സഹസ്രകവചൻ

സഹസ്രകവചൻ 

ഞാൻ സഹസ്രകവചൻ ആയിരം കവചങ്ങളുമായി ജനിച്ചെങ്കിലും പരാജയപ്പെടാൻ വിധിക്കപ്പെട്ട ഒരു ആസുരിക ജന്മം 999 കവചങ്ങളും തകർന്നു മരണം ഉറപ്പായപ്പോൾ ഞാൻ സൂര്യമണ്ഡലത്തിൽ അഭയം പ്രാപിച്ചു കൗഥേയനായി പുനർജനിച്ചു രാധേയനായി വളർന്നു. സർവ വിദ്യകളിലും അഗ്രഗണ്യനായെങ്കിലും വിധി മറ്റൊന്നായിരുന്നില്ല ഞാൻ വീണ്ടും വരുന്നു കവചങ്ങളില്ലാതെ   മോക്ഷത്തിനായി....

ദൈത്യം സഹസ്രകവചം കവചൈഃ പരീതം

സാഹസ്രവത്സരതപഃതപഃസമരാഭിലവ്യൈഃ

പര്യായ നിർമ്മിതതപഃസമരൗ ഭവന്തൗ

ശിഷ്ടൈകകങ്കടമമും നൃഹതാം സലീലം

സഹസ്രാബ്ദം യുദ്ധം തപവുമൊരുപോൽ ചെയ്തു വിച്ഛേദ്യമാകും

സഹസ്രം വർമ്മം  ചേർന്നൊരു ദിതിജനെ ക്രീഡയോടെ ഭവാന്മാർ

തപസ്സും പര്യായത്തൊടു സമരവും ചെയ്തു ശേഷിച്ചൊരേകം

സഹസ്രസംവത്സരങ്ങളിലെ തപസ്സും സമരവും കൊണ്ടു മാത്രം മുറിക്കാവുന്ന ആയിരം കവചങ്ങളാൽ ചുറ്റപ്പെട്ട സഹസ്രകവചനെന്ന ദൈത്യനെ ഊഴംവച്ചുളള തപസ്സും സമരവും കൊണ്ട് ഒരു കവചം മാത്രം ശേഷിക്കുന്നവനാക്കി ലീലയായി ഭവാന്മാർ നിഹനിച്ചു.

നരനാരായണന്മരായി ധർമ്മന്റെയും മൂർത്തിയുടെയും   പുത്രരായി അവതരിച്ച 

ഭഗവാൻറെ ഒരു ലീല സംക്ഷേപിച്ചു പറയുന്നു.  സഹസ്രകവചനായ ഒരു ദൈത്യനുണ്ടായി. ആയിരം കവചങ്ങൾ കൊണ്ട്  രക്ഷിതനായിരുന്നതിനാൽ സഹസ്രകവചൻ എന്ന പേര്. ആ കവചങ്ങൾ ഉള്ളടത്തോളം അയാളെ തോൽപ്പിക്കാനാവുകയില്ല . ആയിരം വർഷം തപസ്സു ചെയ്ത് കഴിഞ്ഞ് ആയിരം വർഷം യുദ്ധം ചെയ്താലേ ഒരു കവചം ഭേദിക്കാനാവുകയുള്ളൂ

നരനാരായണന്മാരിൽ ഒരാൾ തപസ്സ് ചെയ്യുമ്പോൾ മറ്റേയാൾ യുദ്ധം ചെയ്യുവാൻ തീരുമാനിച്ചു.  ഇങ്ങനെ തുടർച്ചയായി സഹസ്രകവചനോട്  യുദ്ധം ചെയ്ത് ഒന്ന് ഒഴികെയുള്ള കവചങ്ങൾ നശിപ്പിച്ചു.  ഏകകവചനായിത്തീർന്ന ദൈത്യൻ യുഗാനന്തരം സൂര്യനിൽ ലയിച്ചു

ഈ സഹസ്രകവചനാണ് കർണനായി ജനിച്ചതെന്നും നരന്റെ അവതാരമായ അർജുനൻ  നാരായണ സഹായത്തോടേ കർണനെ വധിച്ചുവെന്നും പുരാണം.