ഹനുമാന്‍ സ്വാമി
ഹനുമാനെ ആരാധിക്കുന്നത് തന്നെ ആരാധിക്കുന്നതിന് തുല്യമാണെന്ന് രാമായണത്തില്‍ ശ്രീരാമന്‍ പറയുന്നുണ്ട്. നെഞ്ച് പിളര്‍ന്നാല്‍ ഉള്ളില്‍ ശ്രീരാമനും സീതാ‍ദേവിയുമാണെന്ന് ഹനുമാന്‍ തെളിയിച്ചിട്ടുള്ളതുമാണ്.
ചരിത്ര പ്രാധാന്യമുള്ള ഉജ്ജൈന്‍ നഗരത്തിന് 15 കിലോമീറ്ററിനുള്ളില്‍ സ്ഥിതി ചെയ്യുന്ന സാന്‍‌വേറിലെ ഹനുമാന്‍ ക്ഷേത്രം പ്രസിദ്ധമാണ്. ഇവിടത്തെ ഹനുമാന്‍ സ്വാമിയുടെ വിഗ്രഹത്തിനും പ്രത്യേകതയുണ്ട്. തലകുത്തനെ ആണ് വിഗ്രഹം പ്രതിഷ്ഠിച്ചിരിക്കുന്നത് എന്നതാണത്. ഹനുമാന്‍ സ്വാമിയുടെ മുഖം മാത്രമേ വിഗ്രഹമായുള്ളൂ.
ക്ഷേത്രം വളരെ പുരാതനമാണെന്ന് പ്രദേശവാസികള്‍ പറയുന്നു. ത്രേതായുഗത്തില്‍ അഹിരാവണന്‍ രാമ ലക്ഷ്മണന്മാരെ പാതാളത്തിലേക്ക് തട്ടിക്കൊണ്ടു പോയപ്പോള്‍ ഹനുമാന്‍ പാതാളത്തിലേക്ക് ചെന്ന് രാമലക്ഷ്മണന്മാരെ മോചിപ്പിച്ചു എന്നാണ് കഥ. വിശ്വാസ പ്രകാരം ഇവിടെ നിന്നാണ് ഹനുമാന്‍ പാതാളത്തേക്ക് പോയത്.
ക്ഷേത്രത്തിലെ ഹനുമാന്‍ വിഗ്രഹത്തിന് വലിയ ശക്തി ഉണ്ടെന്നാണ് പറയപ്പെടുന്നത്. ക്ഷേത്രത്തിന് സമീപ പ്രദേശങ്ങളില്‍ നിരവധി സന്യാസിമാര്‍ ജീവിച്ച കേന്ദ്രങ്ങള്‍ കാണാനാകും. ഈ കേന്ദ്രങ്ങള്‍ക്ക് 1200 വര്‍ഷങ്ങളുടെ ചരിത്രം ഉണ്ടെന്നാണ് കണ്ടെത്തിയിട്ടുള്ളത്
No comments:
Post a Comment