സ്കന്ദഷട്കം
ഓം ശ്രീഗണേശായ നമഃ ।
ഷണ്‍മുഖം പാര്‍വതീപുത്രം ക്രൌഞ്ചശൈലവിമര്‍ദനം ।
ദേവസേനാപതിം ദേവം സ്കന്ദം വന്ദേ ശിവാത്മജം ॥ 1॥
താരകാസുരഹന്താരം മയൂരാസനസംസ്ഥിതം ।
ശക്തിപാണിം ച ദേവേശം സ്കന്ദം വന്ദേ ശിവാത്മജം ॥ 2॥
വിശ്വേശ്വരപ്രിയം ദേവം വിശ്വേശ്വരതനൂദ്ഭവം ।
കാമുകം കാമദം കാന്തം സ്കന്ദം വന്ദേ ശിവാത്മജം ॥ 3॥
കുമാരം മുനിശാര്‍ദൂലമാനസാനന്ദഗോചരം ।
വല്ലീകാന്തം ജഗദ്യോനിം സ്കന്ദം വന്ദേ ശിവാത്മജം ॥ 4॥
പ്രലയസ്ഥിതികര്‍താരം ആദികര്‍താരമീശ്വരം ।
ഭക്തപ്രിയം മദോന്‍മത്തം സ്കന്ദം വന്ദേ ശിവാത്മജം ॥ 5॥
വിശാഖം സര്‍വഭൂതാനാം സ്വാമിനം കൃത്തികാസുതം ।
സദാബലം ജടാധാരം സ്കന്ദം വന്ദേ ശിവാത്മജം ॥ 6॥
സ്കന്ദഷട്കം സ്തോത്രമിദം യഃ പഠേത് ശൃണുയാന്നരഃ ।
വാഞ്ഛിതാന്‍ ലഭതേ സദ്യശ്ചാന്തേ സ്കന്ദപുരം വ്രജേത് ॥ 7॥
ഇതി ശ്രീസ്കന്ദഷട്കം സമ്പൂര്‍ണം ॥
No comments:
Post a Comment