കൊട്രവൈ - അമ്മ

കൊട്രവൈ  - അമ്മ

ഇന്ന് നമ്മൾ ആരാധിക്കുന്ന ഭൂരിഭാഗം അമ്മ ദൈവങ്ങളുടെയും ഒരു  ആദിമ ഭാവമാണ് കൊട്രവൈ ( ശ്രീ പാർവതി  സങ്കൽപ്പം)..

ആദിപരാശക്തി എന്നും പറയാം.

കൊട്രവൻ " എന്നാൽ സംഘ തമിഴിൽ ചക്രവർത്തി എന്ന് അർത്ഥം.

കൊട്രവൈ " എന്നാൽ ചക്രവർത്തിനി എന്ന് സാരം.

ശിവനെ നാഥൻ ( ചക്രവർത്തി) ആയും കൊട്രവൈയെ അമ്മയായും ( ചക്രവർത്തിനി) കണ്ട് ആരാധിച്ചിരുന്നു നമ്മുടെ പൂർവികർ.

സംഘകാലത്ത് ജീവിച്ചിരുന്ന ജനങ്ങളുടെ ആരാധനാ മൂർത്തിയായിരുന്നു കൊട്രവൈ.

സന്താന ഭാഗ്യം നൽകുന്ന ദേവത,കൃഷി അഭിവൃദ്ധി നൽകുന്ന ദേവത,യുദ്ധ ദേവത എന്നീ സങ്കൽപ്പത്തിൽ എല്ലാം അവർ കൊട്രവൈയെ ആരാധിച്ചു പോന്നിരിന്നു.

മരത്തിൻ്റെ അടിയിലും,കൃഷി സ്ഥലങ്ങളുടെ ഇടയിലും,കാടുകളിലും , ഗുഹകളിലും എല്ലാം അവർ ഈ അമ്മയ്ക്ക് സ്ഥാനം ഒരുക്കി..

എല്ലാം നൽകുന്ന പ്രകൃതി എന്ന പോലെയാണ് അവർക്ക് ഈ അമ്മയും..

സംഘ കാലത്ത് ഓരോ ഗോത്രക്കാർക്കും അവരുടെ അധീനതയിൽ ഒരു കൊട്രവൈ ആരാധനാ കേന്ദ്രം ഉണ്ടായിരുന്നു...

അക്കാലത്ത് ചില ഗോത്രങ്ങളിൽ അതാത് കാലത്ത് ഓരോരോ സ്ത്രീകളെ ദേവിയായി കണ്ടു ആരാധിക്കുന്ന രീതി ഉണ്ടായിരുന്നു.

ഭൂരിഭാഗം കൊട്രവൈ വിഗ്രഹങ്ങളും ആറ്, എട്ട്,കൈകളിൽ ആയുധങ്ങളുമായി പോത്തിൻ്റെ തലയിൽ ചവിട്ടി നിൽക്കുന്ന പോലെയാണ് കണ്ടിട്ടുള്ളത്.

പാലക്കാട് പന്നിയങ്കര ക്ഷേത്രത്തിൽ ഉള്ളത് അങ്ങനെ ഒരു വിഗ്രഹമാണ്.

ഈ രൂപം മഹിഷാസുര മർദ്ധിനിയുടെ ആദിമ രൂപം ആണെന്നും പറയുന്നുണ്ട് .

എന്നാൽ ദുർഗ , മഹിഷാസുര മർദ്ധിനി,പാർവതി എന്നീ സങ്കല്പത്തിൽ എല്ലാം കൊട്രവൈയെ നമുക്ക് കാണാം.

പക്ഷേ മഹിഷാസുര മർദ്ധിനി സങ്കൽപ്പ രൂപ വിഗ്രഹം ആദ്യമായി തമിഴ് ദേശങ്ങളിലേക്ക് വന്നത് ചാലൂക്യരുടെ ദേശത്ത് നിന്ന് ചോളൻമാർ കൊണ്ട് വന്നതാണ്.

അതുമായി തമിഴ്നാട്ടിൽ ,കേരളത്തിൽ ,  എല്ലാം കാണുന്ന കൊട്രവൈ വിഗ്രഹങ്ങൾക്ക് ബന്ധമില്ല ..

 ഇത് വരെ ഏകദേശം 170 ഓളം കൊട്രവൈ വിഗ്രഹങ്ങൾ കണ്ടിട്ടുണ്ട്...

 കലമാൻ,സിംഹം എന്നിവയെ കൊട്രവൈയുടെ  വാഹനമായി കണക്കാക്കുന്നു.

സംഘകാല സാഹിത്യ കൃതിയായ തൊൽ കാപ്പിയത്തിൽ  കൊട്രവൈയെ കുറിച്ച് വിശദമായി പ്രതിപാദിക്കുന്നുണ്ട്. 

തമിഴ് ഭൂ പ്രദേശത്തെ ( ഇന്നത്തെ കേരളം ഉൾപ്പെടുന്ന) കാവ്യാത്മകമായ ലക്ഷണങ്ങളോട് കൂടി സംഘകാല സാഹിത്യ കൃതികളിൽ അഞ്ചായി തിരിച്ചിട്ടുണ്ട്. 

1.കുറിഞ്ചി( ധാരാളം മലനിരകൾ നിറഞ്ഞ ഇടം)

2. മുല്ലൈ (കാടുകൾ നിറഞ്ഞ ഇടം)

3.മരുതം (കൃഷി ,താഴ് വാരം,എന്നിവ ഉള്ള ഇടങ്ങൾ)

4.നെയ്തൽ ( കടൽ തീരം)

5. പാലൈ ( വരണ്ട ഭൂപ്രദേശം)

ഈ അഞ്ച് ഭൂപ്രദേശങ്ങൾക്കും അധിപതിയായി ഓരോ ദേവതകൾ ഉണ്ട്.

കുറിഞ്ചിക്ക് ചെയോൻ ( ശിവ പുത്രൻ -ആദി മുരുക സങ്കൽപ്പം) , മുല്ലൈക്ക് മായോൻ ( ആദി വിഷ്ണു സങ്കൽപ്പം) മരുതത്തിന് വേന്ദൻ (ഇന്ദ്രൻ), നെയ്തലിന് കടലോൻ (വരുണൻ) പാലൈക്ക് കൊട്രവൈ എന്നിങ്ങനെയാണ് അധിപതി ദേവതകൾ വരുന്നത്..

.ഈ അഞ്ച് മൂർത്തികളെ കുറിച്ചും ഇടങ്ങളെ കുറിച്ചും മറ്റും തൊല്ക്കാപ്പിയത്തിൽ പറയുന്നുണ്ട്...

ആദി മുരുക സങ്കൽപ്പമായ ചെയോൻ്റെ മാതൃ സ്ഥാനത്ത് കൊട്രവൈ ( പാർവതി) യെയാണ് പല തമിഴ് കൃതികളും പറയുന്നത്.

അത് കൊണ്ട് തന്നെയാകാം മുരുക ഭഗവാൻ്റെ സാന്നിധ്യം തമിഴ് ദേശങ്ങളിലും തമിഴ് സ്വാധീനം ഉണ്ടായിരുന്ന ഇടങ്ങളിലും മാത്രം കാണപ്പെടുന്നത്.

ഇപ്പോഴും ഇതുമായി ബന്ധപ്പെട്ട അനവധി പഠനങ്ങൾ ഇതിൻ്റെ പിന്നിൽ നടക്കുന്നുണ്ട്..

ചേരനും ചോളനും പാണ്ഡ്യനും പല്ലവനും എല്ലാം യുദ്ധ ദേവതായി  കൊട്രവൈയെ ആരാധിച്ചിരുന്നു.

 പൊന്നിയിൻ ശെൽവൻ എന്ന സിനിമയിൽ അതുമായി ബന്ധപ്പെട്ട ഒരു ഭാഗം നമുക്ക് കാണാവുന്നതാണ്.

 ഗോത്ര രീതിയിൽ അതുമല്ലെൽ കാവ് സങ്കൽപ്പത്തിൽ ആരാധിച്ച് പോന്നിരുന്ന കൊട്രവൈയെ പല്ലവന്മാരുടെ അവസാന കാലത്താണ് ത്രെ ക്ഷേത്ര സങ്കൽപ്പത്തിലേക്ക് മാറ്റി,ദുർഗ,വന ദുർഗ തുടങ്ങിയ ഭാവങ്ങളിൽ പ്രതിഷ്ഠിച്ചു തുടങ്ങിയത്.

 അത് പിന്നീട് വന്ന സകല രാജ വംശങ്ങളും അത് പിന്തുടർന്നു പോന്നു എന്ന് കരുതുന്നു..

ചേരൻമാർ മൂലമാകാം കൊട്രവൈ പ്രതിഷ്ഠകൾ ഇവിടെ വരാൻ ഒരു കാരണം എന്ന് കരുതുന്നു.

പണ്ട് നമ്മുടെ നാട് തമിഴ് സ്വാധീന ഭൂ പ്രദേശം കൂടിയായിരുന്നു അല്ലോ.

കൊറ്റ,എന്ന പേര് വരുന്ന ഭൂരിഭാഗം ഇന്നത്തെ ക്ഷേത്രങ്ങളും ഒരു കാലത്ത് കൊട്രവൈയെ ആരാധിച്ചു പോന്നു ഇടങ്ങളായിരുന്നു എന്ന് കരുതുന്നു.

നമ്മുടെ നാട്ടിലെ പല ദുർഗ,ഭഗവതി ക്ഷേത്രങ്ങളുടെയും പിന്നിൽ കൊട്രവൈ സ്വാധീനമുണ്ടാകാം..

ഇവിടെ ഉള്ള കൊട്രവൈയുടെ വിഗ്രഹങ്ങൾ കാലക്രമേണ കേരള സമ്പ്രദായത്തിലേക്ക് മാറ്റി പുതിയ രൂപത്തിൽ പ്രതിഷ്ഠിച്ചത് ആകാം.

ബിംബം മാറ്റി പ്രതിഷ്ഠിക്കുന്ന രീതി എന്നും ഉണ്ടല്ലോ..

പൂർവികമായി തമിഴ് ദേശങ്ങളിൽ നിന്ന് വന്ന പല പരമ്പരകൾക്കും പ്രത്യേകിച്ച് വെള്ളാം കൂർ ഗോത്ര പരമ്പരകളും മറ്റും ഒരു കാലത്ത് കൊട്രവൈയെ ആരാധിച്ചു പോന്നിരുന്നു എന്ന് കരുതപ്പെടുന്നു.

യുദ്ധ ദേവതയായി കാണുന്നത് കൊണ്ട്   കൊട്രവൈയെ ആരാധിക്കുന്നത് രഹസ്യാരാധനയുടെ ഭാഗമായും കാണുന്നുണ്ട്.