മുക്കുറ്റിച്ചാന്ത് നെറ്റിയില്‍ തൊടുമ്പോള്‍
കര്‍ക്കിടകത്തിലെ മുക്കുറ്റിച്ചാന്തിനു പുറകേയും വരുന്നുണ്ട്, ആരോഗ്യപരമായ ചിലത് അറിയൂ.
കര്‍ക്കിടകമെന്നത് മലയാളിയെ സംബന്ധിച്ചിടത്തോളം ഏറെ പ്രധാന്യമുള്ള ഒന്നാണ്. ആത്മീയമായും ആരോഗ്യപരമായുമെല്ലാം. പൊതുവേ രാമായണ മാസം എന്നറിയപ്പെടുന്ന ഒന്നു കൂടിയാണിത്. ഹൈന്ദവ ഭവനങ്ങളില്‍ രാമായണ ശീലുകള്‍ ഉയര്‍ന്നു കേള്‍ക്കുന്ന കാലയളവ്. കര്‍ക്കിടകത്തില്‍ പണ്ടു കാലം തൊട്ടേ പല ചിട്ടകളും ചെയ്തു വന്നിരുന്നു. ഇതിനു പലപ്പോഴും നാം ആത്മീയമായ, വിശ്വാസപരമായ അടിസ്ഥാനങ്ങളാണു കണ്ടെത്തിയിരുന്നതെങ്കിലും പലതിനും ശാസ്ത്രം നല്‍കുന്ന പല വിശദീകരണങ്ങളുമുണ്ട്. ആരോഗ്യത്തിനു സഹായിക്കുന്നവയാണ് പലപ്പോഴും ഇത്തരം ചിട്ടകളെന്നത് പ്രധാനമാണ്. നാം പോലുമറിയാതെ ആരോഗ്യപരമായ പല ഗുണങ്ങളും നല്‍കുന്ന ഒന്നും കൂടിയാണിത്.
നെറ്റിയില്‍ സ്ത്രീകള്‍ തൊടുന്ന ശീലം
ഇത്തരത്തിലെ ചിട്ടകളില്‍ ഒന്നാണ് മുക്കുറ്റിച്ചാന്ത്. മുക്കുറ്റി നമ്മുടെ തൊടിയില്‍ നിലത്തോടു ചേര്‍ന്നു വളരുന്ന ചെടിയാണ്. ചെറിയ മഞ്ഞപ്പൂക്കളുള്ള ഈ ചെടിയുടെ ഇലകള്‍ കൈകളില്‍ വച്ച് അരച്ചു പിഴിഞ്ഞ് ഈ പച്ചനിറത്തിലെ കട്ടിയുള്ള നീര് നെറ്റിയില്‍ സ്ത്രീകള്‍ തൊടുന്ന ശീലം പണ്ടു കാലത്തുണ്ടായിരുന്നു. ഇപ്പോഴും ചിലയിടത്തുമുണ്ട്. കര്‍ക്കിടക മാസത്തിലെ ആദ്യ ഏഴു ദിവസമാണ് മുക്കുറ്റിച്ചാന്ത്, മുക്കുറ്റിപ്പൊട്ട് സ്ത്രീകള്‍ തൊടുക. മുക്കുറ്റി പല പൂജാകര്‍മങ്ങളിലും ഉപയോഗിയ്ക്കുന്ന ഒന്നു കൂടിയാണ്. മുക്കുറ്റിയ്ക്ക് എന്നാല്‍ ഇതിേനക്കാളേറെ ആരോഗ്യപരമായ ഗുണങ്ങളുള്ള ഒന്നാണിത്. മുക്കുറ്റിച്ചാന്ത് തിരുനെറ്റിയില്‍ തൊടുന്നതിനു പുറകിലും ഇത്തരം ആരോഗ്യപരമായ വാസ്തവ ങ്ങളുണ്ട്. മുക്കുറ്റിയ്ക്കു പല ഗുണങ്ങളുമുണ്ട്. ആരോഗ്യവാസ്തവങ്ങള്‍. നെറ്റിയില്‍ പൊട്ടു തൊടുന്ന ഭാഗം നാഡികളുടെ കേന്ദ്ര ഭാഗം കൂടിയാണ്. ഇവിടെ ഈ പൊട്ടു തൊടുന്നതിലൂടെ ഈ പ്രത്യേക ഭാഗം ഉത്തേജിതമായി ആരോഗ്യപരമായ പല ഗുണങ്ങളും ശരീരത്തിന് ലഭിയ്ക്കുന്നു. രോഗ സാധ്യത ഏറെയുള്ള കര്‍ക്കിടക മാസത്തില്‍ മരുന്നു ഗുണമുള്ള മുക്കുറ്റി ചാലിച്ച് ഈ ഭാഗത്തു തൊടുന്നതിലൂടെ ആരോഗ്യപരമായ പല ഗുണങ്ങളും ശരീരത്തിനു ലഭിയ്ക്കുകയാണ് ചെയ്യുന്നത്.
ആയുര്‍വേദ പ്രകാരം
സിദ്ധ വൈദ്യത്തില്‍ ഉപയോഗിയ്ക്കുന്ന പ്രധാനപ്പെട്ടൊരു സസ്യമാണ് മുക്കുറ്റി. ആയുര്‍വേദ പ്രകാരം ശരീരത്തിലെ വാത, പിത്ത, കഫ ദോഷങ്ങള്‍ നീക്കാന്‍ സഹായിക്കുന്ന ഒന്നാണിത്. ഇവ ബാലന്‍സ് ചെയ്താല്‍ തന്നെ രോഗ വിമുക്തി നേടാം. ഇതിനു സഹായിക്കുന്ന, ശരീരത്തിന് തണുപ്പു നല്‍കുന്ന ഒന്നാണു മുക്കുറ്റി. ഇതിനു പുറമേ വിഷ ചികിത്സയ്ക്ക് ഉപയോഗിയ്ക്കുന്ന ഒന്നു കൂടിയാണിത്. വിഷ ജീവികളുടെ കടിയേറ്റാല്‍ ഈ ഭാഗത്ത് ഇത് അരച്ചു പുരട്ടിയാല്‍ മതിയാകും.
പ്രമേഹ മരുന്നു കൂടി
നല്ലൊന്നാന്തരം പ്രമേഹ മരുന്നു കൂടിയാണിത്. ഇതിട്ടു വെള്ളം തിളപ്പിച്ചു കുടിയ്ക്കുന്നതു ഗുണം നല്‍കും. ഇത് കടയോടെ പറിച്ചെടുത്ത് കഴുകി വൃ്ത്തിയാക്കി വെള്ളത്തിലിട്ടു തിളപ്പിച്ചു കുടിയ്ക്കാം. ഇതിന്റെ ഇലകള്‍ വെറും വയറ്റില്‍ ചവച്ചരച്ചു കഴിയ്ക്കുന്നതും ഇത് അരച്ചു കഴിയ്ക്കുന്നതുമെല്ലാം നല്ലതാണ്. വയറിന്റെ ആരോഗ്യത്തിനും ഇതേറെ ഉത്തമമാണ്. ദഹന സംബന്ധമായ പ്രശ്‌നങ്ങള്‍ക്ക് ഇതു നല്ലതാണ്. ഇത് അരച്ചു മോരില്‍ ചേര്‍ത്തു കഴിച്ചാല്‍ വയറിളക്കത്തില്‍ നിന്നും മോചനം നേടാം.
മുറിവുകളോ പൊള്ളലുകളോ ഉണ്ടായാല്‍
മൂത്രാശയ സംബന്ധമായ രോഗങ്ങള്‍ക്കും ശരീരത്തിലെ നീരു പോലുളള പ്രശ്‌നങ്ങള്‍ക്കും ഇതേറെ നല്ലതാണ്. ശരീരത്തിനു പ്രതിരോധ ശേഷി നല്‍കുന്ന ഒന്നു കൂടിയാണിത്. പ്രസവിച്ച സ്ത്രീകളുടെ ഗര്‍ഭപാത്ര ശുദ്ധിയ്ക്കുള്ള മരുന്നു കൂടിയാണിത്. മാസമുറ സംബന്ധമായ ക്രമക്കേടുകള്‍ക്കും ഇതേറെ നല്ലതാണ്. ഹോര്‍മോണ്‍ ബാലന്‍സിനുള്ള കഴിവ് ഈ ഔഷധ സസ്യത്തിനുണ്ട്. ശരീരത്തില്‍ മുറിവുകളോ പൊള്ളലുകളോ ഉണ്ടായാല്‍ ഇതരച്ചു പുരട്ടുന്നതു നല്ലതാണ്.
നെഞ്ചിലെ കഫക്കെട്ടിനും
നെഞ്ചിലെ കഫക്കെട്ടിനും ചുമ, കോള്‍ഡ് മുതലായ പ്രശ്‌നങ്ങള്‍ക്കും ഇതു നല്ലതാണ്. ഇതു വേരോടെ അരച്ചു ചേര്‍ത്ത് തേനും ചേര്‍ത്തു കഴിയ്ക്കാം. ഇതിന് അണുനാശിനി ഗുണമേറെയുണ്ട്. ഇതു പോലെ തന്നെ അലര്‍ജി, ആസ്തമ എന്നിവയ്ക്കുള്ള പരിഹാം കൂടിയാണിത്. ശ്വാസ കോശ സംബന്ധമായ പ്രശ്‌നങ്ങള്‍ക്കു നല്ലത്. ശരീരത്തില്‍ നിന്നും ടോക്‌സിനകള്‍ നീക്കാന്‍ കഴിയുന്ന ഗുണമുളളതിനാല്‍ ക്യാന്‍സര്‍ പോലുള്ള രോഗങ്ങള്‍ക്കും ഇതേറെ നല്ലതാണ്.
No comments:
Post a Comment