വിദ്യാശങ്കര ക്ഷേത്രം ശൃംഗേരി
കർണാടകയിലെ ചിക്മഗളൂർ ജില്ലയിലെ പുണ്യനഗരമായ ശൃംഗേരിയിലാണ് ഈ ക്ഷേത്രം സ്ഥിതി ചെയ്യുന്നത്.
വിദ്യാശങ്കര സ്വാമികള്‍ക്കായി നിര്‍മിക്കപ്പെട്ട വിദ്യാശങ്കര ക്ഷേത്രമാണ് ശൃംഗേരിയിലെ പ്രധാന ആകര്‍ഷണങ്ങളിലൊന്ന്. 1338 ല്‍ വിദ്യാരണ്യ എന്ന് പേരായ ഒരു യോഗിയാണ് വിദ്യാശങ്കര ക്ഷേത്രം എന്ന് കരുതപ്പെടുന്നു. പതിനാലാം നൂറ്റാണ്ടില്‍ ജീവിച്ചിരുന്ന ഇദ്ദേഹം വിജയനഗര രാജാക്കന്മാരുടെ രക്ഷാധികാരിയായിരുന്നു. ദ്രവീഡിയ്, ചാലൂക്യന്‍, ദക്ഷിണേന്ത്യന്‍, വിജയനഗര നിര്‍മാണ ശൈലികള്‍ കോര്‍ത്തിണക്കിയാണ് വിദ്യാശങ്കര ക്ഷേത്രം നിര്‍മിച്ചിരിക്കുന്നത്. വിജയനഗര ഭരണകാലത്തെ ശിലാന്യാസങ്ങള്‍ ഇപ്പോഴും ഇവിടെ കാണാന്‍ സാധിക്കും. പന്ത്രണ്ട് രാശികളെ സൂചിപ്പിക്കുന്ന പന്ത്രണ്ട് തൂണുകളാണ് വിദ്യാശങ്കരക്ഷേത്രത്തിലെ പ്രത്യേകത. 12 മാസത്തെ കാലക്രമത്തിൽ ഓരോ തൂണിലും സൂര്യകിരണങ്ങൾ വീഴുന്ന തരത്തിൽ അവ അതി മനോഹരമായി നിർമ്മിച്ചിരിക്കുന്നു.
ജ്യോതിശാസ്ത്ര കല്‍പനയനുസരിച്ചാണ് ഈ ക്ഷേത്രം നിര്‍മിച്ചിരിക്കുന്നത്. ഗര്‍ഭഗൃഹത്തില്‍ ദുര്‍ഗയുടെയും വിദ്യാ ഗണേശന്റെയും വിഗ്രഹങ്ങള്‍ കാണാം. ഒപ്പം പത്‌നീസമേതരായ ബ്രഹ്മ വിഷ്ണു മഹേശ്വരന്മാരെയും ശ്രീകോവിലില്‍ കാണാന്‍ സാധിക്കും. മനോഹരമായ ശില്‍പചാരുതയാല്‍ ശ്രദ്ധിക്കപ്പെടുന്ന പ്രധാന മേല്‍ക്കൂരയാണ് ക്ഷേത്രത്തിലെ മറ്റൊരു ആകര്‍ഷണം. വിഷ്ണു, ശിവന്‍, ദശാവതാരങ്ങള്‍, ഷണ്മുഖന്‍, കാളിദേവി, എന്നീ ദേവകളുടെയും നിരവധി മൃഗങ്ങളുടെയും ചിത്രങ്ങള്‍ ക്ഷേത്രത്തില്‍ കൊത്തിവച്ചിരിക്കുന്നു. കാര്‍ത്തിക ശുക്ലപക്ഷത്തിലെ വിദ്യാതീര്‍ത്ഥ രഥോത്സവമാണ് ഇവിടത്തെ പ്രധാന ഉത്സവം.
No comments:
Post a Comment