പഞ്ചമുഖ - പഞ്ചതത്ത്വം
ശിവന് അഞ്ച് മുഖങ്ങളുണ്ട്‌ : ജലം, വായു, ഭൂമി, അഗ്നി, ആകാശം. ഈ പഞ്ചഭൂതങ്ങളെ മനസ്സിലാക്കുന്നതാണ് തത്ത്വജ്ഞാനം എന്നുപറയുന്നത്.
ശിവനെ അഷ്ടമൂർത്തിയായും ആരാധിക്കുന്നു. അഷ്ടമൂർത്തിയുടെ എട്ട് രൂപങ്ങൾ മനസ്സ്, ഓർമ, അഹം ഇവ മൂന്നും പിന്നെ പഞ്ചഭൂതങ്ങളും ചേർന്നതാണ്, രൂപമുള്ളതും രൂപമില്ലാത്തതുമായ ശിവന്റെ ഭാവങ്ങൾ!
ശിവനെ ആരാധിക്കുക എന്നാൽ, ശിവതത്ത്വത്തിൽ ലയിച്ചുചേരുക. എന്നിട്ട് എല്ലാ നന്മകൾക്കുംവേണ്ടി നാം നാം പ്രാർഥിക്കുന്നു.
സമൂഹത്തിന്റെ നന്മയ്ക്കുവേണ്ടി വക്രതയില്ലാത്ത മനസ്സോടെ, നൈപുണ്യത്തോടെ പ്രവർത്തിക്കുമ്പോൾ നിഷേധവികാരങ്ങളായ ദേഷ്യവും അസ്വസ്ഥതകളും ദുഃഖവുമെല്ലാം മനസ്സിലേക്ക് കടന്നുവരാനുള്ള പ്രവണത ഇല്ലാതാകുന്നു. പിരിമുറുക്കങ്ങളും അസ്വസ്ഥതകളും വിഷമങ്ങളും സാധനയിലൂടെയും സേവയിലൂടെയും സത്‌സംഗിലൂടെയും ഇല്ലാതാകുന്നു
മുക്തമായ ഹൃദയത്തോടെ ലോകനന്മയ്ക്കുവേണ്ടി പ്രാർഥിക്കുന്നു. ഈ ലോകത്ത് എല്ലാവരും സന്തുഷ്ടരായിരിക്കണം എന്നാണ് പ്രാർഥന:
‘സർവ്വേ ജനഃ സുഖിനോ ഭവന്തു.’
" സ്വസ്തി പ്രജാഭ്യഃ പരിപാലയന്താം
ന്യായേന മാര്‍ഗ്ഗേണ മഹീം മഹീശാഃ
ഗോബ്രാഹ്മണേഭ്യ ശുഭമസ്തു നിത്യം
ലോകാഃ സമസ്താഃ സുഖിനോ ഭവന്തു "
" ഓം നമ: ശിവായ "
No comments:
Post a Comment