വാനപ്രസ്ഥാശ്രമം
പണ്ട് രാജാക്കന്മാരെ ഉദ്ദേശിച്ച് ഈ നിയമങ്ങൾ ഒക്കെ വ്യവസ്ഥചെയ്തു. അന്ന് മനുഷ്യർ ഉടമകളും അടിമകളും ആയിക്കൊണ്ട് ജീവിച്ചിരുന്ന ഒരു കാലഘട്ടമായിരുന്നു. അന്നത്തെ ആ നിയമങ്ങളിൽ സാധാരണക്കാർക്ക് വലിയപങ്കൊന്നും ഉണ്ടായിരുന്നില്ല. രാജാക്കന്മാർ രാജ്യഭരണം അതടിസ്ഥാനമാക്കി പല നിയമങ്ങളും ഉണ്ടാക്കി. ആശ്രമധർമ്മങ്ങൾ അടിമകളെ അതായത് അന്നത്തെ നാലുവർണ്ണത്തിനു പുറത്തുണ്ടായിരുന്നവരെ കാര്യമായി കണക്കിലെടുത്തുകൊണ്ട് പറഞ്ഞിട്ടുണ്ടായിരുന്നില്ല. അന്നത്തെ വാനപ്രസ്ഥം കുടുംബകാര്യങ്ങളെല്ലാം മക്കളെ ഏല്പ്പിച്ച് കാട്ടിൽ പോയി തപസ്സുചെയ്യുന്നതായിരുന്നു. വനത്തിലേകാന്തമായ ഒരിടത്തിരുന്ന്. ഉപാസനയിൽ എന്തെല്ലാം അംഗങ്ങൾ ഉണ്ടായിരുന്നു? ഉപാസനയിൽ തപസ്സ്, സ്വാദ്ധ്യായം, ഈശ്വരപ്രണിധാനം മുതലായ മൂന്നംഗങ്ങൾ പ്രധാനമായ് വരുന്നു. ഉപാസനയിലൂടെ ലൌകീകമായ ചിന്തയെ അലൌകീകതയിലേക്കുയര്ത്തുവാൻ പരിശ്രമം ചെയ്യുന്നു. അതിനുവേണ്ടിയായിരുന്നു വാനപ്രസ്ഥാശ്രമം. വാനപ്രസ്ഥത്തിൽ ഏകാന്തമായി ദൈവത്തെ അറിയുവാനുള്ള പദ്ധതിക വ്യവസ്ഥചെയ്തിരുന്നു. ആശ്രമവ്യവസ്ഥകൾ ഞാൻ ആത്മാവാകുന്നു എന്ന് അറിയുവാനുള്ള ഉപായവുമാകുന്നു. വാനപ്രസ്ഥത്തിൽ ജീവിക്കുന്നവർക്കും അനുഷ്ഠാനത്താൽ ആത്മജ്ഞാനം സമ്പാദിക്കാം. "ഇന്നും വീട്ടിലിരുന്നു കൊണ്ട് വാനപ്രസ്ഥധർമ്മം ആചരിക്കാം”. അച്ഛനമ്മമാരേയും സ്വന്തബന്ധങ്ങളേയും മറ്റു സുഹൃത്തുക്കളേയും ഒരു ഭാരമായി കാണുന്നവർക്ക് ഒരു പക്ഷേ കേൾക്കുന്ന മാത്രയിൽ സ്വീകാര്യം ആകണമെന്നില്ല. .ആത്മാർത്ഥമായി സംസ്കാരം നിലനില്ക്കുകയും തുടരുകയും ചെയ്യണം എന്നാഗ്രഹിക്കുന്നവർക്ക് . ഒരുപ്രായം കഴിഞ്ഞാൽ ; അതായത് കുട്ടികൾ വളർന്നുവലുതായി അവർക്കും ജോലിയൊക്കെ ആയി അച്ഛനമ്മമാർ റിട്ടയർ ചെയ്യുകയും ചെയ്തു. മാതാപിതക്കൾ ഉത്തരവാദിത്തം കുട്ടികളെ ഏല്പ്പിച്ചു കൊടുത്ത് സമൂഹസേവനമോ, ആശ്രമത്തിൽ സംന്യാസഗുരുവിന്റെ നിർദ്ദേശങ്ങൾ അനുസരിച്ച് കൊണ്ടോ ഇന്നും വാനപ്രസ്ഥധർമ്മം ആചരിക്കാം. ഗുരൂപദേശം അനുസരിച്ച് ഇന്നും എന്നും വാനപ്രസ്ഥം ആചരിക്കുക തന്നെചെയ്യാം. ഇന്ന് കാട്ടിൽ പോകണമെന്നനിർബന്ധം ആവശ്യമില്ല. അന്ന് നാടിനേക്കാൾ കൂടുതൽ കാടായിരുന്നു. ഇന്നോ? മൃഗങ്ങൾക്ക് ജീവിക്കുവാൻ കൂടികാടില്ല. ഉള്ളകാടുകളിൽ റിസോർട്ടുകൾ, ആരാധനാകേന്ദ്രങ്ങൾ തുടങ്ങി മറ്റുപലതുമുണ്ട്. ജന്തുക്കൾക്ക് താമസിക്കുവാൻ കൂടി കാടില്ലാതെ വരുമ്പോൾ മനുഷ്യരെല്ലാം കാട്ടിൽ പോയാൽ ധർമ്മം നടക്കുകയില്ല.
No comments:
Post a Comment