ആരുഷേയം പൗരുഷേയം
വേദ പാരമ്പര്യമനുസരിച്ച് ബ്രാഹ്മണരെ രണ്ടായി തരം തിരിച്ചിരിക്കുന്നു, ആരുഷേയ ബ്രാഹ്മണർ എന്നും പൗരുഷേയ ബ്രാഹ്മണർ എന്നും, വസിഷ്ഠൻ മുതലായ സപ്ത ഋഷികളുടെ പരമ്പരയിൽ വരുന്ന പുരോഹിതവർഗ്ഗം ആരുഷേയർ എന്നും, മനു തുടങ്ങി പഞ്ചഋഷികളുടെ പരമ്പരയിൽ വരുന്ന ശില്പിവർഗ്ഗം പൗരുഷേയർ എന്നും അറിയപെടുന്നു, പുരാണപ്രകാരം ബ്രഹ്മാവിൻ്റെ മുഖത്തു നിന്ന് ബ്രാഹ്മണരും (ആരുഷേയം), വിശ്വബ്രഹ്മത്തിൻ്റെ മുഖത്തു നിന്ന് വിശ്വകർമ്മജരും (പൗരുഷേയം) ഉണ്ടായതായി സങ്കല്പം.
ബ്രാഹ്മണ കുലത്തിലെ ഓരോ ജാതിക്കും പ്രത്യേക ഗോത്ര, സൂത്ര, വംശ, പ്രവരനാമങ്ങൾ ഉണ്ട്,,
ശർമ്മ, ശാസ്ത്രി, ആചാരി എന്നിങ്ങനെയുള്ള സ്ഥാനനാമങ്ങൾ പൊതുവായി ഉപയോഗിക്കുന്നവരാണ് ഭാരതത്തിലെ എല്ലാ ബ്രാഹ്മണരും, എന്നാൽ സംസ്ഥാനങ്ങളിലെ ഭാഷാ അടിസ്ഥാനത്തിൽ ജാതിപ്പേരുകൾ മാറ്റമുണ്ടാകും, ഉദാ. കേരളത്തിൽ നമ്പൂതിരി, തമിഴ്നാട് അയ്യർ, തെലുങ്ക് റാവു, കന്നടത്തിൽ ഭട്ട്.... എന്നാലും കേരളത്തിലെ നമ്പൂതിരിമാർ ഒഴിച്ച് എല്ലാവരും മുകളിൽ പറഞ്ഞ മൂന്ന് സ്ഥാനനാമങ്ങളും ഉപയോഗിക്കുന്നവരാണ് )
"ബ്രാഹ്മണനാം കുലംപൂർവ്വം
ദ്യൊതകർമ്മ വിരചിത:
ആരുഷേയം പൗരുഷേയം
ചകർമ്മ ജൻമവിശേഷത:
ആരുഷേയം ഋഷി ഗോത്രശു -
വസിഷ്ഠാനാം ഋചേത്ഭവ
ജൻമനാ ജായതേ ശൂദ്ര
കർമണാ ജായതേ ദ്വിജ
വേദ പഠനവിപ്രാസ്വാത്
പുരുഷ്യസ്യമുഖോത്ഭവ പൗരുഷേയം
ഇതിഖ്യാതം പഞ്ച ഗോത്രം മഹത് കുല:
(ബ്രഹ്മാണ്ഡപുരാണത്തിൽ ബ്രാഹ്മണരെ രണ്ടായി തിരിച്ച് വർണിക്കുന്ന ഭാഗം)
കേരളത്തിലെ ബ്രാഹ്മണരായ നമ്പൂതിരിമാർ ഒഴിച്ച്ഭാരതത്തിലെ എല്ലാ ഭാഗത്തുള്ള ആരുഷേയ/പൗരുഷേയ ബ്രാഹ്മണരും ഒരേ ആചാരനുഷ്ടാനങ്ങൾ പിൻതുടരുന്നവരാണ്, ഇന്ത്യയിലെ മറ്റ് ബ്രാഹ്മണ ജാതികളിൽ നിന്ന് വ്യത്യസ്തമാണ് നമ്പൂതിരിമാരുടെ ആചാരങ്ങളും അനുഷ്ടാനങ്ങളും വിവാഹകർമ്മവും, കേരളം ഒഴിച്ച് ഇന്ത്യയിലെ എല്ലാ ആരുഷേയ/പൗരുഷേയ ബ്രാഹ്മണർക്കും പിൻ കുടുമിയാണ്, എന്നാൽ നമ്പൂതിരിമാർക്ക് മുൻകുടുമിയാണ്.
ആചാരം കൊണ്ട് മറ്റുള്ളവരിൽ നിന്ന് വേറിട്ടുനിക്കുമ്പോഴും സമ്പത്ത് കൊണ്ടും പ്രധാപം കൊണ്ടും വളരെയേറെ മുന്നിട്ടുനിക്കുന്നു കേരളത്തിലെ ബ്രാഹ്മണരായ നമ്പൂതിരിമാർ.
യജ്ഞോപവീതം (പൂണുനൂൽ) ധരിക്കുന്നതിലും നമ്പൂതിരിമാർ വേറിട്ടു നില്ക്കുന്നു, മറ്റുള്ളവർക്ക് പൂണുനൂലിൽ ഒൻപത് ഇഴകൾ ഉണ്ടാകും, 7, 9 വയസ് തൊട്ട് 21 വയസ് വരെ ഉപനയനം ചെയ്യാൻ സമയമുണ്ട്, ആദ്യം മൂന്ന് നൂലും, പിന്നീട് വിവാഹശേഷം മൂന്നു നൂലു കൂടി കൂട്ടി ചേർക്കുകയും, സന്താനഭാഗ്യത്തിന് ശേഷം വീണ്ടും മൂന്നു നൂലു കൂടി കൂട്ടി ചേർത്ത് അങ്ങനെ ഒൻപത് നൂലുകൾ ഉണ്ടാകും, എന്നാൽ നമ്പൂതിരിമാർക്ക് മൂന്ന് നൂല് മാത്രമാണ് ഉണ്ടാകുന്നത്, ആ മൂന്ന് നൂലുകൾ വേദാധികാരം, യജ്ഞാധികാരം, മന്ത്രാധികാരം എന്നിവയെ സൂചിപ്പിക്കുന്നു,
എല്ലാ വർഷം ആവണി അവിട്ടത്തിന് പൂണൂ നൂൽ മാറി പുതിയ നൂല് ധരിക്കുന്നു മറ്റ് ബ്രാഹ്മണർ, എന്നാൽ നമ്പൂതിരിമാർക്ക് ആവണി അവിട്ടം ചടങ്ങ് ഇല്ല, നൂല് മുഷിയുമ്പോൾ അല്ലെങ്കിൾ പുല വാലായ്മ സമയങ്ങളിൽ മാത്രമാണ് നമ്പൂതിരിമാർ പൂണൂനൂല് മാറുന്നത്.
പഴയ കാലത്ത് കേരളഭൂമിയുടെ അവകാശികൾ ജൻമിമാർ നമ്പൂതിരിമാർ ആയിരുന്നു, എന്നാൽ കേരളം ഒഴിച്ച് മറ്റ് പ്രദേശങ്ങളിലെ ബ്രാഹ്മണർ സ്വന്തമായി ഭൂമിയില്ലാത്തവരും, അതത് ദേശങ്ങളിൽ രാജാക്കൻമാർ പണി കഴിപ്പിച്ച് കൊടുത്ത അഗ്രഹാരങ്ങളിൽ വളരെ സാധുക്കളായി ക്ഷേത്ര പൂജകൾ ചെയ്ത് എളിമയിൽ ജീവിക്കുന്നവരാണ്, നിത്യ ക്ഷേത്ര പൂജ ഇല്ലാത്തവർ ക്ഷത്രിയ / വൈശ്യ ഭവനങ്ങളിൽ ഭിക്ഷയെടുത്താണ് ജീവിക്കുക, തമിഴ് നാട്ടിൽ എല്ലാം ഇന്നും പഴയപോലെ ഭിക്ഷയെടുത്ത് ജീവിക്കുന്ന അയ്യർ മാരെ കാണാം, അതു കൊണ്ട് തന്നെ ബ്രാഹ്മണർക്ക് ദാനം കൊടുക്കുക എന്നത് പുണ്യകർമ്മമാണ് (കേരളത്തിൽ അതിൻ്റെ ആവശ്യം വരുന്നില്ല, കേരളത്തിലെ സ്ഥിതി വേറെയാണ്).
പല നൂറ്റാണ്ടുകളിലായി ആരുഷേയ - പൗരുഷേയ ബ്രാഹ്മണർക്കിടയിൽ ബ്രാഹ്മണ്യ തർക്കം ഉണ്ടായിട്ടുണ്ട്, 1818 ൽ പഴയ മദ്രാസ് റെസിഡൻസിയിലെ ചിറ്റൂരിൽ ഉണ്ടായ തർക്കമാണ് ഏറ്റവും ശ്രദ്ധേയമായത്, തർക്കം ചിറ്റൂർ ബ്രിട്ടിഷ് കോടതിയിൽ വരികയും രണ്ട് കൂട്ടർക്കും തുല്യ അവകാശം എന്ന് കോടതി വിധിക്കുകയും ചെയ്തു, ചിറ്റൂർ അദാലത്ത് എന്ന പേരിൽ ഈ സംഭവം അറിയപ്പെടുന്നു, ഇപ്പോഴും ചില സംസ്ഥാനങ്ങളിൽ ഈ തർക്കം തുടർന്നും കാണുന്നുണ്ട്.
വിവാഹ ചടങ്ങുകളിൽ ചെറിയൊരു വ്യത്യാസം ഒഴിച്ചാൽ ബാക്കി എല്ലാ നമ്പൂതിരിമാരും മറ്റ് ബ്രാഹ്മണരും ഒരുപോലെ തന്നെയാണ്, നമ്പൂതിരിമാർക്ക് ഏഴ് ദിവസമാണ് വിവാഹ ചടങ്ങ്, മറ്റുളളവർക് എട്ട് അല്ലെങ്കിൾ പത്ത് ദിവസം ചടങ്ങ് ഉണ്ട്.
താലി മഞ്ഞ ചരടിൽ കോർത്ത് കെട്ടുന്നതാണ് ബ്രാഹ്മണിക്കൽ രീതി, ഇന്ന് ഇത് എല്ലാവരും അനുകരിക്കുന്നുണ്ട്, കേരളത്തിലെ മറ്റ് സമുദായങ്ങളിൽ താലികെട്ടുന്ന ചടങ്ങ് ഉണ്ടായിരുന്നില്ല, അവർക്ക് പുടമുറി കല്യാണം ആയിരുന്നു, നിലവിളക്കിനും നിറപറക്കും മുന്നിൽ ഇരുന്ന് വരൻ വധുവിന് പുടവ കൊടുക്കുന്നതോടെ വിവാഹം കഴിയും, പുരോഹിതൻ്റെയും മറ്റ് കർമ്മങ്ങളുടെയോ ആവശ്യം ഇതിനില്ല, സ്വാതന്ത്ര്യനന്തരം ഹൈന്ദവ വിവാഹ ഏകീകരണത്തിൻ്റെ ഭാഗമായി ഒരു പുരോഹിതൻ്റെ നേതൃത്വത്തിൽ വരൻ വധുവിനെ ആലിലതാലി ചാർത്തുന്ന ചടങ്ങാണ് ഇന്ന് പൊതുവായി കണ്ടുവരുന്നത്,
ബ്രാഹ്മണിക്കൽ വിവാഹം - ഏഴ് ദിവസം നീണ്ട് നില്ക്കുന്ന ചടങ്ങുകൾ നേരിൽ കണ്ട് മാത്രമെ മനസിലാക്കാൻ കഴിയു,
ബ്രാഹ്മണ കുലത്തിലെ ഓരോ ജാതിക്കും അവരുടെ ഗോത്രം അനുസരിച്ച് മംഗല്യസൂത്രത്തിന് മാറ്റം ഉണ്ടാകും, എല്ലാ ബ്രാഹ്മണർക്കും ഒരു താലി അല്ല, ഗോത്രമനുസരിച്ച് ഗജമുഖത്താലി, ശിവലിംഗത്താലി, നാഗപടത്താലി .... എന്നിങ്ങനെ മാറ്റം കാണാം,
താലികെട്ടിന് ശേഷം വരനും വധുവും പരസ്പരം തുളസിമാലയും പൂമാലയും അണിയിക്കുന്നു, അതിനു ശേഷം കന്യാദാനം, വധുവിൻ്റെ അച്ചൻ പെൺകുട്ടിയുടെ കൈപിടിച്ച് വരൻ്റ കൈയ്യിൽ വെച്ച് കൊടുക്കുന്നു.
കന്യാദാനത്തിന് ശേഷം പാണിഗ്രഹണം, വരനും വധുവും കൈ ചേർത്ത് പിടിച്ച് പുരോഹിതർ ചൊല്ലുന്നമന്ത്രം ഏറ്റ് ചൊല്ലുന്നു,
പാണിഗ്രഹണത്തിന് ശേഷം സപ്തപതി,
ദമ്പതികൾ അഗ്നിയെ ഏഴ് തവണ വലംവയ്ക്കാന്നു, വസ്ത്രമോ ചരടോതമ്മിൽ ഒരുമിച്ച് കെട്ടിയിട്ടുണ്ടാകും.
സപ്തപതിക്ക് ശേഷം അശ്മരോഹണം,
വധുവിൻ്റെ കാൽ അമ്മിക്കല്ലിൽ ചവിട്ടിക്കുന്നു, കാൽവിരലുകളിൽ രണ്ട് വെളളി മോതിരം വരൻ അണിയിക്കുന്നു, ഇതിനെ ' മിഞ്ചി' എന്ന് പറയും,
അതിനു ശേഷം ലാജഹോമം,
അമ്മിച്ചവിട്ടിയ ശേഷം ഉണക്കലി ഉപയോഗിച്ച് ഹോമം നടത്തുന്നു
വധു വരൻ്റ വീട്ടിലേക്ക് പോകുന്ന ചടങ്ങാണ് ഗൃഹപ്രവേശം, കേരളത്തിൽ വിശ്വബ്രാഹ്മണർ ഏഴുവരി പാത്ര കൈമാറ്റത്തോടെയാണ് ഈ ചടങ്ങ് നടത്തുന്നത്.
ബ്രാഹ്മണ വിവാഹ ചടങ്ങിൽ കേരള ബ്രാഹ്മണരിൽ മാത്രം ഉള്ള ഒരു ആചാരമാണ് വധുവിനെ അച്ചനാണ് മംഗല്യസൂത്രം അണിയിക്കുന്നത്,
(ഭക്തി, എളിമ, സഹജീവികളോട് കരുണ, സ്നേഹം, ശാസ്ത്രജ്ഞാന അറിവ്, ബുദ്ധി, പാണ്ഡിത്വം എന്നിവയാണ് ബ്രാഹ്മണൻ്റെ ലക്ഷണങ്ങൾ, ഈ ഗുണങ്ങൾ ഉള്ള ഏതൊരു വ്യക്തിയും കർമ്മം കൊണ്ട് ബ്രാഹ്മണനാണ്)