ഐതരേയൻ

ഐതരേയൻ

മാണ്ഡുകി മഹർഷിക്ക് ഇതര എന്ന ഭാര്യയിൽ പിറന്ന പുത്രനാണ് ഐതരേയൻ. ബാല്യം മുതൽക്കേ ഓം നമോ ഭഗവതേ വാസുദേവായ  എന്ന മന്ത്രം മാത്രം ജപിക്കുന്നതല്ലാതെ മറ്റൊന്നും ഉരിയാടാറില്ലായിരുന്നു. അത് ഒരു പോരായ്മയായി കണ്ട് മാണ്ഡുകിമുനി മറ്റൊരു വിവാഹം ചെയ്യുകയും വിജ്ഞാനികളായ നാലു പുത്രന്മാർ പിറക്കുകയും ചെയ്തു. മകൻ കാരണം താൻ അപമാനിതയായി എന്ന് പറഞ്ഞു ഇതര ആത്മഹത്യ ചെയ്യാനൊരുങ്ങവേ ഐതരേയൻ മാതാവിന് ആത്മജ്ഞാനം ഉപദേശിക്കുകയും ആത്മാഹൂതിയിൽ നിന്നും പിന്തിരിപ്പിക്കുകയും ചെയ്തപ്പോൾ മാത്രമാണ് മകന്റെ മഹത്വം മാതാവിന് മനസ്സിലാക്കാൻ കഴിഞ്ഞത്. വൈകാതെ മാതാവിനും പുത്രനും വിഷ്ണു ദർശനം ലഭിക്കുകയും ചെയ്തു. ഹരാമേധ്യന്റെ പുത്രിയെ ഐതരേയൻ വിവാഹം ചെയ്തു. ഐതരേയ ബ്രാഹ്മണത്തിന്റെയും ഐതരേയ ആരണ്യകത്തിന്റെയും കർത്താവ് ഇദ്ദേഹമാണെന്നും അല്ല, മഹിദാസൻ എന്ന പേരിൽ മറ്റൊരാളാണെന്നും പറയപ്പെടുന്നു.