ചോക്കു മലയിൽ ജീവിക്കുന്നവൻ ചോക്ക് അന്വേഷിച്ചു പോയതുപോലെയാണു ഒരൊ ഭാരതിയന്റെയും കഥ....

ചോക്കു മലയിൽ ജീവിക്കുന്നവൻ ചോക്ക് അന്വേഷിച്ചു പോയതുപോലെയാണു ഒരൊ ഭാരതിയന്റെയും കഥ....

കയ്യിലുള്ളതിനെ വിട്ടിട്ട് പറക്കുന്നതിനെ പിടിക്കാൻ പോകുന്ന പോലെയാണ് 

സ്വതന്ത്രാനന്തര 75 വർഷത്തെ നമ്മുടെ ജീവിതം. 

ഇത് ആരെയും കുറ്റം പറയാൻ പറ്റില്ല കാരണം നാം ഇങ്ങനെ ആയതല്ല 75 വർഷത്തെ ഭരണം നമ്മേ ഇങ്ങനെ ആക്കിയതാണ്. ഇതിൽ ഇടതു വലതു രാഷ്ട്രിയ നേതാക്കക്കു സാംസ്കാരിക നേതാക്കക്കു നല്ലൊരു പങ്കുണ്ട്. നമ്മുടെ സംസ്കാരവും ചരിത്രവും നമ്മളിൽ നിന്നും മറച്ചുവെച്ചു. അതിനുപകരം അതിനിവേശ സംസ്കാരം നമ്മളിൽ അടിച്ചേൽപ്പിച്ചു. 

ഓരോ സമൂഹത്തിനും അവരുടേതായ സംസ്കാരം വിലയേറിയതാണ്. ഭൂമിശാസ്ത്രപരമായും വൈകാരികമായും നിരവധി കാരണങ്ങള്‍ അതിനുണ്ടാവുകയും ചെയ്യും. എന്നാല്‍ ഭാരതീയ സംസ്കാരത്തിന് അതിന്‍റേതായ ഒരു സവിശേഷതയുണ്ട്, അതിന് ശാസ്ത്രീയമായ ഒരടിത്തറയുണ്ട്. മാത്രമല്ല മനുഷ്യന്‍റെ പരമമായ സ്വാതന്ത്ര്യവും സൗഖ്യവുമാണ് അത് വിഭാവനം ചെയ്യുന്നത്. ലോകത്തിലെ വേറെ ഒരു സംസ്കാരവും മനുഷ്യമനസ്സിനെ ഇത്രത്തോളം ആഴത്തില്‍ പഠിച്ചിട്ടില്ല, വേറൊരു സംസ്കാരവും ഇത്രത്തോളം ശാസ്ത്രീയമായി മനുഷ്യനെ മനസ്സിലാക്കിയിട്ടില്ല; അവന്‍റെ ആത്യന്തികമായ ശ്രേയസ്സിനുവേണ്ടി യുക്തിപൂര്‍വം പദ്ധതികള്‍ തയ്യാറാക്കിയിട്ടുമില്ല. അത്രയും സമഗ്രമായ ധാരണയോടു കൂടിയാണ് ഭാരതീയ സംസ്കാരം മനുഷ്യമനസ്സിനെ സമീപിച്ചിട്ടുള്ളത്. മനുഷ്യന്‍ അവന്‍റെ സാദ്ധ്യതകളത്രയും പൂര്‍ണമായും സാക്ഷാത്കരിക്കണം - ചരിത്രാതീതകാലം മുതല്‍ക്കേ ഭാരതീയ സംസ്കാരം ലക്ഷ്യമിട്ടിരുന്നത് ഇതായിരുന്നു.

ഇന്ത്യൻ ചരിത്രത്തെക്കുറിച്ചുള്ള ചില അപൂർവ വസ്തുതകൾ ഇതാ

💢▀▀▀▀▀▀▀▀▀▀▀▀▀💢

ചരിത്രകാരന്മാരും പണ്ഡിതന്മാരും പലപ്പോഴും അവഗണിക്കുന്നു, പുരാതന ഇന്ത്യയെക്കുറിച്ചുള്ള പല പ്രമുഖ വസ്തുതകളും ഒരു രഹസ്യമായി തുടരുന്നു. വാസ്തവത്തിൽ, സിന്ധുനദീതട സംസ്കാരത്തെക്കുറിച്ചുള്ള നിരവധി വിശദാംശങ്ങൾ ഇതുവരെ കണ്ടെത്താനായിട്ടില്ല, കാരണം ഇന്നത്തെ പണ്ഡിതന്മാരും ഭാഷാശാസ്ത്രജ്ഞരും സിന്ധുനദീതട നാഗരികതയുടെ കാലത്ത് ഉപയോഗിച്ചിരുന്ന ലിഖിത ഭാഷയായ സിന്ധു ലിപി മനസ്സിലാക്കാൻ ഇപ്പോഴും പാടുപെടുകയാണ്. കൂടാതെ, പുരാതന ഇന്ത്യൻ ഗ്രന്ഥങ്ങളിൽ പല ശാസ്ത്രീയ ആശയങ്ങളും വിശദീകരിച്ചിട്ടുണ്ടെന്ന് ഇന്ത്യൻ പണ്ഡിതന്മാർ വാദിക്കുന്നു. ഈ ഗ്രന്ഥങ്ങൾ, പലപ്പോഴും മതപരമായ ആശയങ്ങളായി തെറ്റിദ്ധരിക്കപ്പെടുന്നു, യൂറോപ്യൻ ശാസ്ത്രജ്ഞരുടെ പല ആധുനിക കണ്ടുപിടുത്തങ്ങൾക്കും മുമ്പുള്ളവയാണ്. പുരാതന ഇന്ത്യയിൽ നിന്ന് അതിശയിപ്പിക്കുന്ന നിരവധി വസ്തുതകൾ ഉണ്ട്.

1 - ഗ്രീക്ക് തത്ത്വചിന്തകരുടെയും ചരിത്രകാരന്മാരുടെയും അഭിപ്രായത്തിൽ അടിമത്തം പുരാതന ഇന്ത്യയിൽ ഉണ്ടായിരുന്നില്ല. പുരാതന ഗ്രീക്ക് ചരിത്രകാരനായ മെഗസ്തനീസ് എല്ലാ ഇന്ത്യക്കാരും സ്വതന്ത്രരാണെന്ന് പ്രസ്താവിച്ചിരുന്നു. മെഗസ്തനീസിന്റെ പ്രസ്താവന മറ്റൊരു ഗ്രീക്ക് ചരിത്രകാരനായ അരിയാൻ സ്ഥിരീകരിച്ചു.

2 - സിന്ധുനദീതട നാഗരികത അടിസ്ഥാന സൗകര്യങ്ങൾ, നഗരാസൂത്രണം മുതലായവയുടെ കാര്യത്തിൽ ഏറ്റവും പുരോഗമിച്ച നാഗരികതകളിലൊന്നാണ്. കൂടാതെ, പുരാതന ഈജിപ്ത്, മെസൊപ്പൊട്ടേമിയ എന്നിവയുമായി താരതമ്യപ്പെടുത്തുമ്പോൾ ഏറ്റവും പുരാതന നാഗരികതകളിലൊന്നായ സിന്ധുനദീതടമാണ് ഏറ്റവും വ്യാപകമായ നാഗരികത. പുരാതന ഇന്ത്യക്കാർക്ക് ജലസംഭരണി എന്ന ആശയം നന്നായി വികസിപ്പിച്ചെടുത്തിരുന്നു. 'കല്ലനൈ അണക്കെട്ട്' എന്നും അറിയപ്പെടുന്ന ഗ്രാൻഡ് ആനിക്കട്ട് ലോകത്തിലെ നാലാമത്തെ പഴക്കമുള്ളതാണ്. പ്രവർത്തനക്ഷമമായ ഏറ്റവും പഴക്കമുള്ള അണക്കെട്ടുകളിലൊന്നാണിത്. ബിസി 320-ൽ മൗര്യന്മാർ നിർമ്മിച്ചതാണ് 'സുദർശന' എന്ന കൃത്രിമ തടാകം.

3 - പുരാതന ഇന്ത്യയിൽ പ്രശസ്തവും പ്രമുഖവുമായ നിരവധി പഠനകേന്ദ്രങ്ങൾ ഉണ്ടായിരുന്നു. അവയിൽ ചിലത് തക്ഷശിലയും നളന്ദയുമായിരുന്നു. അക്കാലത്ത് ലോകപ്രശസ്ത സർവ്വകലാശാലകളായിരുന്നു അവ, ലോകമെമ്പാടുമുള്ള നിരവധി വിദ്യാർത്ഥികളെ ആകർഷിച്ചു. 

4 - പുരാതന ഇന്ത്യയിൽ സ്ത്രീ ശാക്തീകരണം അതിന്റെ ഉച്ചസ്ഥായിയിലായിരുന്നു. ഇന്നത്തെ സമൂഹത്തിൽ വിലക്കപ്പെട്ട വിഷയങ്ങൾ സ്ത്രീകൾക്ക് ഭയമില്ലാതെ ചർച്ച ചെയ്യാം. ഒരു കൂട്ടം പുരുഷന്മാർക്കിടയിൽ തങ്ങളുടെ ഭാവി ജീവിതപങ്കാളിയെ തിരഞ്ഞെടുക്കാനുള്ള അവകാശം പോലും അവർക്കുണ്ടായിരുന്നു. 

5 - മഹാനായ ജ്യോതിശാസ്ത്രജ്ഞനും ഗണിതശാസ്ത്രജ്ഞനുമായ ആര്യഭട്ടയാണ് പൂജ്യം എന്ന സംഖ്യ കണ്ടുപിടിച്ചത്. 

6 - പുരാതന ഇന്ത്യയിലും നമ്പർ സിസ്റ്റം കണ്ടുപിടിച്ചതാണ്. പുരാതന ഇന്ത്യയിലെ മഹാനായ ഗണിതശാസ്ത്രജ്ഞനും ജ്യോതിശാസ്ത്രജ്ഞനുമായ ഭാസ്കരാചാര്യയാണ് ഭൂമി സൂര്യനെ ചുറ്റാൻ എടുക്കുന്ന സമയം ആദ്യമായി കണക്കാക്കിയത്. സൂര്യനെ ചുറ്റാൻ ഭൂമി എടുക്കുന്ന സമയം: (അഞ്ചാം നൂറ്റാണ്ട്) 365.258756484 ദിവസം.

ഡിഫറൻഷ്യൽ കാൽക്കുലസിന്റെ ചില ആശയങ്ങളുടെ തുടക്കക്കാരൻ കൂടിയായിരുന്നു അദ്ദേഹം. അദ്ദേഹത്തിന്റെ ചില കൃതികൾ ലെബ്നിസിന്റെയും ന്യൂട്ടന്റെയും കൃതികൾക്ക് അര സഹസ്രാബ്ദത്തിന് മുമ്പുള്ളവയാണ്. 

7 - പുരാതന ഗണിതശാസ്ത്രജ്ഞനായ ബൗധായാന എഴുതിയ ബൗധായാന സൂത്രത്തിൽ പൈതഗോറസിന്റെ സിദ്ധാന്തത്തിന് സമാനമായ സങ്കീർണ്ണമായ ഗണിതശാസ്ത്ര കണക്കുകൂട്ടലുകളുടെ ഒരു സംവിധാനം ഉൾപ്പെടുന്നു. 

8 - ബീജഗണിതം, ത്രികോണമിതി, കാൽക്കുലസ് എന്നിവയെല്ലാം ഇന്ത്യയിൽ നിന്നാണ് വന്നത് എന്നത് പുരാതന ഇന്ത്യ ശാസ്ത്രത്തിലും ഗണിതത്തിലും വളരെയധികം മുന്നേറിയിരുന്നു എന്നത് ശ്രദ്ധേയമാണ്. പതിനൊന്നാം നൂറ്റാണ്ടിൽ ശ്രീധരാചാര്യ എന്ന ഗണിതശാസ്ത്രജ്ഞൻ ക്വാഡ്രാറ്റിക് സമവാക്യങ്ങൾ മുന്നോട്ടുവച്ചു. 

9 - ആധുനിക മനുഷ്യർക്ക് അറിയപ്പെടുന്ന ആദ്യകാല വൈദ്യശാസ്ത്രം ആയുർവേദമാണ്. ആയുർവേദം പ്രധാനമായും വികസിപ്പിച്ചെടുത്തത് പുരാതന കാലത്ത് മഹാനായ ഇന്ത്യൻ വൈദ്യനായ ചരകനാണ്. ചികിത്സിക്കുന്ന വ്യക്തിയെ സമഗ്രമായി വീക്ഷിക്കുന്ന ഒരേയൊരു മെഡിക്കൽ സംവിധാനമാണിത്.

10 - പുരാതന ഇന്ത്യയിലെ ഒരു ഫിസിഷ്യനായിരുന്ന സുശ്രുതൻ, സിസേറിയൻ, തിമിരം, പ്ലാസ്റ്റിക് സർജറി, വൃക്കയിലെ കല്ലുകൾ നീക്കം ചെയ്യാനുള്ള ശസ്ത്രക്രിയ, കൈകാലുകളുടെ കൃത്രിമത്വം, ഒടിവുകൾ ശരിയാക്കൽ, മസ്തിഷ്ക ശസ്‌ത്രക്രിയ തുടങ്ങിയ ചികിത്സാരീതികൾ നടത്തി. 

11- പുരാതന ഇന്ത്യയിൽ അനസ്തേഷ്യയുടെ ഉപയോഗം സാധാരണമായിരുന്നു. ആയുർവേദ വൈദ്യശാസ്ത്രത്തെക്കുറിച്ചുള്ള പുരാതന ഇന്ത്യൻ ഗ്രന്ഥമായ സുശ്രുത സംഹിതയിൽ ശസ്ത്രക്രിയയ്ക്ക് മുമ്പ് വീഞ്ഞിന്റെയും കഞ്ചാവ് ധൂപത്തിന്റെയും ഉപയോഗം വ്യക്തമായി പറയുന്നുണ്ട്. 

12 - ഒരു പുരാതന സംസ്കൃത ഗ്രന്ഥം എയറോനോട്ടിക്സ്, എയറോഡൈനാമിക്സ് എന്നിവയുടെ ആശയങ്ങൾ വിശദീകരിക്കുന്നു. ഈ ഗ്രന്ഥങ്ങൾ വിമാനത്തിന്റെ കണ്ടുപിടുത്തത്തിന് നിരവധി വർഷങ്ങൾക്ക് മുമ്പാണ്. 

13 - ആറാം നൂറ്റാണ്ടിൽ രചിക്കപ്പെട്ട വേദഗ്രന്ഥങ്ങളിൽ പുരാതന ഇന്ത്യക്കാർക്ക് സൗരയൂഥത്തെക്കുറിച്ച് അഗാധമായ അറിവുണ്ടായിരുന്നു എന്നതിന് മതിയായ തെളിവുകൾ ഉണ്ട്. അമേരിക്കൻ ഗണിതശാസ്ത്രജ്ഞനും ഗ്രന്ഥകാരനുമായ റിച്ചാർഡ് എൽ.തോംസൺ 'പവിത്രമായ പ്രപഞ്ചത്തിന്റെ രഹസ്യങ്ങൾ' എന്ന പേരിൽ ഒരു പുസ്തകം പുറത്തിറക്കിയിരുന്നു. പുരാതന ഇന്ത്യക്കാർ ജ്യോതിശാസ്ത്ര പഠനങ്ങളിൽ അഗ്രഗണ്യരായിരുന്നുവെന്ന് പുസ്തകം വ്യക്തമായി വിശദീകരിക്കുന്നു.

14 - പുരാതന ഇന്ത്യയിൽ ധാരാളം ജ്യോതിശാസ്ത്ര നിരീക്ഷണാലയങ്ങൾ ഉണ്ടായിരുന്നു. ഇന്ത്യൻ ഗണിതശാസ്ത്രജ്ഞനായ ബ്രഹ്മഗുപ്തനായിരുന്നു ഉജ്ജയിനിലെ നിരീക്ഷണാലയത്തിന്റെ ചുമതല. 

15 - ഗ്രഹണം പോലെയുള്ള സൗര, ചന്ദ്ര സംഭവങ്ങളെക്കുറിച്ച് പുരാതന ഇന്ത്യക്കാർക്ക് അഗാധമായ അറിവുണ്ടായിരുന്നു. ഗ്രഹണങ്ങളുടെ സംഭവവികാസങ്ങൾ കണക്കാക്കാൻ പോലും അവർക്ക് ഒരു രീതി ഉണ്ടായിരുന്നു.

16 - നമ്മുടെ സൗരയൂഥത്തിന്റെ സൂര്യകേന്ദ്രീകൃത മാതൃക പല പുരാതന ഇന്ത്യൻ ഗ്രന്ഥങ്ങളിലും വിശദീകരിച്ചിട്ടുണ്ട്. നമ്മുടെ സൗരയൂഥത്തിൽ കേന്ദ്രമായി സ്ഥിതി ചെയ്യുന്ന സൂര്യനെ ഭൂമി ചുറ്റുന്നു എന്ന വസ്തുത പുരാതന ഇന്ത്യക്കാർക്ക് അറിയാമായിരുന്നുവെന്ന് ഇത് തെളിയിക്കുന്നു. 

17 - പുരാതന ഇന്ത്യയിലാണ് ചെസ്സ് കണ്ടുപിടിച്ചതെന്ന് വിശ്വസിക്കപ്പെടുന്നു. ശ്രീകൃഷ്ണനും പത്നി രാധയും കളിക്കുന്ന കളിയെ പല പുരാതന ചിത്രങ്ങളിലും ചിത്രീകരിച്ചിരിക്കുന്നതിനാൽ ഇത് വളരെ ജനപ്രിയമായ ഒരു ഗെയിം കൂടിയായിരുന്നു.

18 - പുരാതന ഇന്ത്യക്കാർ ലോഹശാസ്ത്രത്തിൽ വിദഗ്ധരായിരുന്നു. ബിസി പത്താം നൂറ്റാണ്ടിൽ സിങ്ക് വേർതിരിച്ചെടുക്കൽ പ്രക്രിയയിൽ അവർ പ്രാവീണ്യം നേടിയിരുന്നു. ബിസി ആറാം നൂറ്റാണ്ടിൽ ഇന്നത്തെ രാജസ്ഥാനിനടുത്ത് നിലനിന്നിരുന്ന പുരാതന സിങ്ക് ഖനികളുടെ തെളിവുകളും ഉണ്ട്. 

19 - പ്രാചീന ഇന്ത്യയിൽ യോഗ പരിശീലിച്ചിരുന്നു. പ്രാചീന ഭാരതീയരുടെ ദൈനംദിന ജീവിതരീതിയായിരുന്നു ആദ്ധ്യാത്മികാഭ്യാസമെന്നതിന് നിരവധി തെളിവുകളുണ്ട്.

20 - സിന്ധുനദീതട സംസ്കാരത്തിലെ ജനങ്ങൾക്ക് നാവിഗേഷൻ വശമായിരുന്നു. 6000 വർഷങ്ങൾക്ക് മുമ്പ് പുരാതന ഇന്ത്യക്കാർ നാവിഗേഷൻ കലയിൽ പ്രാവീണ്യം നേടിയിരുന്നു. നാവിഗേഷൻ എന്ന വാക്ക് തന്നെ NAVGATIH എന്ന സംസ്‌കൃത വാക്കിൽ നിന്നാണ് ഉരുത്തിരിഞ്ഞത്. നാവികസേന എന്ന വാക്ക് സംസ്കൃതമായ 'നൗ' എന്നതിൽ നിന്നാണ് വന്നത്.

21 - പലതരം ഔഷധസസ്യങ്ങളും മറ്റ് ശുദ്ധീകരണ വസ്തുക്കളും സംയോജിപ്പിച്ച് പുരാതന ഇന്ത്യയിൽ ഷാംപൂ ആയി ഉപയോഗിച്ചിരുന്നു. വാസ്‌തവത്തിൽ, ഷാംപൂ എന്ന ഇംഗ്ലീഷ് വാക്ക് 'ചമ്പോ' എന്ന ഹിന്ദി വാക്കിൽ നിന്നാണ് ഉത്ഭവിച്ചതെന്ന് പറയപ്പെടുന്നു.

22 - ബിസി മൂന്നാം നൂറ്റാണ്ടിൽ രചിക്കപ്പെട്ട 'മഹാഭാരത'ത്തിൽ ടെസ്റ്റ് ട്യൂബ് ശിശുക്കൾ, ക്ലോണിംഗ്, ടൈം ട്രാവൽ തുടങ്ങിയ വിപുലമായ ശാസ്ത്രീയ ആശയങ്ങൾ പരാമർശിക്കുന്നുണ്ട്.

23 - ബിസി 600-ൽ എഴുതപ്പെട്ട ഒരു പുരാതന ഗ്രന്ഥം ആറ്റോമിക് സിദ്ധാന്തത്തെക്കുറിച്ച് സംസാരിക്കുന്നു. എല്ലാ വസ്തുക്കളും ആറ്റങ്ങളാൽ നിർമ്മിതമാണെന്നും നിരവധി ആറ്റങ്ങൾ കൂടിച്ചേർന്ന് തന്മാത്രകളാണെന്നും അതിൽ വ്യക്തമായി പറയുന്നു.

24 - വലിയ സമ്പത്ത് ഉള്ളതിനാൽ ഇന്ത്യ സ്വർണ്ണ പക്ഷി എന്നാണ് അറിയപ്പെട്ടിരുന്നത്. വാസ്തവത്തിൽ, ഭൂരിഭാഗം അധിനിവേശക്കാരും സമ്പത്ത് തേടിയാണ് ഇന്ത്യയിലെത്തിയത്. കൂടാതെ, പതിനെട്ടാം നൂറ്റാണ്ടിൽ ബ്രസീലിൽ നിന്ന് കണ്ടെത്തുന്നതുവരെ പുരാതന ഇന്ത്യയിൽ മാത്രമാണ് വജ്രങ്ങൾ കണ്ടെത്തിയത്. ജെമോളജിക്കൽ ഇൻസ്റ്റിറ്റ്യൂട്ട് ഓഫ് അമേരിക്കയുടെ അഭിപ്രായത്തിൽ, 1896 വരെ, ലോകത്തിന് വജ്രങ്ങളുടെ ഏക ഉറവിടം ഇന്ത്യയായിരുന്നു.

25 - കഴിഞ്ഞ 10000 വർഷത്തെ ചരിത്രത്തിൽ ഇന്ത്യ ഒരു രാജ്യത്തെയും ആക്രമിച്ചിട്ടില്ല.

26 - എല്ലാ യൂറോപ്യൻ ഭാഷകളുടെയും മാതാവ് സംസ്കൃതമാണ്. 1987 ജൂലൈയിലെ ഫോർബ്സ് മാസികയിൽ റിപ്പോർട്ട് ചെയ്ത കമ്പ്യൂട്ടർ സോഫ്‌റ്റ്‌വെയറിന് ഏറ്റവും അനുയോജ്യമായ ഭാഷ സംസ്‌കൃതമാണ്.

27 - ഇന്ത്യയുടെ ആധുനിക ചിത്രങ്ങൾ പലപ്പോഴും ദാരിദ്ര്യവും വികസനമില്ലായ്മയും കാണിക്കുന്നുണ്ടെങ്കിലും, പതിനേഴാം നൂറ്റാണ്ടിന്റെ തുടക്കത്തിൽ ബ്രിട്ടീഷ് അധിനിവേശം വരെ ഭൂമിയിലെ ഏറ്റവും സമ്പന്നമായ രാജ്യമായിരുന്നു ഇന്ത്യ.

28 - പൈയുടെ മൂല്യം ആദ്യം കണക്കാക്കിയത് ബുധായാനയാണ്, പൈതഗോറിയൻ സിദ്ധാന്തം എന്നറിയപ്പെടുന്ന ആശയം അദ്ദേഹം വിശദീകരിച്ചു. യൂറോപ്യൻ ഗണിതശാസ്ത്രജ്ഞർക്ക് വളരെ മുമ്പേ ആറാം നൂറ്റാണ്ടിൽ അദ്ദേഹം ഇത് കണ്ടെത്തി.

29 - ബീജഗണിതം, ത്രികോണമിതി, കാൽക്കുലസ് എന്നിവ ഇന്ത്യയിൽ നിന്നാണ് വന്നത്; പതിനൊന്നാം നൂറ്റാണ്ടിൽ ശ്രീധരാചാര്യയാണ് ചതുരാകൃതിയിലുള്ള സമവാക്യങ്ങൾ ഉപയോഗിച്ചത്; ഗ്രീക്കുകാരും റോമാക്കാരും ഏറ്റവും കൂടുതൽ ഉപയോഗിച്ചത് 10^6 (10 മുതൽ 6 വരെയുള്ള 6) സംഖ്യകളാണ്, അതേസമയം ഹിന്ദുക്കൾ 10^53 (10 മുതൽ 53 വരെ) വരെ വലിയ സംഖ്യകൾ ഉപയോഗിച്ചു. വേദ കാലഘട്ടത്തിൽ 5000 ബിസിഇയിൽ തന്നെ പ്രത്യേക പേരുകൾ. ഇന്നും, ഏറ്റവും കൂടുതൽ ഉപയോഗിക്കുന്ന നമ്പർ Tera 10^12 (10 to 12 ന്റെ ശക്തി) ആണ്.

30 - വയർലെസ് ആശയവിനിമയത്തിന്റെ തുടക്കക്കാരൻ പ്രൊഫ. ജഗദീഷ് ബോസ്, മാർക്കോണി അല്ല.

തിരുവിതാംകൂർ ഭരണാധികാരികൾ

തിരുവിതാംകൂർ ഭരണാധികാരികൾ

തിരുവിതാംകൂർ ഭരണാധികാരികളുടെ ദൃഡനിശ്ചയത്തിൻ്റെയും കഴിവിൻ്റെയും ഫലമായാണ് കേരളം ഇന്ന് കാണുന്ന രീതിയിൽ ആധുനിക വളർച്ച കൈവരിച്ചത്, പുരോഗമന ചിന്താഗതിക്കാരായ തിരുവിതാംകൂർ മഹാരാജാക്കൻമാർ രാജ്യത്തിൻ്റെ വിദ്യാഭ്യാസ, വ്യവസായ, സാമ്പത്തിക മേഘലകളിൽ വിപ്ലവകരമായ മാറ്റത്തിന് തുടക്കം കുറിച്ചു, ലോകത്തിൻ്റെ ആധുനിക മാറ്റത്തിനനുസരിച്ച് കേരളത്തിലും നവോത്ഥാനം സൃഷ്ടിച്ചത് തിരുവിതാംകൂർ ഭരണാധികാരികൾ ആണ്. ഇംഗ്ലിഷ് വിദ്യാഭ്യാസം, സ്ത്രികൾക്കായി പ്രത്യേക സംവരണം, പുതിയ തൊഴിൽ മേഖലകൾ എന്നിവ സ്യഷ്ടിച്ച് പ്രജകളെ സാമ്പത്തികമായും വിദ്യാഭ്യാസപരമായും വളർത്തുന്നതിൽ പ്രധാന പങ്ക് വഹിച്ചു, 650 ഓളം നാട്ടുരാജ്യങ്ങൾ ഉള്ള ഭാരതത്തിൽ പത്തൊമ്പതാം നൂറ്റാണ്ടിൽ തന്നെ ആധുനിക വളർച്ച കൈവരിച്ച ഒരേയൊരു നാട്ടുരാജ്യം തിരുവിതാംകൂർ ആണ്, ഏഷ്യയിൽ തന്നെ ആദ്യമായി ഒരു യുറോപ്യൻ രാജ്യത്തെ പരാജയപ്പെടുത്തിയത് തിരുവിതാംകൂർ ആണ്, തിരുവിതാംകൂർ മഹാരാജ്യത്തിൻ്റെ സ്ഥാപകൻ എന്നറിയപ്പെടുന്ന മാർത്താണ്ഡവർമ്മ മുതൽ ഇതുവരെയുള്ള ഭരണാധികാരികളെ പരിചയപ്പെടുത്തുന്ന താണ് ഈ ലേഖനം, രാമവർമ്മ, മാർത്താണ്ഡവർമ്മ എന്നി പേരുകളിൽമാറി മാറി രാജക്കൻമാർ വരുന്നതിനാൽ ജനിച്ച നക്ഷത്രത്തിൻ്റെ നാമത്തിലാണ് രാജാക്കന്മാർ അറിയപ്പെടുന്നത്.

1) അനിഴംതിരുനാൾ വീരബാലമാർത്താണ്ഡവർമ്മ (ഭരണ കാലം AD 1729- AD 1758) തിരുവിതാംകൂറിൻ്റെ ആധുനിക ചരിത്രം തുടങ്ങുന്നത് മാർത്താണ്ഡവർമ്മയിലൂടെയാണ്, ചെറുനാട്ടുരാജ്യമായിരുന്ന വേണാട് എന്ന രാജ്യത്തിനോട് അയൽ രാജ്യങ്ങളെ എല്ലാം കൂട്ടി ചേർത്ത് തിരുവിതാംകൂർ എന്ന മഹാരാജ്യം സ്ഥാപിച്ചു മാർത്താണ്ഡവർമ, കൊല്ലം, കൊട്ടാരക്കര, കായംകുളം, അമ്പലപ്പുഴ തുടങ്ങി കൊച്ചി വരെയുള്ള എല്ലാം നാട്ടുരാജ്യങ്ങളെയും പിടിച്ചടക്കി, കന്യാകുമാരി തൊട്ട് വട്ടക്ക് പെരിയാറിൻ്റെ തീരം വരെ വ്യാപിച്ചു രാജൃത്തിൻ്റെ വിസ്തൃതി, 1741 ഓഗസ്റ്റ് 10ന് കുളച്ചൽ യുദ്ധത്തിൽ വെച്ച് മാർത്താണ്ഡവർമ്മ ഡച്ച് ഈസ്റ്റ് ഇന്ത്യ കമ്പനിയെ പരാജയപ്പെടുത്തി, ഏഷ്യയിൽ ആദ്യമാണ് ഒരു നാട്ടുരാജാവ് യുറോപ്യൻ രാജ്യത്തെ പരാജയപ്പെടുത്തിയത്, രാജ്യത്ത് നികുതി സമ്പ്രദായം ഏകീകരിച്ചു, ജലസേചന പദ്ധതികൾ ആവിഷ്ക്കരിച്ചു, തിരുവിതാംകൂറിൻ്റെ വാർഷിക ബജറ്റ് തയ്യാറാക്കി,1731 ൽ ആണ് പത്മനാനാഭ സ്വാമി ക്ഷേത്രം പുതുക്കി പണികഴിപ്പിച്ചത്, രാമയ്യൻ ദളവ ആയിരുന്നു അദ്ദേഹത്തിൻ്റെ ദിവാൻ, 1750 ജനുവരി 3ന് അദ്ദേഹം തൻ്റെ രാജ്യം കുലദൈവമായ ശ്രീപത്മനാഭ സ്വാമിക്ക് സമർപ്പിച്ചു, ഇത് തൃപ്പടിദാനം എന്നറിയപ്പെടുന്നു, ഇതിനു ശേഷം തിരുവിതാംകൂർ രാജാക്കൻമാർ പത്മനാഭദാസൻമാർ എന്നാണ് അറിയപ്പെടുന്നത്.

ശ്രീ പത്മനാഭദാസ വഞ്ചിപാലമഹാരാജശ്രീ അനിഴം തിരുനാൾ വീരബാലമാർത്താണ്ഡവർമ്മ കുലശേഖര പെരുമാൾ എന്നാണ് പൂർണ്ണനാമം, 1758 ൽ പൊന്നുതമ്പുരാൻ നാടുനീങ്ങി,

2) കാർത്തികതിരുനാൾ രാമവർമ്മ (ഭരണ കാലം AD 1758-1798) തിരുവിതാംകൂറിൽ ഏറ്റവും കൂടുതൽ കാലം ഭരണം നടത്തിയത് കാർത്തിക തിരുനാൾ ആണ്, അദ്ദേഹം ധർമ്മരാജ എന്ന പേരിൽ അറിയപ്പെടുന്നു, 1795 ൽ തിരുവിതാംകൂറിൻ്റെ തലസ്ഥാനം പത്മനാഭപുരത്തു നിന്ന് തിരുവനന്തപുരത്തേക്ക് മാറ്റി, ചാലകമ്പോളം, ആലപ്പുഴ പട്ടണം, എന്നിവ പണികഴിപ്പിച്ചു. മാർത്താണ്ഡവർമ്മ കീഴടക്കിയ മേഖലകളിൽ മേൽക്കോയ്മ നിലനിർത്തുന്നതിന് സാധിച്ചു. സാമൂഹിക പരിഷ്കാരങ്ങൾ നടപ്പിലാക്കി. വാണിജ്യ മേഖലയെ ശക്തിപ്പെടുത്തി. അദ്ദേഹത്തിൻ്റെ ഭരണംസുവർണ കാലഘട്ടം എന്നറിയപ്പെടുന്നു, രാജ കേശവദാസ് ആയിരുന്നു ദിവാൻ,1798 ൽ ധർമ്മരാജ'നാടു നീങ്ങി.

3) അവിട്ടംതിരുനാൾ ബാലരാമവർമ്മ

(ഭരണകാലം 1798-1811) സഞ്ചരിക്കുന്ന കോടതി സ്ഥാപിച്ചു, കൊല്ലം ചെങ്കോട്ട റോഡ് പണികഴിപ്പിച്ചു. വേലുത്തമ്പി ദളവ ആയിരുന്നു ദിവാൻ.

4) ആയില്യംതിരുനാൾ ഗൗരിലക്ഷ്മിഭായി

( ഭരണ കാലം 1811_1815) തിരുവിതാംകൂറിൽ സ്വന്തം നിലയിൽ ഭരിച്ച ഏക വനിതാ ഭരണാധികാരിയാണ് ആയില്യം തിരുനാൾ മഹാറാണി, മറ്റ് തമ്പുരാട്ടിമാർ റീജൻ്റ് ആയാണ് ഭരണം നടത്തിയത്. 1813 ൽ തമ്പുരാട്ടിക്ക് ആൺകുഞ്ഞ് പിറന്നപ്പോൾ ആ ശിശുവിനെ (സ്വാതിതിരുനാൾ) രാജാവായി പ്രഖ്യാപിച്ചു. സാമൂഹിക രംഗത്തും വിദ്യാഭ്യാസ രംഗത്തും വളരെ പുരോഗതിയുണ്ടാക്കാൻ തമ്പുരാട്ടിക്ക് സാധിച്ചു, ജൻമിമാർക്ക് പട്ടയം നല്കുന്ന രീതി ആരംഭിച്ചു, 1812 ൽ അടിമക്കച്ചവടം നിർത്തലാക്കി, തിരുവിതാംകൂറിൽ കോടതികൾ സ്ഥാപിച്ചു, പാശ്ചാത്യാ ചികിത്സാരീതി കേരളത്തിൽആദ്യമായി ആരംഭിച്ചു, സെക്രട്ടറി സമ്പ്രദായം നടപ്പിലാക്കി, വിദ്യാലയങ്ങൾ കേന്ദ്രീകരിച്ച് ഔപചാരിക വിദ്യാഭ്യാസത്തിന് തുടക്കം കുറിച്ച ഭരണാധികാരിയാണ് ആയില്യം തിരുനാൾ തമ്പുരാട്ടി, ശ്രീപത്മനാഭസേവിനി വഞ്ചി പാലവർദ്ധിനി രാജരാജേശ്വരി ശ്രീ ആയില്യം തിരുനാൾ ഗൗരിലക്ഷ്മിഭായി തമ്പുരാൻ എന്നാണ് പൂർണ്ണനാമം,കേണൽ മൺറോ ആയിരുന്നു ദിവാൻ.

5) ഉതൃട്ടാതിതിരുനാൾ ഗൗരിപാർവ്വതിഭായി

( ഭരണകാലം1815-1829) ഗൗരിലക്ഷ്മിഭായിയുടെ ദേഹവിയോഗത്തെ തുടർന്ന് സ്വാതി തിരുനാളിന് പ്രായപൂർത്തി ആകുന്നത് വരെ റീജൻറ് ആയി ആദ്യമായി തിരുവിതാംകൂറിൽ ഭരണം നടത്തിയ മഹാറാണിയാണ് ഉതൃട്ടാതിതിരുനാൾ,

തിരുവിതാംകൂറിൽ എല്ലാ ജാതിക്കാർക്കും പുര ഓട് മേയാൻ അനുവാദം നല്കി, സ്വർണ്ണാഭരണം അണിയാൻ ബ്രാഹ്മണ, വിശ്വകർമ, വൈശ്യ , ക്ഷത്രിയ സ്ത്രികൾക്ക് മാത്രം അവകാശമുണ്ടായിരുന്ന അക്കാലത്ത്ആഭരണം അണിയാനുള്ള അവകാശം നായർ, ഈഴവ വിഭാഗത്തിനു കൂടിനല്കി കൊണ്ട് ഉത്തരവിട്ടു, പാർവ്വതി പുത്തനാർ എന്ന പേരിൽ തിരുവനന്തപുരത്ത് ജലപാത പണി കഴിപ്പിച്ചു,

6 ) സ്വാതി തിരുനാൾ രാമവർമ്മ

(ഭരണകാലം 1829-1847) അമ്മയുടെ ഗർഭത്തിൽ ഇരിക്ക തന്നെ രാജാവായി വാഴ്ത്തിയതിനാൽ 'ഗർഭശ്രീമാൻ' എന്ന് അറിയപ്പെടുന്നു, കേരള സംഗീത കലയുടെയും തിരുവിതാംകൂറിൻ്റെയും സുവർണ്ണകാലഘട്ടം എന്നറിയപ്പെടുന്നു ഇദ്ദേഹത്തിൻ്റെ ഭരണ കാലം, പല ഭാഷകളിലാലി അഞ്ഞൂറിലധികം കൃതികൾ രചിച്ചു, രാജാക്കൻമാരിൽ സംഗീതഞ്ജനും, സംഗീതഞ്ജരിൽ രാജാവും എന്ന ഒരേയൊരു പ്രതിഭ.

തിരുവിതാംകൂറിൽ മുൻസിഫ് കോടതികൾ സ്ഥാപിച്ച് നീതിന്യായ ഭരണം നടത്തി, 1836ൽ തിരുവിതാംകൂറിൽ (കേരളത്തിൽ ആദ്യമായി) ആദ്യമായി ജനസംഖ്യ കണക്കെടുപ്പ് (സെൻസസ്) നടത്തി, കേരളത്തിൽ ആദ്യമായി തിരുവനന്തപുരത്ത് വാനനിരീക്ഷണ കേന്ദ്രം ആരംഭിച്ചു. ശൂചീന്ദ്രം കൈമുക്കൽ എന്ന പ്രാകൃത ശിക്ഷാരീതി നിർത്തലാക്കി. 1834 ൽ കേരളത്തിൽ ആദ്യമായി ഇംഗ്ലിഷ് മീഡിയം സ്കൂൾ തിരുവനന്തപുരത്ത് ആരംഭിച്ചു, 165 തരം ചെറുകിട ചുങ്കങ്ങൾ നിർത്തലാക്കി വാണിജ്യത്തെ പ്രാത്സാഹിപ്പിച്ചു. ആദ്യമായി കേരളത്തിൽ സർക്കാർ പ്രസ് അരംഭിച്ചു, 1837 ൽ മലയാള ഭാഷയുടെ ആധുനിക ലിപി വിളംബരം മൂലം നടപ്പിലാക്കി. ജലസേചന മരാമത്ത് വകുപ്പ് ഏർപ്പെടുത്തി, 1834 ൽ തിരുവനന്തപുരത്ത് (കേരളത്തിൽ ആദ്യം) ധർമ്മാശുപത്രി സ്ഥാപിച്ചു. ജില്ലയിൽ പല സ്ഥലത്തും വിദ്യാലയങ്ങൾ സ്ഥാപിച്ചു. 1839 ൽ ആദ്യമായി ഇംഗ്ലിഷ് മലയാളം കലണ്ടർ പുറത്തിറക്കി. കേരളത്തിൽ ആദ്യമായിപബ്ലിക് ലൈബ്രറി തുടങ്ങി. കേരളത്തിൽ ആദ്യമായി തിരുവനന്തപുരത്ത് മൃഗശാല തുടങ്ങി. കോട്ടക്കകത്ത് വലിയ ഗോശാല നിർമ്മിച്ചു. കൃഷ്ണറാവു ആയിരുന്നു ദിവാൻ പേഷ് കാർ. തിരുവിതാംകൂറിൽ (കേരള ചരിത്രത്തിൽ തന്നെ ) വലിയ മാറ്റങ്ങൾക്ക് അടിത്തറ പാകിയ സ്വാതി തിരുനാൾ 1847 നാടുനീങ്ങി.

7 ) ഉത്രംതിരുനാൾ മാർത്താണ്ഡവർമ്മ

(ഭരണ കാലം 1847-1860) 1857 ൽ ആലപ്പുഴയിൽ ആദ്യമായി തപാലാഫീസ് ആരംഭിച്ചു. ആലപ്പുഴയിൽ കയർ വ്യവസായത്തിന് തുടക്കം കുറിച്ച് തൊഴിൽ മേഖലയെ ശക്തിപ്പെടുത്തിയ ഭരണാധികാരി. 1859ൽ ഈഴവ, ചാന്നാർസ്ത്രികൾക്ക് മാറുമറച്ച് വസ്ത്രധാരണം നടത്തുന്നതിനുള്ള അവകാശം നല്കി. 1853 ൽ അടിമത്വം നിർത്തലാക്കി. 1859 ൽ പെൺകുട്ടികൾക്കായി പ്രത്യേക സ്കൂൾ ആരംഭിച്ചു.

8 ) ആയില്യം തിരുനാൾ രാമവർമ്മ

(ഭരണകാലം 1860-1880) വസ്തുവിൽ കുടിയാനുള്ള അവകാശം സ്ഥിരത നല്കി കൊണ്ട് 1867ൽ ജൻമി കുടിയാൻ വിളംബരം നടത്തി, 1865 ൽ പണ്ടാരപ്പാട്ടവിളംബരം നടത്തി. ഭാഗം കിട്ടിയ ഭൂമി വില്ക്കാനുള്ള അവകാശം, സർക്കാർ അഞ്ചൽ പൊതു ജനങ്ങൾക്കായി തുറന്നുകൊടുത്ത ഭരണാധികാരിയാണ് ഉത്രം തിരുനാൾ. മാധവറാവു ആയിരുന്നു ദിവാൻ. 1860 ൽ പൊതുമരാമത്ത് ആരംഭിച്ചു. പുത്തൻ കച്ചേരി എന്നറിയപ്പെട്ടിരുന്ന സെക്രട്ടറിയേറ്റ് 1869 ൽ പണികഴിപ്പിച്ചു. തിരുവനന്തപുരത്ത് ആർട്സ് കോളേജ്, ലോ കോളേജ് എന്നിവ ആരംഭിച്ചു. നേപ്പിയർ മ്യൂസിയം സ്ഥാപിച്ചു. തിരുവനന്തപുരത്ത് ആദ്യത്തെ ജനറൽ ആശുപത്രി സ്ഥാപിച്ചു. ആദ്യ മാനസികരോഗാശുപത്രി സ്ഥാപിച്ചു. സ്വകാര്യ വിദ്യാലയങ്ങൾക്ക് ധനസഹായം നല്കുന്നതിൽ പ്രധാന്യം നല്കി. ഇക്കാലത്ത് ജലസേചന മേഖലയും ഗതാഗത രംഗവും അഭിവൃദ്ധി നേടി. 1880 ൽ ഉത്രം തിരുനാൾ നാടുനീങ്ങി.

9 ) വിശാഖം തിരുനാൾ രാമവർമ്മ

(ഭരണകാലം 1880-1885) പണ്ഡിതൻ എന്ന നിലയിൽ പ്രശസ്തനായ രാജാവ്. തിരുവനന്തപുരത്ത് ഹൈക്കോടതി സ്ഥാപിച്ചു. തിരുവിതാംകൂറിൽ സമ്പൂർണ്ണ ഭൂ സർവേ നടത്തി. തിരുവിതാംകൂറിൽ മരച്ചീനി കൃഷി ആരംഭിച്ചു. നിയമ വകുപ്പിൽ നിന്ന് പോലിസ് വകുപ്പിനെ വേർപ്പെടുത്തി പുതിയരൂപം നല്കി. പ്രൈമറി വിദ്യാലയങ്ങൾക്ക് സാമ്പത്തിക സഹായം നല്കി. മുല്ലപ്പെരിയാർ ഡാമുമായി ബന്ധപ്പെട്ട് തമിഴ്നാട് സർക്കാരുമായി കരാർ ഒപ്പിട്ട ഭരണാധികാരിയാണ് വിശാഖം തിരുനാൾ, 1885 ൽ നാടുനീങ്ങി.

10) മൂലം തിരുനാൾ രാമവർമ്മ

(ഭരണകാലം 1885-1924) ദളിത് കുട്ടികൾക്ക് സർക്കാർ സ്കൂളുകളിൽ പ്രവേശനം അനുവദിച്ചു. 1888 ൽ ശ്രീ മൂലം പ്രജാ കൗൺസിൽ ആരംഭിച്ചു. 1904 ൽ ശ്രീ മൂലം പ്രജാ സഭയും, പുരാവസ്തു വകുപ്പ് ദുർഗുണ പരിഹാര പാഠശാല എന്നിവ സ്ഥാപിച്ചു..പി രാജഗോപാലാചാരി ആയിരുന്നു ദിവാൻ, 1924ൽ മൂലം തിരുനാൾ നാടുനീങ്ങി.

11 ) പൂരാടം തിരുനാൾ സേതുലക്ഷ്മിഭായി

(ഭരണകാലം 1924-1931) ചിത്തിര തിരുനാളിന് പ്രായപൂർത്തി ആകും വരെ റീജൻ്റ് ആയി രാജ്യം ഭരിച്ചു. 

ദേവസ്വം ക്ഷേത്രങ്ങളിൽ മൃഗബലി, ദേവദാസി സമ്പ്രദായം എന്നിവ നിരോധിച്ചു. സമുദായങ്ങൾക്കിടയിൽ മരുമക്കത്തായത്തിന് പകരം മക്കത്തായ വ്യവസ്ഥ നടപ്പിലാക്കി. ഗ്രാമ പഞ്ചായത്ത് സമ്പ്രദായം നടപ്പിലാക്കി. വിമൻസ് കോളേജിനെ ഒന്നാം ഗ്രേഡ് കോളേജാക്കി ഉയർത്തി.

12 ) ചിത്തിര തിരുനാൾ ബാലരാമവർമ്മ

(ഭരണകാലം 1931-1949) ഏഷ്യയിലാദ്യമായി വധശിക്ഷ നിർത്തലാക്കിയ ഉത്തരവ് പുറപ്പെടുവിച്ച രാജാവാണ് ചിത്തിര തിരുനാൾ. തിരുവിതാംകൂറിനെ വ്യവസായവൽക്കരിച്ചതും വിദ്യഭ്യാസ മേഖലയിലും സമൂഹത്തിൻ്റെ എല്ലാ തലങ്ങളിലും വിപ്ലവകരമായ മാറ്റങ്ങൾ കൊണ്ടുവന്നതും ചിത്തിര തിരുനാൾ മഹാരാജാവാണ്. തിരുവനന്തപുരം സർവകലാശാലയുടെ സ്ഥാപകൻ. 1936 നവംബർ 12ന് ക്ഷേത്ര പ്രവേശന വിളംബരത്തിലൂടെ പുതിയ ചരിത്രമെഴുതി ചിത്തിര തിരുനാൾ. മഹാരാജാവിൻ്റെ ഉറച്ച തീരുമാനം ഒന്ന് കൊണ്ട് മാത്രമാണ് ഇത് സാധ്യമായത്. ലോകമെമ്പാടും രാജാവിൻ്റെ ഈ തീരുമാനത്തെ വാഴ്ത്തി, കേരളമൊട്ടാകെ സാമൂഹിക പുരോഗതിക്ക് വഴികാട്ടിയ അതിപ്രധാനമായ നാഴികക്കല്ലായിരുന്നു ക്ഷേത്രപ്രവേശന വിളംബരം. 1829 ൽ സതി നിരോധിച്ച ശേഷം ഭാരതം കണ്ട ഏറ്റവും വലിയ സാമൂഹിക പരിഷ്കാരമായിരുന്നു ഇത്. ക്ഷേത്രപ്രവേശന വിളംബരം നടത്തുമ്പോൾ ചിത്തിര തിരുനാളിന് 24 വയസായിരുന്നു പ്രായം. " ആധുനിക കാലത്തിൻ്റെ അത്ഭുതം' എന്നാണ് മഹാത്മ ഗാന്ധി ക്ഷേത്രപ്രവേശന വിളംബരത്തെ കുറിച്ച് പറഞ്ഞത്. 

ആധുനിക കാലഘട്ടത്തിലെ ഏറ്റവും അഹിംസാത്മകവും രക്തരഹിതവുമായ വിപ്ലവമെന്ന് സിരാജഗോപാലാചാരി.

ട്രാവൻകൂർ ടൈറ്റാനിയം പ്രൊഡക്ട്സ് (Fact)തുടങ്ങിയ വ്യവസായശാലകൾ ആരംഭിച്ചു. പള്ളിവാസൽ ജലവൈദ്യുത പദ്ധതി, റോഡ് നിർമ്മാണം, ട്രാൻസ്പോർട്ട്, ടെലിഫോൺ സർവീസുകൾ, തേക്കടി വന്യജീവി സങ്കേതം, എന്നിവ ചിത്തിര തിരുനാളിൻ്റെ നേട്ടങ്ങളാണ്. തിരുവനന്തപുരം വിമാന നിലയം, ആദ്യമായി ബോംബൈക്ക് വിമാന സർവീസ് ആരംഭിച്ചു. നിയമനിർമ്മാണ സഭ രൂപീകരിച്ചു. റേഡിയോ സ്റ്റേഷൻ ആരംഭിച്ചു. തിരുവനന്തപുരത്ത് 1937ൽ ഭൂപണയബാങ്ക് സ്ഥാപിച്ചു. തെരെഞ്ഞെടുപ്പ് നീതിപൂർവ്വം നടപ്പിലാക്കുന്നതിനായി കമ്മിഷനെ നിയമിച്ചു. സ്വാതി തിരുനാൾ സംഗീത കോളജ് സ്ഥാപിച്ചു. ശ്രി ചിത്ര ആർട് ഗ്യാലറി സ്ഥാപിച്ചു. അക്വേറിയം സ്ഥാപിച്ച് ശാസ്ത്രീയ പഠനത്തിന് വഴിയൊരുക്കി. 1934ൽ ലൈഫ് ഇൻഷുറൻസ് ഡിപ്പാർട്ട്മെൻ്റ് ആരംഭിച്ചു. പബ്ലിക് ഹെല്ത്ത് ലബോറട്ടറി പ്രവർത്തനമാരംഭിച്ചു. തൊഴിലിനു പ്രാധാന്യം നല്കി കൊണ്ട് ലേബർ കോർട്ട് സ്ഥാപിച്ചു. പ്രായപൂർത്തി വോട്ടവകാശത്തിൻ്റെ അടിസ്ഥാനത്തിൽ ഭരണ നിർമ്മാണ സമിതി ഇന്ത്യയിൽ ആദ്യമായി തിരുവിതാംകൂറിൽ രൂപികരിച്ചു. നിലവിലുള്ള നായർ ബ്രിഗേഡിൽ എല്ലാ സമുദായക്കാർക്കും പ്രവേശനാവസരം നല്കി വിപുലമാക്കി. ശ്രി ചിത്ര പുവർ ഹോം എന്ന പേരിൽ അഗതിമന്ദിരം സ്ഥാപിച്ചു. തിരുവനന്തപുരം മെഡിക്കൽ കോളേജ്, എഞ്ചിനീയറിംഗ് കോളേജ്, ആയൂർവേദ കോളേജ്, ഹോമിയോ കോളേജ്, തുടങ്ങിയ സ്ഥാപനങ്ങൾ സ്ഥാപിച്ചു. മാതൃ ശിശു രോഗ ചികിത്സയ്ക്കായി ശ്രീ അവിട്ടം തിരുനാൾ ആശുപത്രി സ്ഥാപിച്ചു. ശ്രി ചിത്തിര തിരുനാൾ ഇൻസറ്റിറ്റ്യൂട്ട് ഓഫ് സയൻസ് ആൻഡ് ടെക്നോളജിയും മറ്റനേകം ചാരിറ്റബിൾ ട്രസ്റ്റുകളും അദ്ദേഹത്തിൻ്റെ സ്വകാര്യ സമ്പത്ത് ഉപയോഗിച്ച് സ്ഥാപിച്ചു. പുരോഗമനപരവും വിപ്ലവകരവുമായ പല ഭരണപരിഷ്കാരങ്ങളും കേരളത്തിൽ നടപ്പിലാക്കിയത് ശ്രീചിത്തിര തിരുനാൾ മഹാരാജാവാണ്. സ്വാതന്ത്ര്യനന്തരം

1949 ൽ ഇന്ത്യൻ യൂണിയനിൽ ലയിച്ച് കൊണ്ട് രാജാവ് ഒപ്പുവെച്ചു. 1949 ൽ തന്നെ രാജാവ് 'രാജപ്രമുഖ് ' ആയി തിരു-കൊച്ചി സംസ്ഥാനം രൂപീകൃതമായി. 1956 നവംബർ 1ന് തിരുകൊച്ചി സംസ്ഥാനത്തെ പഴയ മദ്രാസ് സംസ്ഥാനത്തിലെ മലബാർ ജില്ലയുമായി ചേർത്ത് രാജപ്രമുഖിനു പകരം ഇന്ത്യൻ പ്രസിഡൻ്റ് നിയമിച്ച ഗവർണറുടെ ഭരണത്തിൻ കീഴിൽ കേരള സംസ്ഥാനം നിലവിൽ വന്നു. 1971 ജൂലൈ 31 ലെ ഇന്ത്യൻ ഭരണഘടനയുടെ 26ആം ഭേദഗതി പ്രകാരം ഇന്ത്യയിലെ മറ്റ് നാട്ടുരാജാക്കൻമാരോടൊപ്പം തിരുവിതാംകൂർ രാജാവിന് അതുവരെ അനുവദിച്ചിരുന്ന എല്ലാ രാജഅവകാശങ്ങളും നഷ്ടമായി. 1991 ജൂലായ് 12ന് മസ്തിഷ്കാഘാതത്തെ തുടർന്ന് 79 ആം മത്തെ വയസിൽ കേരളം കണ്ട മഹാനായ മഹാരാജാവ് ശ്രീ ചിത്തിര തിരുനാൾ നാടുനീങ്ങി.

തുടർന്ന് അദ്ദേഹത്തിൻ്റെ അനിയൻ ഉത്രാടം തിരുനാൾ മാർത്താണ്ഡവർമ രാജാവായി, 2013 ൽ അദ്ദേഹം നാടുനീങ്ങി. നിലവിൽ സഹോദരി പുത്രനായ മൂലം തിരുനാൾ രാമവർമ്മ രണ്ടാമനാണ് തിരുവിതാംകൂർ രാജപദവി അലങ്കരിക്കുന്നത്, അദ്ദഹത്തിൻ്റെ സഹോദരിമാരായ അശ്വതി തിരുനാൾ ഗൗരി ലക്ഷ്മിഭായിയും, പൂയം തിരുനാൾ ഗൗരി പാർവതി ഭായിയുമാണ് റാണിമാർ, തിരുവിതാംകൂർ ഭരണാധികാരികൾ നടപ്പിലാക്കിയ നവോത്ഥാനപരമായ ഭരണപരിഷ്കാരങ്ങളെ പിൻതുടർന്നാണ് കേരളജനാധിപത്യ ഭരണ സർക്കാർ മുന്നോട്ട് പോകുന്നത്...

കൊച്ചി രാജാക്കൻമാർ

കൊച്ചി രാജാക്കൻമാർ

തെക്ക് തിരുവിതാംകൂറിനും വടക്ക് മലബാറിനുമിടയിൽ കേരളത്തിൻ്റെ മധ്യഭാഗത്ത് സ്ഥിതി ചെയ്തിരുന്ന ചെറിയൊരു നാട്ടുരാജ്യമായിരുന്നു കൊച്ചി രാജ്യം, പെരുമ്പടപ്പുസ്വരൂപം എന്ന പേരിലാണ് ആദ്യകാലത്ത് അറിയപ്പെട്ടിരുന്നത്, ആദ്യകാല ആസ്ഥാനം പെരുമ്പടപ്പു ഗ്രാമത്തിൽപ്പെട്ട ചിത്രകൂടം കൊട്ടാരം ആയിരുന്നു, പ്രകൃതിദത്ത തുറമുഖമായ പ്രദേശം കൊച്ചാഴി എന്ന് അറിയപ്പെട്ടു, പതിനാലാം നൂറ്റാണ്ട് മുതലാണ് കൊച്ചിൻ എന്ന് പശ്ചാത്യ രാജ്യങ്ങൾ വിളിച്ചുതുടങ്ങിയത്. അങ്ങനെ കൊച്ചിയായി, ചേരമാൻ പെരുമാളിൻ്റെ സഹോദരി പുത്രനാണ് ആദ്യത്തെ കൊച്ചി രാജാവ് എന്നാണ് വിശ്വാസം, മാടരാജ്യം, ഗോശ്രീരാജ്യം, കുരുസ്വരൂപം എന്നൊക്കെ അറിയപ്പെട്ടിരുന്ന കൊച്ചി രാജ്യം പുരാതന കാലത്ത് ഇന്നത്തെ കൊച്ചി, തൃശൂർ, പാലക്കാട്, മലപ്പുറം എന്നി പ്രദേശങ്ങൾ ചേർന്നതായിരുന്നു, സാമുതിരിയുടെ ആക്രമണ ശേഷം നേർ പകുതിയായി ചുരുങ്ങി രാജ്യത്തിൻ്റെ വിസ്തൃതി, പതിനഞ്ചാം നൂറ്റാണ്ടിൽ തന്നെ രാഷ്ടിയാധിപത്യത്തിനായുള്ള വടംവലികൾ സാമൂതിരിയുടെ ഭാഗത്തു നിന്നു തുടർച്ചയായി ഉണ്ടായികൊണ്ടിരുന്നു, ഇക്കാലമായപ്പോഴെക്കും പെരുമ്പടപ്പുസ്വരൂപം മൂത്ത താവഴി, എളയ താവഴി, പള്ളുരുത്തി താവഴി, മുരിങ്ങൂർ താവഴി, ചാഴൂർ താവഴി എന്നിങ്ങനെ അഞ്ചു താവഴികളായി പിരിഞ്ഞു, ഓരോ താവഴിയിലേയും മുത്തവർ അടുത്ത രാജ അവകാശിയാകും, കണിയന്നൂർ, മുകുന്ദപുരം, തൃശൂർ, തലപ്പിള്ളി,ചിറ്റൂർ, കൊടുങ്ങല്ലുർ, കൊച്ചി എന്നി താലൂക്കുകൾ ഉൾപ്പെട്ടതായിരുന്നു ആധുനിക കൊച്ചി രാജ്യം, തൃപ്പൂണിത്തുറയായിരുന്നു ആ സ്ഥാനം, രാമവർമ്മ, രവിവർമ്മ, കേരളവർമ എന്നിവയിൽ ഏതെങ്കിലുമൊന്ന് സ്ഥാനപേരായി സ്വീകരിച്ചാണ് ഇവർ ഭരിച്ചിരുന്നത്, പേരുകൾ ഒരു പോലെയായതിനാൽ തീപ്പെട്ട സ്ഥലത്തിൻ്റെയോ, മാസത്തിൻ്റെയോ പേരിലാണ് പില്ക്കാലത്ത് ഇവരിൽ പലരും അറിയപ്പെട്ടത്, പതിനെട്ടാം നൂറ്റാണ്ടിൽ ഭരണം ഏറ്റെടുത്ത ശക്തൻ തമ്പുരാനാണ് കൊച്ചി കണ്ട ഏറ്റവും ശക്തനായ ഭരണാധികാരി, ശക്തൻ തമ്പുരാൻ മുതൽ അവസാനത്തെ രാജാവായ പരീക്ഷിത്തു തമ്പുരാൻ വരെയുള്ള ഏറ്റവും പ്രധാനപ്പെട്ട കൊച്ചി രാജാക്കൻമാരെ പരിചയപ്പെടുത്തുന്നതാണ് ഈ ലേഖനം,

1) രാമവർമ്മ ശക്തൻ തമ്പുരാൻ.

( ഭരണകാലം AD 1790- 1805)

കൊച്ചിയിലെ മാർത്താണ്ഡവർമ്മ എന്നറിയപ്പെട്ട രാമവർമ്മ ശക്തൻ തമ്പുരാനാണ് കൊച്ചിയെ കെട്ടുറപ്പുള്ള ഒരു രാജ്യമാക്കി തീർത്തത്, ഉടൻ തീരുമാനങ്ങളെടുക്കാനുള്ള കഴിവും അവ നടപ്പിലാക്കാനുള്ള ധൈര്യവുമുള്ള അദ്ദേഹം ശക്തൻ തമ്പുരാൻ എന്ന പേരിൽ പ്രസിദ്ധനായി, കേരളത്തിൻ്റെ സാംസ്കാരിക തലസ്ഥാനമായ തൃശൂരിൻ്റെ ശില്പി എന്ന് അദ്ദേഹത്തെ വിശേഷിപ്പിക്കുന്നു, തൃശൂർ പൂരം തുടങ്ങിവെച്ചത് അദ്ദേഹമാണ്, തൃശൂരിലും തൃപ്പൂണത്തുറയിലും അദ്ദേഹം കോട്ടയും കോട്ടാരവും പണികഴിപ്പിച്ചു, ചാലക്കുടിക്കടുത്തുള്ള പരിയാരം ഗ്രാമത്തിലെ കാഞ്ഞിരപ്പള്ളി കൊട്ടാരം അദ്ദേഹത്തിൻ്റെ വേനൽകാല വസതിയായിരുന്നു' (ഈ കൊട്ടാരം സർക്കാർ ഒരു പോത്തിറച്ചി സംസ്കരണ ഫാക്ടറി നിർമ്മിക്കുന്നതിനായി ഒരു കമ്പനിക്ക് വിറ്റു, സംരക്ഷിക്കപെടെണ്ട ഈ കൊട്ടാരം തകർന്നടിഞ്ഞു, ഫാക്ടറി തുടങ്ങിയതുമില്ല), ആലുവ കാഞ്ഞൂർ പള്ളിയിലേക്ക് സംഭാവന ചെയ്ത വെങ്കലത്തിൽ പണിതീർത്ത ആനവിളക്ക് ശക്തൻ തമ്പുരാൻ്റെ മതസൗഹാർദ്ദത്തിന് നേർസാക്ഷ്യം വഹിക്കുന്നു, 1805 ൽ തമ്പുരാൻ തീപ്പെട്ടു,

2 ) തുലാമാസത്തിൽ തീപ്പെട്ട തമ്പുരാൻ

(ഭരണക്കാലം 1829-1837),

1829 ൽ രാമവർമ്മ മഹാരാജാവ് കൊച്ചിയുടെ ഭരണം ഏറ്റെടുത്തപ്പോഴെക്കും ബ്രിട്ടീഷുകാർ നിയമിക്കുന്ന ' ദിവാൻ' ഭരണകാര്യങ്ങൾ നിയന്ത്രിച്ച് തുടങ്ങിയിരുന്നു, തുലാമാസത്തിൽ തീപ്പെട്ടതുകൊണ്ട് ' തുലാമാസത്തിൽ തീപ്പെട്ട തമ്പുരാൻ എന്ന് ചരിത്രകാരൻമാർ പറഞ്ഞു പോരുന്നു,

3) രാമവർമ്മ തമ്പുരാൻ

(ഭരണകാലം 1844-1851)

കൊച്ചിയുടെ ചരിത്രത്തിൽ ഉജ്വലമായ ഒന്നായിരുന്നു 1844 ൽ അധികാരത്തിൽ വന്ന രാമവർമ്മയുടെ ഭരണകാലം, കൊച്ചി ദിവാനായ ശങ്കരവാരിയർ 1845 ൽ എർണാകുളത്ത് ഒരു ഇംഗ്ലിഷ് മീഡിയം സ്കൂൾ സ്ഥാപിച്ചു, ഇതാണ് പിന്നീട് മഹാരാജാസ് കോളേജായി ഉയർന്നത്, കൊച്ചി രാജ്യത്ത് അടിമക്കച്ചവടം നിർത്തലാക്കി കൊണ്ടുള്ള രാജകീയ വിളംബരം പുറപ്പെടുവിച്ചത് രാമവർമ്മ തമ്പുരാനാണ്, 1851 ൽ അദ്ദേഹം തീപ്പെട്ടു,

4) രാജർഷി രാമവർമ്മ തമ്പുരാൻ

(ഭരണകാലം 1895-1914)

" ടൗൺ കൗൺസിലുകൾ' എന്നറിയപ്പെടുന്ന പ്രത്യേക സഭകൾ സംഘടിപ്പിച്ച ഇദ്ദേഹത്തിൻ്റെ കാലത്ത് പി രാജഗോപാലാചാരി ആയിരുന്നു ദിവാൻ, പാണ്ഡിത്വവും ഋഷിത്വവുമുള്ള രാജാവായതുകൊണ്ടാണ് രാജർഷി എന്ന പേരു ലഭിച്ചത്, ബ്രിട്ടിഷ് റസിഡൻ്റുമായുണ്ടായ അഭിപ്രായ വ്യത്യാസത്തെ തുടർന്ന് ഇദ്ദേഹം അധികാരം ഒഴിഞ്ഞു, അതു കൊണ്ട് വാഴ്ചയൊഴിഞ്ഞ തമ്പുരാൻ എന്നും ഇദ്ദേഹത്തെ വിശേഷിപ്പിക്കാറുണ്ട്, 

5) ചൊവ്വരയിൽ തീപ്പെട്ട തമ്പുരാൻ

(ഭരണകാലം 1932-1941)

ധാർമിക ചക്രവർത്തി എന്നറിയപ്പെട്ട ഇദ്ദേഹം 1932ൽ അധികാരമേറ്റെടുത്തു, കൊച്ചി വൈദ്യുതികരിച്ചത് ഇദ്ദേഹത്തിൻ്റെ കാലത്താണ്, അറബികടലിൻ്റെ റാണിയെന്ന് കൊച്ചി തുറമുഖത്തിന് പേരുകൊടുത്ത ഷൺമുഖം ചെട്ടിയായിരുന്നു ദിവാൻ, സ്റ്റാഫ് സെലക്ഷൻ ബോർഡ് സ്ഥാപിച്ചത് ഈ കാലഘട്ടത്തിലെ വിപ്ലവകരമായ ഭരണ പരിഷ്കാരമായിരുന്നു, 1941ൽ തമ്പുരാൻ തീപ്പെട്ടു, തൃപ്പൂണിത്തുറനഗരത്തിൽ ഇദ്ദേഹത്തിൻ്റെ ഒരു പ്രതിമ ഇന്നും കാണാം,

6) കേരളവർമ്മ മിടുക്കൻ തമ്പുരാൻ

(ഭരണ കാലം 1941- 1943)

രണ്ടാം ലോകമഹായുദ്ധകാലത്ത് കൊച്ചി ഭരിച്ചിരുന്ന രാജാവാണ് കേരളവർമ്മ മിടുക്കൻ തമ്പുരാൻ, വിഷ ചികിത്സയിൽ മിടുക്കനായിരുന്നതുകൊണ്ടാണ് ഈ പേരു കിട്ടിയത്, രാജാവുമായുള്ള അഭിപ്രായ വ്യത്യാസത്തെ തുടർന്ന് ദിവാൻ ഷൺമുഖം ചെട്ടി രാജിവെച്ചത് ഇക്കാലത്താണ്, സ്വതന്ത്ര ജനകീയ സംഘടനയായ 'കൊച്ചി പ്രജാ മണ്ഡലം ' ഇക്കാലത്ത് നിലവിൽ വന്നു,

7 ) രവിവർമ്മ തമ്പുരാൻ

(ഭരണകാലം 1943-1946)

ഇദ്ദേഹത്തിൻ്റെ കാലത്ത് ഭരണം പൂർണ്ണമായും ദിവാനായിരുന്ന സർ ജോർജ് ബോഗാണ് നടത്തിയിരുന്നത്, ഇക്കാലത്ത് കൊച്ചിയിലെ നിയമസഭ പിരിച്ചുവിട്ട് വീണ്ടും തെരെഞ്ഞെടുപ്പ് നടത്തി, പത്താ ക്ലാസ് പാസായവർക്കും നികുതി കൊടുക്കുന്നവർക്കും മാത്രമായിരുന്നു വോട്ടവകാശം, തിരഞ്ഞെടുപ്പിനു ശേഷം കൊച്ചിയിൽ രണ്ട് ജനകീയ മന്ത്രിമാർ കൂടി നിയമിതരായി

8) ഐക്യകേരളതമ്പുരാൻ

(ഭരണകാലം 1946-1948)

കൊച്ചിയിൽ പുതിയൊരു മന്ത്രിയെ കൂടി നിശ്ചയിക്കുകയും കൂടുതൽ വകുപ്പുകൾ ജനപ്രതിനിധികൾക്ക് കൈമാറുകയും ചെയ്ത രാജാവാണ് കേരളവർമ്മ ,കൊച്ചിയിലെ പല ക്ഷേത്രങ്ങളും എല്ലാ ഹിന്ദുക്കൾക്കുമായി തുറന്നു കൊടുത്തു, മറ്റ് നാട്ടുരാജ്യങ്ങളെ കൂട്ടി ചേർത്ത് ' ഐക്യകേരളം' നിലവിൽ വരുത്താനുള്ള ശ്രമത്തിന് തുടക്കം കുറിച്ചതുകൊണ്ട് ഐക്യകേരളതമ്പുരാൻ എന്നറിയപ്പെടുന്നു,

9 ) രാമവർമ്മ പരീക്ഷിത്ത് തമ്പുരാൻ

(ഭരണ കാലം 1948-1949)

1947 ൽ ഇന്ത്യ സ്വാതന്ത്രമായെങ്കിലും കേരള സംസ്ഥാനം അപ്പോഴും നിലവിൽ വന്നിട്ടുണ്ടായിരുന്നില്ല, ഇക്കാലത്താണ് പരീക്ഷിത്ത് തമ്പുരാൻ കൊച്ചിയുടെ രാജാവായത്, സംസ്കൃത പണ്ഡിതനായിരുന്ന ഇദ്ദേഹം ഐക്യകേരളം ഉണ്ടാക്കുന്നതിനു വേണ്ടി തൻ്റെ അധികാരവും പദവിയും ഉപേക്ഷിക്കാൻ തയ്യാറായി, തിരുവിതാംകൂറുമായുള്ള ചർച്ചകൾക്കൊടുവിൽ 1949 ജൂലായ് ഒന്നിന് തിരു-കൊച്ചി സംസ്ഥാനം രൂപം കൊണ്ടു, കൊച്ചി എന്ന രാജ്യവും രാജാവിൻ്റെ ഭരണാധികാരങ്ങളും അതോടു കൂടി ഇല്ലാതായി.

തലപ്പാറ കോട്ട

തലപ്പാറ കോട്ട

ശബരിമല പൂങ്കാവനത്തിലെ 99 മലകളുടേയും അധിപനായ ‘തലപ്പാറ മല അപ്പൻ’ തലപ്പാറ കോട്ടയിലെ മൂപ്പൻ ‘കൊച്ചുവേലൻ’

തലപ്പാറ കോട്ട , വില്ലാളീവീര എന്നിവ ശബരിമലയിലെ ആചാരങ്ങളുമായും ചടങ്ങുകളുമായും അടുത്ത ബന്ധമുള്ളവയാണ്. ഐതിഹ്യമനുസരിച്ച്, മണികണ്ഠൻ ശബരിമലയിലേക്കുള്ള യാത്രയിൽ തലപ്പാറ പ്രമാണിയായ വില്ലാളിവീരനോടൊപ്പം ഉണ്ടായിരുന്നു. മണികണ്ഠൻ അദ്ദേഹത്തെ സ്വന്തം പിതാവായി കണക്കാക്കി, അതിനാൽ പന്തളം രാജപ്രതിനിധിയെപ്പോലെ കൊച്ചുവേലൻ വംശജർക്ക് ശബരിമല പതിനെട്ടാംപടി കടക്കാൻ അനുവാദമില്ല.

മകരസംക്രമ നാളിൽ ശബരിമലയിലേക്ക് എഴുന്നള്ളിക്കുന്ന തിരുവാഭരണത്തിൽ പൂജകൾ നടത്താനുള്ള അവകാശം കൊച്ചുവേലക്കാണ്. പൂജകൾക്ക് ശേഷം മാത്രമേ കൊച്ചുവേലയെക്കൊണ്ട് തിരുവാഭരണം എടുക്കുകയുള്ളൂ. പൂജകൾ പൂർത്തിയാക്കിയ ശേഷം കൊച്ചുവേല തിരുവാഭരണ ഘോഷയാത്രയെ അനുഗമിക്കും. അദ്ദേഹം പൂജകൾ നടത്തുമ്പോൾ രാജമുദ്ര, അരമണിശങ്കു, വാൾ, വടി, തലപ്പാവ് തുടങ്ങിയ രാജകീയ ചിഹ്നങ്ങൾ ധരിക്കുന്നു.

തൻറെ ജോലികൾ പൂർത്തിയാക്കിയ ശേഷം, മണികണ്ഠൻ തൻറെ ശബരിമല യാത്രയെക്കുറിച്ച് പന്തളം രാജാവിനെ അറിയിച്ചു, ഇത് രാജാവിനെ തൻറെ മകനെക്കുറിച്ച് ആശങ്കാകുലനാക്കി. തൻറെ മകൻറെ സംരക്ഷണത്തിൽ അദ്ദേഹം വളരെ ശ്രദ്ധാലുവായിരുന്നു. തൻറെ ഗുരുക്കന്മാരിൽ നിന്ന് ഉപദേശം തേടി, 99 ഗോത്രത്തലവന്മാരെ കൊട്ടാരത്തിലേക്ക് വിളിപ്പിച്ചു. മണികണ്ഠനെ സംരക്ഷിക്കാൻ തലപ്പാറ മലയുടെ തലവനായ തലപ്പാറ മൂപ്പനെ നിയോഗിക്കാൻ എല്ലാവരും തീരുമാനിച്ചു. അദ്ദേഹത്തിന് കൊച്ചുവേല എന്ന സ്ഥാനപ്പേര് നൽകുകയും ശംഖ്, അരമണി, വാൾ, വടി, തലപ്പാവ് തുടങ്ങിയ രാജകീയ ചിഹ്നങ്ങൾ നൽകുകയും ചെയ്തു.

മണികണ്ഠന് പൂജകൾ നടത്താനും ശബരിമലയിലേക്കുള്ള യാത്രയിൽ വിശ്രമിക്കാനുമായാണ് തലപ്പാറ കോട്ട പന്തള രാജാവ് പണിതത്. കൊച്ചുവേല വംശജർ ഇന്നും ഈ ആചാരങ്ങളും അനുഷ്ഠാനങ്ങളും തെറ്റുകളില്ലാതെ പിന്തുടരുന്നു.

ശബരിമല പൂങ്കാവനത്തിലെ 99 മലകളുടേയും അധിപനായ തലപ്പാറ മല അപ്പൻറെ ആചാരാനുഷ്ഠാനങ്ങളുടെയും കൂടിയാണ് തിരുവാഭരണ സ്വീകരണവും, മലയൂട്ടും, മറ്റ് പൂജകളും നടക്കുന്നത്. മകര വിളക്കിനു മുന്നോടിയായി 99 മലകളേയും പ്രീതിപ്പെടുത്തുന്നതിനു ഒരാഴ്ചത്തെ വ്രതവിശുദ്ധിയിൽ കൂടി സ്ത്രീകൾ അടക്കമുള്ള ഭക്തർ മലയൂട്ട് പൂജക്ക് എത്താറുണ്ട്.

പ്ലാപ്പള്ളി ഫോറസ്റ്റ് സ്റ്റേഷനു സമീപം കൊടും വനത്തിലെ കോട്ടയിൽ നടക്കുന്ന പൂജയിൽ പ്രധാന കാർമ്മീകൻ ഉറഞ്ഞ് തുള്ളി മലദൈവങ്ങളെ വിളിച്ച് പ്രാർത്ഥിക്കും. മലകൾക്കു മുറുക്കാൻ വച്ച ശേഷം ശംഖ് വിളിച്ച് ദൈവങ്ങളെ ഉണർത്തും, കോട്ടയിൽ തിരിതെളിച്ച് തേങ്ങാ ഉടച്ച് ഭക്തർക്കു ഭസ്മവും നിവേദ്യവും നൽകുന്നതോടെയാണ് കോട്ടക്കുളളിലെ പടയണി പൂജകൾക്കു പര്യസമാപ്തി കുറിക്കുക.

വനത്തിൽ നിന്ന് ശേഖരിക്കുന്ന കിഴങ്ങുവർഗ്ഗങ്ങൾ തീയിൽ ചുട്ടെടുത്ത് ചെറുതേനിൽ ചാലിച്ച് തയ്യാറാക്കുന്ന നിവേദ്യം, ചണ്ണ ഇലയിലാണ് ഭക്തർക്കു നൽകുന്നത്. 

എല്ലാ മണ്ഡല-മകരവിളക്ക് കാലത്തും എല്ലാ മലയാളമാസത്തിലെയും ആദ്യദിവസങ്ങളിലും കൊച്ചുവേലൻ ഇവിടെ പൂജകൾ നടത്താറുണ്ട്. പൂജകൾ നടത്തിയ ശേഷം പന്തളം രാജാവ് അദ്ദേഹത്തിന് ഒരു ചെറിയ പണസഞ്ചി സമ്മാനമായി നൽകുന്നു. കൊച്ചുവേലൻ കോട്ടയിൽ എത്തുമ്പോൾ ആനയും നായയും കാവൽ നിൽക്കുന്നു എന്നാണ് വിശ്വാസം. പണ്ട്, വനംവകുപ്പ് ഉദ്യോഗസ്ഥരുടെ ശ്രമഫലമായി മണ്ണറക്കുളഞ്ഞി - ചാലക്കയം ഹൈവേയിൽ "പന്തളം തറ"യിൽ (പന്തളത്തെയും ശബരിമലയെയും ബന്ധിപ്പിക്കുന്ന ട്രക്ക് റൂട്ട്) പിന്നീട് പ്ലാപ്പള്ളിയിലേക്ക് മാറ്റിയ ഈ കോട്ട സ്ഥിതി ചെയ്തു. ഈ വഴി കടന്നുപോകുന്ന മിക്ക തീർത്ഥാടകരും ഇവിടെ കർപ്പൂരം കത്തിക്കുന്നു.

ശ്രീ ലക്ഷ്മി വരാഹമൂർത്തി ക്ഷേത്രം

 ശ്രീ ലക്ഷ്മി വരാഹമൂർത്തി ക്ഷേത്രം

ലോകപ്രസിദ്ധമായ ശ്രീ പത്മനാഭ സ്വാമി ക്ഷേത്രത്തോട് ചേര്‍ന്നാണ് ശ്രീവരാഹം ക്ഷേത്രം സ്ഥിതി ചെയ്യുന്നത്. തിരുവിതാംകൂര്‍ ദേവസ്വംബോര്‍ഡിന്റെ കീഴിലാണ് ക്ഷേത്രഭരണം. അയ്യായിരം വര്‍ഷത്തിലേറെ പഴക്കമുള്ളതായി വിശ്വസിയ്ക്കുന്നു. ഇന്ത്യയിലുടനീളം ശ്രീ വരാഹമൂര്‍ത്തി പ്രതിഷ്ഠയുള്ള ഇരുപത്തിമൂന്നു ക്ഷേത്രങ്ങള്‍ മാത്രമേയുള്ളൂ. കേരളത്തില്‍ വരാഹമൂര്‍ത്തി പ്രതിഷ്ഠയുള്ള മൂന്നു ക്ഷേത്രങ്ങളില്‍ പ്രധാനപ്പെട്ടതാണ് ശ്രീ വരാഹം ക്ഷേത്രം, ശ്രീ വരാഹമൂര്‍ത്തിയുടെ ഇടത്തെ തുടയില്‍ ശ്രീ മഹാലക്ഷ്മി ഉപവിഷ്ടയായിരിയ്ക്കുന്ന രീതിയിലാണ് പ്രതിഷ്ഠ.

ഉപദേവതകള്‍:

ശ്രീ ഗണപതി, ശ്രീകൃഷ്ണന്‍, ശ്രീ യക്ഷിയമ്മ, ശ്രീ നാഗരാജാവ്.

വ്യാഴാഴ്ചയാണ് ക്ഷേത്ര ദര്‍ശനത്തിനു വിശേഷപ്പെട്ട ദിവസം. ശ്രീ വരാഹമൂര്‍ത്തിയെ പ്രീതിപ്പെടുത്തിയാല്‍ വേഗം ഉദ്യോഗം ലഭിയ്ക്കുമെന്നാണ് വിശ്വാസം. ലക്ഷ്മീ ദേവിയുടെ അനുഗ്രഹത്താല്‍ സമ്പത്തും ഐശ്വര്യവും ലഭിയ്ക്കുമെന്നും വിശ്വസിയ്ക്കുന്നു.

വരാഹ പ്രീതിയ്ക്കു വരാഹമന്ത്രം:

"വരാഹ രൂപിണം ദേവം ലോക നാഥം മഹേശ്വരം മേദിന്ന്യുദ്ധാരകം

വന്ദേ രക്ഷ രക്ഷ ദയാനിധേ"

ശ്രീവരാഹം ക്ഷേത്രക്കുളം പ്രസിദ്ധമാണ്. കേരളത്തിലെ ഏറ്റവും വലിയ ക്ഷേത്രക്കുളമാണിത്. ഏകദേശം എട്ടു ഏക്കറോളം വിസ്തൃതി യുണ്ട്‌ക്ഷേത്രക്കുളത്തിന്.

ക്ഷേത്രത്തിലെ പ്രധാന വഴിപാടുകൾ ,

ഗണപതിഹോമം, അഷ്ടോത്തരഅര്‍ച്ചന, ത്രിമധുരം, പാല്‍പ്പായസം, ഉണ്ണിയപ്പം, തുലാഭാരം തുടങ്ങിയവ ആണ് 

മീനമാസത്തിലുള്ള വരാഹജയന്തിയും പൈങ്കുനി ഉത്സവവുമാണ് പ്രധാന ഉത്സവങ്ങള്‍

രാവിലെ ‪5.00 am‬ ‪11.00 am‬

വൈകുന്നേരം ‪5.00 pm‬ ‪8.15 pm ക്ഷേത്രത്തിൽ ദർശനസമയമാണ്.

നഗര ഹൃദയമായ തമ്പാനൂര്‍ നിന്നും ഒന്നര കിലോമീറ്റര്‍ അകലത്തില്‍ ക്ഷേത്രം സ്ഥിതിചെയ്യുന്നു. ഇവിടെനിന്നും ക്ഷേത്രത്തിലേയ്ക്ക് ബസ് സൗകര്യം ലഭ്യമാണ്.

ഉദയനാപുരം സുബ്രഹ്മണ്യസ്വാമി ക്ഷേത്രം

ഉദയനാപുരം സുബ്രഹ്മണ്യസ്വാമി ക്ഷേത്രം

കേരളത്തിലെ അതി പ്രസിദ്ധമായ സുബ്രഹ്മണ്യസ്വാമിക്ഷേത്രങ്ങളിലൊന്നാണ് ഉദയനാപുരം സുബ്രഹ്മണ്യസ്വാമിക്ഷേത്രം. കോട്ടയം ജില്ലയിൽ ക്ഷേത്രനഗരമായ വൈക്കത്തിനടുത്തുള്ള ഉദയനാപുരം എന്ന ഗ്രാമത്തിലാണ് ക്ഷേത്രം സ്ഥിതിചെയ്യുന്നത്. പ്രസിദ്ധമായ വൈക്കം ശിവക്ഷേത്രവുമായും കുമാരനല്ലൂർ ഭഗവതീക്ഷേത്രവുമായും അടുത്ത ബന്ധമുള്ള ക്ഷേത്രമാണിത്.

 ഇവിടത്തെ പ്രധാനപ്രതിഷ്ഠയായ സുബ്രഹ്മണ്യസ്വാമി വൈക്കം ക്ഷേത്രത്തിലെ മഹാദേവന്റെ പുത്രനാണെന്നാണ് വിശ്വാസം. എല്ലാ വർഷവും വൃശ്ചികമാസത്തിൽ വൈക്കത്തഷ്ടമി ദിവസം ഇവിടത്തെ സുബ്രഹ്മണ്യൻ പിതാവിനെ കാണാൻ വൈക്കത്തെത്തുന്നു. ഇരുവരും ഒന്നിച്ചുള്ള എഴുന്നള്ളത്തുകൾ ഈ ദിവസത്തെ വിശേഷമാണ്. വൃശ്ചികമാസത്തിൽ തന്നെയാണ് ഇവിടത്തെ ക്ഷേത്രോത്സവവും. രോഹിണി ആറാട്ടായി പത്തുദിവസം വരുന്ന ഈ ഉത്സവത്തിന്റെ ഒമ്പതാം ദിവസമായ തൃക്കാർത്തിക ഇവിടെ വിശേഷമാണ്. കൂടാതെ തൈപ്പൂയം, സ്കന്ദഷഷ്ഠി തുടങ്ങിയവയും ഗംഭീരമായി ആചരിച്ചുവരുന്നു. തിരുവിതാംകൂർ ദേവസ്വം ബോർഡിന്റെ കീഴിലാണ് ക്ഷേത്രം.

ഒരു ചേരരാജാവ് കോട്ടയത്തിനടുത്ത് ഇന്ന് കുമാരനല്ലൂർ എന്നറിയപ്പെടുന്ന സ്ഥലത്ത് സുബ്രഹ്മണ്യസ്വാമിയ്ക്കും വൈക്കത്തിനടുത്ത് ഇന്ന് ഉദയനാപുരം എന്നറിയപ്പെടുന്ന സ്ഥലത്ത് ഭഗവതിയ്ക്കുമായി ഓരോ ക്ഷേത്രം പണിയാൻ തീരുമാനിച്ചു. അങ്ങനെ പണി നടത്തുന്നതിനിടയിൽ ഒരു ദിവസം അദ്ദേഹത്തിന് ഒരു സന്ദേശം കിട്ടി. പ്രസിദ്ധമായ മധുര മീനാക്ഷി ക്ഷേത്രത്തിലെ മൂക്കുത്തി മോഷണം പോയെന്നായിരുന്നു സന്ദേശം. കോപാന്ധനായ രാജാവ് ഉടനെ അവിടത്തെ പൂജാരിയെ വിളിച്ചുവരുത്തി മൂക്കുത്തി സമയത്തിന് മടങ്ങിയെത്തിയില്ലെങ്കിലത്തെ ഭവിഷ്യത്തുക്കളെപ്പറ്റി ഓർമ്മിപ്പിച്ചു. തീർത്തും ദുഃഖിതനായ പൂജാരി താൻ ചെയ്യാത്ത തെറ്റിന് തനിയ്ക്ക് വിധിച്ചിരിയ്ക്കുന്ന ശിക്ഷയിൽ നിന്ന് തന്നെ രക്ഷിയ്ക്കാൻ മധുര മീനാക്ഷിയെ ശരണം പ്രാപിച്ചു, തുടർന്നുള്ള നാല്പതുദിവസം വേദനയോടെ തള്ളിനീക്കി.

നാല്പതാം ദിവസം രാത്രി ഉറക്കത്തിനിടയിൽ പൂജാരിയ്ക്ക് ദേവിയുടെ സ്വപ്നദർശനമുണ്ടായി. എത്രയും പെട്ടെന്ന് അദ്ദേഹത്തോട് സ്ഥലം വിടാനായിരുന്നു സ്വപ്നദർശനത്തിലെ കല്പന. കണ്ണുതുറന്നുനോക്കിയ പൂജാരി ചുറ്റും നോക്കിയപ്പോൾ അഭൗമമായ ഒരു തേജസ്സ് ആകാശമാർഗ്ഗം കടന്നുപോകുന്നത് കണ്ടു. അതിനെ പിന്തുടർന്ന് ഏറെ ദൂരം യാത്ര ചെയ്ത അദ്ദേഹം ഒടുവിൽ എത്തിച്ചേർന്നത് അപ്പോൾ സുബ്രഹ്മണ്യസ്വാമിയ്ക്കായി പണി നടക്കുന്നുണ്ടായിരുന്ന ക്ഷേത്രത്തിലാണ്. തേജസ്സ് ശ്രീകോവിലിൽ പ്രവേശിച്ച ഉടനെ ആകാശത്തുനിന്ന് ഒരു അശരീരി മുഴങ്ങി: 'കുമാരനല്ല ഊരിൽ'. ഇതാണ് 'കുമാരനല്ലൂർ' ആയതെന്നാണ് വിശ്വാസം. പണിക്കാർ സ്തബ്ധരായി. അവർ വിവരം രാജാവിനെ അറിയിച്ചു. തുടർന്ന് അദ്ദേഹം ക്ഷേത്രത്തിലെത്തി അവിടെ പ്രതിഷ്ഠിയ്ക്കാൻ വിചാരിച്ച സുബ്രഹ്മണ്യവിഗ്രഹവുമെടുത്തുകൊണ്ട് ഉദയനാപുരം ലക്ഷ്യമാക്കി പുറപ്പെട്ടു. തുടർന്ന് ഒരു ശുഭമുഹൂർത്തത്തിൽ അദ്ദേഹം അവിടെ വിഗ്രഹം പ്രതിഷ്ഠിയ്ക്കുകയും ചെയ്തു. അങ്ങനെയാണ് ഭഗവതിയ്ക്കായി പണിത ക്ഷേത്രത്തിൽ സുബ്രഹ്മണ്യസ്വാമി കുടികൊണ്ടത്. ഈ സംഭവത്തെ അനുസ്മരിച്ച് ഇന്നും ശ്രീകോവിലിന്റെ തെക്കുവശത്ത് കുമാരനല്ലൂരമ്മയെ സങ്കല്പിച്ച് ഭഗവതിസേവ നടന്നുവരുന്നുണ്ട്

ഉഡുപ്പി കണ്ണൻ

ഉഡുപ്പി കണ്ണൻ

    

ശ്രീകോവിലിൽ പിന്തിരിഞ്ഞിരിക്കുന്ന ഒരേ ഒരു പ്രതിഷ്ഠ ഉഡുപ്പി കൃഷ്ണന്റ മാത്രമേ ഉള്ളൂ . ഇവിടെ കൃഷ്ണൻ ഒരു കുട്ടിയായി, കൈയ്യില്‍ തയിരു കലക്കുന്ന മത്തും എടുത്തു കൊണ്ടു നില്‍ക്കുന്ന രൂപമാണ്.

'ദിഗ്വാസസം കനക ഭൂഷിത ഭൂഷിതാംഗം'

പറയുന്ന സുന്ദര രൂപം.

അരയില്‍ ഒരു പട്ടുകോണകം പോലും ഇല്ല. എന്നാലോ യശോദ അണിയിച്ചിട്ടുള്ള ആഭരണങ്ങള്‍ എല്ലാം അണിഞ്ഞിട്ടും ഉണ്ട്. ശ്രീകോവിലിന്റെ പിന്നിലെ

കിളിവാതിലിലൂടെ സ്വർണ്ണാലങ്കാരങ്ങളാൽ മൂടി വിടര്‍ന്ന കണ്ണുകളോടെ നില്‍ക്കുന്ന കരിങ്കറുപ്പനായ കൃഷ്ണനെ കാണാൻ എന്തു ഭംഗ്യാന്നോ?

എന്തിനാ കണ്ണൻ ഇങ്ങിനെ തിരിഞ്ഞു നിന്നത് ന്നറിയാമോ?

ഭക്തിയുടെ മഹത്വവും കണ്ണന്റെ ഭക്തവാത്സല്യവും മനസ്സിലാക്കിത്തരുന്ന ഒരു സംഭവം ഇതിനു പിന്നിലുണ്ട്.

അബ്രാഹ്മണനായ കനകദാസര്‍ തികഞ്ഞ കൃഷ്ണ ഭക്തനായിരുന്നു. അദ്ദേഹത്തിന് ക്ഷേത്രത്തില്‍ പോയി കണ്ണനെ കാണണമെന്ന് അടക്കാനാവാത്ത ആഗ്രഹം തോന്നി. പക്ഷേ എന്താ ചെയ്യാ? അയിത്തം കല്പിച്ച കീഴ്ജാതിക്കാർ

ക്ഷേത്രത്തിനു മുന്നിലെ വഴിയിൽപ്പോലും

വരാൻ പാടില്ലാത്ത കാലമായിരുന്നു അത്. അദ്ദേഹം എന്നും ക്ഷേത്രത്തിന്റെ പുറകിലിരുന്ന് കണ്ണനെ മനസ്സിൽ കണ്ട് കീർത്തനങ്ങൾ പാടുക പതിവായിരുന്നു. ഒരോ ദിവസം കഴിയും തോറും അദ്ദേഹത്തിന് കണ്ണനെ കാണാനുള്ള കൊതി കൂടിക്കൂടി വന്നു. ഒരു ദിവസം അദ്ദേഹം ഹൃദയം പൊട്ടുന്ന സങ്കടത്തോടെ പാടി

"കൃഷ്ണാ നീ ബേഗനെ ബാരോ...’

ബേഗനേ ബാരോ മുഖവന്നീ തോരോ'

കൃഷ്ണാ നീ വേഗം വരൂ

വേഗം വരൂ, ആ തിരുമുഖം ഒന്ന് കാണിയ്ക്കൂ

കാലലന്ദിഗേ ഗജ്ജെ നീലദ ബാവുലി നീലവർണ്ണനെ നാട്യവാടുത്ത ബാരോ

കാലിൽ പാദസരമിട്ട്, നീല നിറമുള്ള കൈവളയിട്ട്, നീലവർണ്ണാ നൃത്തം ചെയ്തുകൊണ്ടു വരൂ

ഉടിയല്ലി ഉടിഗജ്ജെ,ബെരളല്ലി ഉങ്ങുര;

കോരളോളൂ ഹാകിദ വൈജയന്തി മാലേ

അരയിൽ മണികെട്ടിയ അരഞ്ഞാണമിട്ട് വിരലിൽ മോതിരമിട്ട് കഴുത്തിൽ വൈജയന്തി മാല ഇട്ടുകൊണ്ടു വരൂ

കാശീ പീതാംബര കൈയ്യല്ലി കൊളലു മെയ്യോളൂ പൂസീത ശ്രീഗന്ധ ഗമഗമ

കാശി മഞ്ഞപ്പട്ടുടുത്ത് കയ്യിൽ ഓടക്കുഴൽ പിടിച്ച് ദേഹത്ത് പൂശിയ ചന്ദനഗന്ധവുമായി വരൂ

( കാശിയിലെ പട്ട് അതി വിശേഷമാണ്)

തായികേ ബായല്ലീ മുജ്ജഗവന്ന തോരോ ജഗദോദ്ദാരകാ നമ്മ ഉഡുപ്പീ ശ്രീകൃഷ്ണാ

വാ തുറന്നു മൂവുലകവും അമ്മയെ കാണിച്ച ഉഡുപ്പിയിലുള്ള ജഗദോദ്ധാരകനായ ശ്രീകൃഷ്ണാ വരൂ

അവസാനത്തെ വരി പാടിയതും അദ്ദേഹം കരഞ്ഞുപോയി. തന്റെ കുഞ്ഞി വായ്ക്കുള്ളിൽ സർവ്വപ്രപഞ്ചവും കാണിച്ചുകൊടുത്ത കണ്ണാ ഈ ജഗത്തിനെ ഉദ്ധരിക്കുന്ന നിനക്ക് എന്റെ മുന്നിൽ ഒന്നു വരാൻ എന്താണ് പ്രയാസം? എന്നിട്ടും വന്നില്ലല്ലോ എന്ന ഒരു പരിഭവം കൂടി ഈ വരികളിൽ ഉണ്ട്. ആ ഭക്തന്‍റെ സങ്കടം സഹിക്കാൻ വയ്യാതായപ്പോൾ കണ്ണനും ഭക്തവാത്സല്യത്താൽ തളർന്നുപോയി. പെട്ടെന്ന് കണ്ണൻ പുറകിലേക്ക് തിരിഞ്ഞു. തന്റെ കൈയിലുള്ള മത്തു കൊണ്ടു ചുവരില്‍ ദ്വാരങ്ങൾ ഉണ്ടാക്കി കനകദാസര്‍ക്ക്‌ ദര്‍ശനം നല്‍കി. പിന്നീട് ആ വിഗ്രഹത്തെ പഴയതുപോലെ

തിരികെ വയ്ക്കാൻ ആർക്കും ധൈര്യം വന്നില്ല. അതുകൊണ്ട് ശ്രീകോവിലിൽ പിന്തിരിഞ്ഞിരിക്കുന്ന ഉഡുപ്പി കൃഷ്ണൻ ഭക്തവാത്സല്യത്തിന്റെ പ്രതീകമായി ഇന്നും നിലകൊള്ളുന്നു..