ക്ഷേത്രത്തിലെ പ്രസാദം പക്ഷിമൃഗാദികൾക്ക് നൽകാമോ ?

ക്ഷേത്രത്തിലെ പ്രസാദം പക്ഷിമൃഗാദികൾക്ക് നൽകാമോ ?

പക്ഷിമൃഗാദികൾക്കു ക്ഷേത്രത്തിലെ പ്രസാദം കൊടുക്കുന്നത് ശരിയാണോ ? ഒരു മനുഷ്യനു ചില പക്ഷികളുടെയും മൃഗങ്ങളുടെയും കാരകത്വമുണ്ട്. ജനനവർഷത്തെ അടിസ്ഥാനമാക്കിയും പക്ഷിമൃഗാദികൾ ഉണ്ട്. ഏതു സമയത്തും ഇവരിൽ ചിലർക്കു ഭഗവാന്റെ ശ്രീകോവിലിൽ പ്രവേശിക്കാൻ കഴിയും. ഉദാഹരണം അനന്തപത്മനാഭൻ കോടിശ്വരനാണല്ലോ. രാത്രി രണ്ടു മണിക്ക് ഉടമസ്ഥന് പത്മനാഭനെ കാണാൻ തോന്നിയാൽ നടക്കുമോ, ഇല്ല ഒരു പൂച്ചയ്ക്കോ എലിക്കോ തവളയ്ക്കോ ഈ സമയത്തു ശ്രീകോവിലിൽ പ്രവേശിക്കാൻ പറ്റും. അതുപോലെ എല്ലാ ദൈവങ്ങൾക്കും പക്ഷിമൃഗാദികൾ വാഹനമായിട്ടുണ്ട്. ക്ഷേത്രങ്ങളിൽ ഉത്സവം നടക്കുമ്പോൾ പള്ളിവേട്ട കഴിഞ്ഞ് ശ്രീകോവിലിനടുത്ത് ഭഗവാനെ പ്രത്യേക രൂപത്തിലാണു കിടത്തുന്നത്. അപ്പോൾ പശുവിനെയും കന്നിനെയും കാണിച്ച് ഭഗവാനെ പിറ്റേദിവസം ഉണർത്തുന്നു. അപ്പോൾ അതു തെറ്റല്ല. ഭഗവാന്റെ പ്രസാദം പക്ഷിമൃഗാദികൾക്ക് കൊടുക്കണം.

ശിവന്റെ തിരുവാതിരയുടെ മൃഗം പട്ടിയാണ്. ഒരു വീട്ടിൽ കാലൻ വരുമ്പോൾ പട്ടിയതു കാണുകയും എന്റെ ഉടയോനെ കൊണ്ടുപോകല്ലെ എന്നു മോങ്ങുകയും ചെയ്യുന്നു. മനുഷ്യർക്കാർക്കും ഇതു കാണാനുള്ള കഴിവില്ല. അപ്പോൾ പക്ഷിമൃഗാദികൾക്കു പ്രസാദം നൽകുന്നതിൽ തെറ്റില്ല. അസുഖം വന്നു ഡോക്ടർമാർ കൈവിട്ട കേസുകൾ പോലും പ്രസാദം നൽകി രക്ഷപ്പെടുത്തിയ അനുഭവം ഏറെയുണ്ട്. ദൈവങ്ങൾ പോലും മനുഷ്യ രൂപത്തിൽ അവതരിപ്പിച്ചു മാതൃക കാണിക്കുകയും ഭക്ഷണം കഴിഞ്ഞ് പുഴയിൽ കൈകഴുകുമ്പോൾ മത്സ്യങ്ങളും മറ്റും കഴിച്ച അനുഭവം ഉണ്ട്. അതിനാൽ പക്ഷിമൃഗാദികൾക്കു പ്രസാദം നൽകാം.