അടിച്ചാല്‍ തളിക്കാത്തിടത്ത് ചവുട്ടിയാല്‍ കുളിക്കണമോ?
അടിച്ചാല്‍ തളിക്കാത്തിടത്ത് ചവുട്ടിയാല്‍ കുളിക്കണമെന്നൊരു ചൊല്ലുണ്ട്. അടിക്കുക എന്നാല്‍ തൂത്തുവാരുകയെന്നാണര്‍ത്ഥം.
സാധാരണ മുറ്റം തൂത്തുവാരുമ്പോള്‍ പൊടി പറക്കുക പതിവായുള്ളതാണ്. ഇങ്ങനെ പറക്കുന്ന പൊടിയിലൂടെ മുറ്റത്ത് ഒതുങ്ങിക്കിടന്നിരുന്ന രോഗാണുക്കള്‍ ശരീരത്തില്‍ പറ്റാനുള്ള സാധ്യത ഏറെയാണ്‌. അതുകൊണ്ട് അടിച്ചു കഴിഞ്ഞാല്‍ വെള്ളം കൊണ്ട് തളിക്കുന്ന പതിവുണ്ട്. ഇങ്ങനെയായാല്‍ അന്തരീക്ഷത്തില്‍ രോഗാണുവിനോടൊപ്പം പടരുന്ന പൊടി വെള്ളത്തില്‍ കുതിരാനുള്ള സാധ്യതയുണ്ട്. ഇത് ശാസ്ത്രീയമായും അംഗീകരിച്ചിട്ടുണ്ട്.
അടിച്ചാല്‍ തളിക്കാത്തിടത്ത് ചവുട്ടിയാല്‍ കുളിക്കണമെന്നത് വെറും ഒരു വിശ്വാസം മാതമല്ല. അത് വൈദ്യശാസ്ത്രത്തോട് ബന്ധപ്പെട്ടിരിക്കുന്നു. അടിച്ചിടത്ത് തളിക്കണമെന്ന രീതി നിലവില്‍ ഇരിക്കുമ്പോള്‍ അങ്ങനെ ചെയ്യാത്തിടത്ത് ചവുട്ടിയാല്‍ രോഗാണുക്കള്‍ ശരീരത്തില്‍ പറ്റിപ്പിടിക്കാന്‍ ഇടയാകും. അത് ഒഴിവാക്കാന്‍ കുളിക്കുക തന്നെ വേണം.
No comments:
Post a Comment