രാവണൻ അപഹരിച്ചുകൊണ്ട് പോയ സീതാ ദേവിയെ വീണ്ടെടുക്കാൻ ശ്രീരാമ സംഘം ലങ്കയിൽ എത്തിയ വേളയിൽ ഇന്ദ്രജിത്തിന്‍റെ ബ്രഹ്മാസ്ത്ര പ്രയോഗത്തിലൂടെ യുദ്ധ മുഖത്തു വച്ച് ലക്ഷ്മൺ മോഹലസിയ പെട്ടു വീണു, വാനരപ്പടയിൽ പലരും മരിച്ചു.
(മറുഭാഗത്തും അങ്ങിനെ തന്നെ പടയാളികൾക്ക് യുദ്ധഭയം ഉണ്ടാകാതിരിക്കാൻ മറുഭാഗത്തു മരിച്ചു വീഴുന്നവരെ രഹസ്യമായി രാവണന്റെ നിർദ്ദേശ പ്രകാരം കടലിൽ ആണ് തള്ളുന്നത് എന്നു മാത്രം.)
വാനരന്‍മാരുടെ ഇടയില്‍ ഹനുമാന്‍ സ്വാമിയെ കൂടാതെ ചിരഞ്ജീവി ആയിരിക്കാനുള്ള വരം ലഭിച്ച ഒരാള്‍ കൂടിയുണ്ട്. ബുദ്ധിമാനായ ജാംബവാന്‍!
വിഭീഷണന്‍ അദ്ദേഹത്തെ കണ്ടെത്തുന്നു. വിഭീഷണന്‍റെ സ്വരം മനസിലാക്കി ആളെ തിരിച്ചറിഞ്ഞ ജാംബവാന്‍, ചോര മൂടിയ കാരണം തനിക്ക് കണ്ണ്‌ തുറക്കാന്‍ പാടാണെന്നും, മരിച്ച് വീണവരുടെ ഇടയില്‍ മാരുതി ജീവനോടുണ്ടോന്നും അന്വേഷിക്കുന്നു.
ജാംബവാന്‍റെ വാക്ക് കേട്ട് മുന്നില്‍ വന്ന ഹനുമാന്‍ സ്വാമിയോട്, ഹിമവാന്‍ കടന്ന് കൈലാസത്തില്‍ പോകണമെന്ന് ആ വൃദ്ധ വാനരന്‍ ഉപദേശിക്കുന്നു.
അവിടെ ഋഷഭാദ്രി എന്നൊരു പര്‍വ്വതമുണ്ട്..
അതില്‍ നാലു ദിവ്യ ഔഷധങ്ങള്‍ നില്‍പ്പുണ്ട്..
വിശല്യകരണി, സന്താനകരണി, സുവര്‍ണ്ണകരണി, മൃതസഞ്ജീവനി.
ഇതില്‍ നാലാമത്തെ ഔഷധമായ മൃതസഞ്ജീവനി കൊണ്ട് വന്നാല്‍ എല്ലാവരെയും ജീവിപ്പിക്കാം.എന്നു പറഞ്ഞു, ഉടൻ മാരുതി കൈലാസത്തിലേക്ക് കുതിച്ചു.
ലക്ഷ്യ സ്ഥാനത്ത് എത്തിയ വായുപുത്രന്‍, നാലു ഔഷധത്തില്‍ മൃതസഞ്ജീവനി ഏതെന്ന് മനസിലാകാത്തതിനാല്‍, ആ പര്‍വ്വതത്തോട് കൂടി ഉയര്‍ത്തി യുദ്ധഭൂമിയില്‍ എത്തുന്നു. ആ ഔഷധത്തിന്‍റെ ഗന്ധമേറ്റ് എല്ലാവരുടെയും ജീവന്‍ തിരിച്ച് ലഭിക്കുന്നു. മൃതസഞ്ജീവനി അവിടെയുള്ളടത്തോളം കാലം രാവണവധം അസാദ്ധ്യമായതിനാല്‍, ഹനുമാന്‍ പര്‍വ്വതത്തെ കൈലാസത്തില്‍ തിരികെ കൊണ്ട് വയ്ക്കുന്നു.
വാനരരുടെ എല്ലാം ജീവന്‍ തിരിച്ച് ലഭിച്ചു..
(എന്നാല്‍ മരണമടഞ്ഞ രാക്ഷസരുടെ ശരീരം, രാവണനിയോഗത്താല്‍ കടലില്‍ തള്ളിയതിനാല്‍ അവരുടെ ജീവന്‍ തിരിച്ച് ലഭിച്ചില്ല.) യുദ്ധാനന്തരം സീതാ ദേവിയെ മോചിപ്പിക്കുകയും രാവണനെ നിഗ്രഹിക്കുകയും ചെയ്യുന്നു.
വിവിധ കാലഘട്ടങ്ങളായി നിരവധി പേര്‍ മൃതസഞ്ജീവനി അന്വേഷിച്ചു ഹിമാലയത്തിന്റെ പല ഭാഗങ്ങളില്‍ ഗവേഷണങ്ങള്‍ നടത്തിയിട്ടുണ്ട്‌. അത്ഭുത സസ്യമെന്ന വിശേഷണങ്ങളുള്ള മൃതസഞ്ജീവനി കണ്ടെത്തുന്നതില്‍ വലിയ സാധ്യതകള്‍ ഉണ്ടെന്നാണ്‌ ഉത്തരാഖണ്ഡ്‌ സര്‍ക്കാര്‍ പറയുന്നത്‌. ഡെറാഡൂണിന്‌ 400 കിലോ മീറ്റര്‍ അകലെ ചമോലി ജില്ലയിലാണ്‌ ദ്രോണ മലനിരകള്‍.ഇവിടെയാണ് മൃത സഞ്ജീവനി ഉള്ളതായി കരുതി ഗവേഷണം നടക്കുന്നത്.
രാമായണത്തില്‍ ലക്ഷ്‌മണന്റെ ജീവന്‍ രക്ഷിക്കാന്‍ ഹനുമാന്‍ തേടിപ്പോയ ദിവ്യ ഔഷധ സസ്യമായ മൃതസഞ്‌ജീവനിക്ക്‌ വേണ്ടി 2016 -മുതൽ ഉത്തരാഖണ്ഡ്‌ സര്‍ക്കാര്‍ തിരച്ചില്‍ നടത്തുന്നുണ്ട്. വിദഗ്ദ്ധരായ ഒരു കൂട്ടം ശാസ്‌ത്രജ്ഞരാണ്‌ ഇതിന് നേതൃത്വം നൽകുന്നത്. ഇതിന്റെ കൃത്യമായ റിസൾട്ട് അവർ ഇത് വരെ പുറത്തു വിട്ടിട്ടില്ല..
മറ്റൊരു സംഭവം (റിപ്പോർട്ട് )
എന്നാല്‍ 2008-ല്‍ യോഗഗുരു രാംദേവിന്റെ ശിഷ്യനായ ആചാര്യ ബാലകൃഷ്‌ണ തങ്ങളുടെ സംഘം മൃതസഞ്ജീവനി കണ്ടെത്തിയെന്ന അവകാശവാദവുമായി രംഗത്ത്‌ എത്തിയിരുന്നു. സസ്യത്തിന്റെ ഗുണങ്ങളെ പറ്റി പഠിക്കുകയും ജനിതക ഘടന തിരിച്ചറിയുകയും ചെയ്‌തെന്നും പേറ്റന്‍റിനായി അപേക്ഷിച്ചിട്ടുണ്ടെന്നുമാണ്‌ രാംദേവും സംഘവും അവകാശപ്പെടുന്നത്‌. പതഞ്ജലിയുടെ ഗവേഷകർ കണ്ടെത്തിയതിൽ കൂടുതൽ എന്തെങ്കിലും കണ്ടെത്തിയയാൽ അതിനെ സ്വാഗതം ചെയ്യുമെന്നും അവർ പറയുന്നു.
No comments:
Post a Comment