|| ഭവാനി അഷ്ടകമ്‌ ||
ന താതോ ന മാതാ ന ബംധുര്‍ ന ദാതാ
ന പുത്രോ ന പുത്രീ ന ഭൃത്യോ ന ഭര്താ |
ന ജായാ ന വിദ്യാ ന വൃത്തിര്‌ മമൈവ
ഗതിസ്ത്വം ഗതിസ്ത്വം ത്വമേകാ ഭവാനി || ൧ ||
ഭവാബ്ധാവപാരേ മഹാദുഃഖ ഭീരു
പപാത പ്രകാമീ പ്രലോഭീ പ്രമത്തഃ |
കുസംസാരപാശ പ്രബദ്ധഃ സദാഹമ്‌
ഗതിസ്ത്വം ഗതിസ്ത്വം ത്വമേകാ ഭവാനി || ൨ ||
ന ജാനാമി ദാനം ന ച ധ്യാനയോഗം
ന ജാനാമി തംത്രം ന ച സ്തോത്രമംത്രമ്‌ |
ന ജാനാമി പൂജാം ന ച ന്യാസയോഗമ്‌
ഗതിസ്ത്വം ഗതിസ്ത്വം ത്വമേകാ ഭവാനി || ൩ ||
ന ജാനാമി പുണ്യം ന ജാനാമി തീര്ഥം
ന ജാനാമി മുക്തിം ലയം വാ കദാചിത്‌ |
ന ജാനാമി ഭക്തിം വ്രതം വാപി മാതാ
ഗതിസ്ത്വം ഗതിസ്ത്വം ത്വമേകാ ഭവാനി || ൪ ||
കുകര്മീ കുസംഗീ കുബുദ്ധീ കുദാസഃ
കുലാചാരഹീനഃ കദാചാരലീനഃ |
കുദൃഷ്ടീ കുവാക്യ പ്രബംധഃ സദാഹമ്‌
ഗതിസ്ത്വം ഗതിസ്ത്വം ത്വമേകാ ഭവാനി || ൫ ||
പ്രജേശം രമേശം മഹേശം സുരേശം
ദിനേശം നിശീഥേശ്വരം വാ കദാചിത്‌ |
ന ജാനാമി ചാന്യത്‌ സദാഹം ശരണ്യേ
ഗതിസ്ത്വം ഗതിസ്ത്വം ത്വമേകാ ഭവാനി || ൬ ||
വിവാദേ വിഷാദേ പ്രമാദേ പ്രവാസേ
ജലേ ച ആനലേ പര്വതേ ശത്രുമധ്യേ |
അരണ്യേ ശരണ്യേ സദാ മാം പ്രപാഹി
ഗതിസ്ത്വം ഗതിസ്ത്വം ത്വമേകാ ഭവാനി || ൭ ||
അനാഥോ ദരിദ്രോ ജരാരോഗ യുക്തോ
മഹാക്ഷീണ ദീനഃ സദാ ജാഡ്യവക്ത്രഃ |
വിപത്തൗ പ്രവിഷ്ടഃ പ്രനഷ്ടഃ സദാഹം
ഗതിസ്ത്വം ഗതിസ്ത്വം ത്വമേകാ ഭവാനി || ൮ ||
|| സംപൂര്ണമ്‌ ||
No comments:
Post a Comment