അഭിലാഷാഷ്ടകം
॥ അഥ അഭിലാഷാഷ്ടകം ॥
കദാ പക്ഷീന്ദ്രാംസോപരി ഗതമജം കഞ്ചനയനം
രമാസംശ്ലിഷ്ടാംഗം ഗഗനരുചമാപീതവസനം ।
ഗദാശംഖാംഭോജാരിവരമാലോക്യ സുചിരം
ഗമിഷ്യത്യേതന്‍മേ നനു സഫലതാം നേത്രയുഗലം ॥ 1॥
കദാ ക്ഷീരാബ്ധ്യന്തഃ സുരതരുവനാന്തര്‍മണിമയേ
സമാസീനം പീഠേ ജലധിതനയാലിംഗിതതനും ।
സ്തുതം ദേവൈര്‍നിത്യം മുനിവരകദംബൈരഭിനുതം
സ്തവൈഃ സന്തോഷ്യാമി ശ്രുതിവചനഗര്‍ഭൈഃ സുരഗുരും ॥ 2॥
കദാ മാമാഭീതം ഭയജലധിതസ്താപസതനും
ഗതാ രാഗം ഗംഗാതടഗിരിഗുഹാവാസസഹനം ।
ലപന്തം ഹേ വിഷ്ണോ സുരവര രമേശേതി സതതം
സമഭ്യേത്യോദാരം കമലനയനോ വക്ഷ്യതി വചഃ ॥ 3॥
കദാ മേ ഹൃദ്പദ്മേ ഭ്രമര ഇവ പദ്മേ പ്രതിവസന്‍
സദാ ധ്യാനാഭ്യാസാദനിശമുപഹൂതോ വിഭുരസൌ ।
സ്ഫുരജ്ജ്യോതീരൂപോ രവിരിവ രസാസേവ്യചരണോ
ഹരിഷ്യത്യജ്ഞാനാജ്ജനിതതിമിരം തൂര്‍ണമഖിലം ॥ 4॥
കദാ മേ ഭോഗാശാ നിബിഡഭവപാശാദുപരതം
തപഃശുദ്ധം ബുദ്ധം ഗുരുവചനതോദൈരചപലം ।
മനോ മൌനം കൃത്വാ ഹരിചരണയോശ്ചാരു സുചിരം
സ്ഥിതിം സ്ഥാണുപ്രായാം ഭവഭയഹരാം യാസ്യതി പരാം ॥ 5॥
കദാ മേ സംരുദ്ധാഖിലകരണജാലസ്യ പരിതോ
ജിതാശേഷപ്രാണാനിലപരികരസ്യ പ്രജപതഃ ।
സദോംകാരം ചിത്തം ഹരിപദസരോജേ ധൃതവതഃ
സമേഷ്യത്യുല്ലാസം മുഹുരഖിലരോമാവലിരിയം ॥ 6॥
കദാ പ്രാരബ്ധാന്തേ പരിശിഥിലതാം ഗച്ഛതി ശനൈഃ
ശരീരേ ചാക്ഷൌഘേഽപ്യുപരതവതി പ്രാണപവനേ ।
വദത്യൂര്‍ധ്വം ശശ്വന്‍മമ വദനകംജേ മുഹുരഹോ
കരിഷ്യത്യാവാസം ഹരിരിതി പദം പാവനതമം ॥ 7॥
കദാ ഹിത്വാ ജീര്‍ണാം ത്വചമിവ ഭുജംഗസ്തനുമിമാം
ചതുര്‍ബാഹുശ്ചക്രാംബുജദരകരഃ പീതവസനഃ ।
ഘനശ്യാമോ ദൂതൈര്‍ഗഗനഗതിനീതോ നതിപരൈ-
ര്‍ഗമിഷ്യാമീശസ്യാംതികമഖിലദുഃഖാംതകമിതി ॥ 8॥
॥ ഇതി ശ്രീമത്പരമഹംസസ്വാമിബ്രഹ്മാനന്ദവിരചിതം
അഭിലാഷാഷ്ടകം സമ്പൂര്‍ണം ॥
No comments:
Post a Comment