സൂര്യമണ്ഡലാഷ്ടകം
അഥ സൂര്യമണ്ഡലാഷ്ടകം ।
നമഃ സവിത്രേ ജഗദേകചക്ഷുഷേ
ജഗത്പ്രസൂതീ സ്ഥിതിനാശഹേതവേ ।
ത്രയീമയായ ത്രിഗുണാത്മധാരിണേ
വിരഞ്ചി നാരായണ ശങ്കരാത്മന്‍ ॥ 1॥
യന്‍മണ്ഡലം ദീപ്തികരം വിശാലം
രത്നപ്രഭം തീവ്രമനാദിരൂപം ।
ദാരിദ്ര്യദുഃഖക്ഷയകാരണം ച
പുനാതു മാം തത്സവിതുര്‍വരേണ്യം ॥ 2॥
യന്‍മണ്ഡലം ദേവ ഗണൈഃ സുപൂജിതം
വിപ്രൈഃ സ്തുതം ഭാവനമുക്തി കോവിദം ।
തം ദേവദേവം പ്രണമാമി സൂര്യം
പുനാതു മാം തത്സവിതുര്‍വരേണ്യം ॥ 3॥
യന്‍മണ്ഡലം ജ്ഞാനഘനം ത്വഗംയം ത്രൈലോക്യപൂജ്യം ത്രിഗുണാത്മരൂപം ।
സമസ്ത തേജോമയ ദിവ്യരൂപം
പുനാതു മാം തത്സവിതുര്‍വരേണ്യം ॥ 4॥
യന്‍മണ്ഡലം ഗൂഢമതിപ്രബോധം
ധര്‍മസ്യ വൃദ്ധിം കുരുതേ ജനാനാം ।
യത്സര്‍വ പാപക്ഷയകാരണം ച
പുനാതു മാം തത്സവിതുര്‍വരേണ്യം ॥ 5॥
യന്‍മണ്ഡലം വ്യാധിവിനാശദക്ഷം
യദൃഗ്യജുഃ സാമസു സമ്പ്രഗീതം ।
പ്രകാശിതം യേന ഭൂര്‍ഭുവഃ സ്വഃ
പുനാതു മാം തത്സവിതുര്‍വരേണ്യം ॥ 6॥
യന്‍മണ്ഡലം വേദവിദോ വദന്തി
ഗായന്തി യച്ചാരണ സിദ്ധസങ്ഘാഃ ।
യദ്യോഗിനോ യോഗജുഷാം ച സങ്ഘാഃ
പുനാതു മാം തത്സവിതുര്‍വരേണ്യം ॥ 7॥
യന്‍മണ്ഡലം സര്‍വജനേഷു പൂജിതം ജ്യോതിശ്ചകുര്യാദിഹ മര്‍ത്യലോകേ ।
യത്കാലകല്‍പക്ഷയകാരണം ച
പുനാതു മാം തത്സവിതുര്‍വരേണ്യം ॥ 8॥
യന്‍മണ്ഡലം വിശ്വസൃജം പ്രസീദ
മുത്പത്തിരക്ഷാ പ്രലയപ്രഗല്‍ഭം ।
യസ്മിഞ്ജഗത്സംഹരതേഽഖിലം ച
പുനാതു മാം തത്സവിതുര്‍വരേണ്യം ॥ 9॥
യന്‍മണ്ഡലം സര്‍വഗതസ്യ വിഷ്ണോരാത്മാ
പരം ധാമ വിശുദ്ധതത്ത്വം ।
സൂക്ഷ്മാന്തരൈര്യോഗപഥാനുഗംയേ
പുനാതു മാം തത്സവിതുര്‍വരേണ്യം ॥ 10॥
യന്‍മണ്ഡലം വേദവിദോ വിദന്തി
ഗായന്തി തച്ചാരണസിദ്ധ സങ്ഘാഃ ।
യന്‍മണ്ഡലം വേദവിദോ സ്മരന്തി
പുനാതു മാം തത്സവിതുര്‍വരേണ്യം ॥ 11॥
യന്‍മണ്ഡലം വേദവിദോപഗീതം
യദ്യോഗിനാം യോഗപഥാനുഗംയം ।
തത്സര്‍വവേദം പ്രണമാമി സൂര്യം
പുനാതു മാം തത്സവിതുര്‍വരേണ്യം ॥ 12
No comments:
Post a Comment