തോട്ടീ പ്രയോഗം മർമ്മ പ്രയോഗം

തോട്ടീ പ്രയോഗം മർമ്മ പ്രയോഗം

ആനത്തോട്ടി: പല സ്ഥലങ്ങളിലും പല ആകൃതിയിലാണ് കണ്ടു വരുന്നത് - ബീഹാർ തുടങ്ങിയ സ്ഥലങ്ങളിൽ ഇതിന് അങ്കുശം എന്നു പറയുന്നു - നിയന്ത്രിക്കുന്ന ആയുധം' ലളിതാസഹസ്രനാമത്തിൽ "ക്രോധാ കാരാങ്കുശോജ്വലാം " എന്നാണ് അങ്കുശത്തെ വിശേഷിപ്പിക്കുന്നതു് - കവിവാക്യം - :: അങ്കുശമില്ലാത്ത ചാപല്യമേ നിന്നെ അങ്കന എന്നു വിളിച്ചോെട്ടെ......

തോട്ടി നാലു വിധം -
ചന്ദ്രക്കല,
കൈതമുള്ള്, .
വജ്റം,
കൈനഖം

എന്നിങ്ങനെ 4 തരം - ഇപ്പോൾ കൈതച്ചുള്ളാണ്ട് ഉള്ളത് - ശ്രീലങ്കയിൽ വലിയ കോലുപോലിരിക്കും അതിൽ അങ്കുശവും പിടിപ്പിച്ചിരിക്കും -
ഏതു പയോഗിച്ചാലും ആനക്കു് വേദനിക്കാനേ പാടുള്ളു. ക്ഷതം ഉണ്ടാകാൻ പാടില്ല എന്നു ഗജ ശാസ്ത്രം പറയുന്നുണ്ട്-

പുരാണത്തിൽ തോട്ടിയുടെ ഉൽഭവ കഥ ഇങ്ങിനെയാണ് - അതിശക്തന്മാരും ഭയങ്കരന്മാരുമായി ഗജങ്ങൾ തീർന്നു - ഇവരുടെ ഉപദ്രവത്താൽ വിഷമിക്കുന്ന ജനങ്ങളുടെ ദുഃഖങ്ങൾക്കു് പരിഹാരമുണ്ടാക്കുന്നതിനായി സുബ്രഹ്മണ്യൻ ബ്രഹ്മദേവനെ സമീപിച്ചു. ബ്രഹ്മദേവൻ ഉടൻ ലോക രക്ഷാർത്ഥം ഒരു പുരുഷനെ സൃഷ്ടിച്ചു - ഉരുണ്ടു ചുവന്നു വലുതായ കണ്ണൂകളും' വെളുത്തു വളഞ്ഞ ദംഷ്ട്രങ്ങളും ഉണ്ടായി, കിരീടവും ധരിച്ച് കയ്യിൽ വിശിഷ്ടമായ അങ്കുശം എന്ന ഒരു ആയുധം ധരിച്ച് അവതരിച്ചു - അവന്റെ സ്വരൂപം -തോട്ടി ചന്ദ്രക്കലാകാരമായിട്ടും കൈതമുള്ളൂ പോലെയും വജ്രത്തിന്റെ പകുതി പോലെയും വ്യാഘ്ര നഖം പോലെയും ആയിരുന്നു - ഇനി മുതൽ അങ്കുശ ത്തിൽ പ്രവേശിച്ചിരുന്ന് - മത്തന്മാരായിട്ടും, അക്രമികളായിട്ടും ഉള്ള ഗജങ്ങളെ അമർത്തി ലോക രക്ഷ ചെയ്യാം എന്ന് അദ്ദേഹം അനുഗ്രഹിച്ചു. എന്നു പുരാണം' ''...

ഗജ ശാസ്ത്ര പ്രകാരം ആനയുടെ ശരീരത്തിൽ 107 മർമ്മങ്ങൾ ഉണ്ട് -
ഒരോ കാലിൽ 11 വീതം - 44
അടിവയറ്റിൽ.'' -3
മാറിൽ - 9
പിൻപുറം - 14
കഴുത്തിൽ - 12
ശിരസ്സിൽ - 25
എന്നിങ്ങനെയാണു് മർമ്മങ്ങൾ മഹർഷി നിശ്ചയിച്ചിരിക്കുന്നതു് '''..

മസ്തകത്തിന് കുഭം എന്നു പേരു് - അവിടെ മുറിവേൽപ്പിക്കരുത് - മസ്തകം രണ്ടിന്റെയും നടുവിൽ താണ സ്ഥലത്തിന് വിദു എന്നു പറയും- അവിടെ തോട്ടിവയ്ക്കാം -മുറിയരുതു് - അതിന്റെ നേരെ താഴെ അവഗ്രഹം, അവിടെതല്ലാം - മൂർച്ച വയ്ക്കരുതു് - മസ്തകം രണ്ടിന്റെയും ഇടത്തും വലത്തും വാഹി സ്തം എന്നു പേരു് - ഇ വിടെ തല്ലുകയും ശസ്ത്രം ഏൽപിക്കയുമാകാം - കൊമ്പിന്റെ നടുവിനു തുടങ്ങി വായു കുംഭത്തിന്റെ അരികു വരെ പ്രതിമാനം എന്നു പേരു് - അതിനു നടുവിൽ വായു കുഭം - അവിടെതല്ലാം -തോട്ടി പ്രയോഗിക്കുമ്പോൾ തൊലി മാത്രമേ മുറിയാൻ പാടൂള്ളു -വായു കുഭത്തിൽ തോട്ടി പ്രയോഗിക്കരുതു് - ഇടതും വലതും വാഹി സ്ഥത്തിനു ഇരുവശവും വിലാഗ മെന്നു പേരു് - അവിടെ ശസ്ത്ര മേറ്റാൽ ഉണങ്ങില്ല - എല്ലായ്പ്പോഴും നീരുണ്ടായി ചല മൊലിച്ചുകൊണ്ടിരിക്കും -
കണ്ണിന്റെ തടത്തിന് അക്ഷി കൂടം എന്നു പറയും- അവിടെ തല്ലുകയും കുത്തുകയും ചെയ്താൽ.... കണ്ണിൽ വ്യാധി ഫലം - കാഴ്ച പോകും -

തുമ്പിക്കയ്യിന്റെ അറ്റത്തുള്ള തുനിക്കൈക്കൂ പഷ്കരം എന്നു പറയും- അവിടെ മുറിവേൽപ്പിക്കരുത് - അതിനു മേൽ ഗണ്ഡൂഷം എന്നു പേരു് - അവിടെ ശസ്ത്രമേൽപിക്കാം -ചെവിക്കു പിന്നിൽ ചൂളികം എന്നു പറയും- അവിടെ തോട്ടിവയ്ക്കാം - കടക്കണ്ണിനു നിര്യാണം -ചെവിക്ക് ഒക്കെക്കൂടി കർണ്ണപാളി എന്നു പേരു് - അവിടെയുള്ള ഞരമ്പുകൾക്കു് തോട്ടി
ഏറ്റാൽ ചെവിക്കു കേടുവന്ന് കേൾവി ശക്തി നഷ്ടപ്പെടും -ചെവിയുടെ മൂലത്തിങ്കൽ നിന്ന് ചുമലിന്റെ സന്ധിയോളം പ്രോഹ മെന്നു പേരു് - അവിടെ ശസ്ത്രങ്ങൾ ഏല്പിക്കരുത് -
ഇരിക്ക സ്ഥാനത്തു് തോട്ടിക്കു് വെച്ച മുക്കാം -മുറിയരുത് -പള്ളരണ്ടിനും വലി എന്നു പേരു് - അവിടെതല്ലാം - ശസ്ത്രങ്ങൾ ഏൽപിക്കരുത് - ചങ്ങല ഇടുന്ന സ്ഥാനം നിഗള സ്ഥാനം - ഇതിനു പിന്നിൽ വച്ച മുക്കാം -മുറിക്കരുതു് - കണപ്പാടിൽ ശസ്ത്രമേൽപിക്കരുത് - തല്ലാം എന്നാൽ നല്ല പരിചയം വേണം - പിന്നിലെ വളവെല്ലിൽ മുറിവേൽപ്പിക്കരുത് - ഉണങ്ങില്ല - എപ്പോഴും വെള്ളമൊലിച്ചുകൊണ്ടിരിക്കും -

തുട രണ്ടിന്റെയും പുറം - ഇവിടെതല്ലാം - കണപ്പാടിന്റെ രണ്ടു പുറത്തും വച്ച മുക്കാം -മുറിക്കരുത് - പൊക്കിളിന്റെ രണ്ടു പുറത്തിനും കൂടി ഉൽകൃഷ്ട മെ ന്നു പേരു് - അവിടെതല്ലാം - ശസ്ത്രമേൽപിക്കരുത് - വാൽക്കുടം വെചകം എന്നു പേരു് ' - അവിടെതല്ലാം - പുറം കുറ്റിനു വംശം എന്നു പേരു് - അവിടെ ശസ്ത്ര മേറ്റാൽ അസ്ഥിക്കു മുട്ടിയാൽ ഉണങ്ങില്ല - വീർത്തും പൊട്ടിയും ഇരിക്കും - മൂന്നെല്ലിന്റേയും അതിന്റെ രണ്ടു പുറത്തും ഏറെ മുറിഞ്ഞാൽ ചത്തുപോകും- കഴത്തും മാറും കൂടിയ സന്ധിക്കു് മണി എന്നു പേരു് ' - അവിടെ ശസ്ത്രമേറ്റാൽ നീരുവന്നാൽ കുഴപ്പമാകും - കരിന്തുടയുടെ കുഴലസ്ഥാനത്തു് തോട്ടിവയ്ക്കാം - ഏറെ മുറിഞ്ഞാൽ അപ്പോൾ ഉണങ്ങും -കാലാന്തരത്തിൽ നീരുവരും -നടക്കും അകത്ത് നാഡീ ഞരമ്പുകൾക്കു് ശസ്ത്രമേറ്റാൽ നടമുടങ്ങും - ചെറുമടക്കിലേറ്റാൽ നടമുടങ്ങുകയില്ല -
തോട്ടിയും വലിയ കോലും ഏൽപിക്കുമ്പോൾ അരവിരലിലധികം പാടില്ല ......

എന്നു ഗജ ശാസ്ത്രം അനുശാസിക്കുന്നുണ്ടു്:

കടപ്പാട്