരമാണ് ശരീരം.
" ശരീരത്തെക്കൾ അതിസൂക്ഷ്മമാണ് മനസ്സ് മനസ്സിനെക്കാൾ സൂക്ഷതരമാണ് ആത്മാവ്.
No comments:
Post a Comment