ദേവി തത്ത്വം - 27

ദേവി തത്ത്വം - 27

PART - 01

ഒരാൾ പാലക്കാട് നിന്ന് എറണാകുളത്ത് വന്നു. പെട്ടിയെല്ലാം താമസ സ്ഥലത്ത് വച്ചിട്ട് പട്ടണം കാണാനിറങ്ങുമ്പോൾ വളരെ ഫ്രീയായിട്ടാകും നടക്കുന്നത്. കാരണമെന്താ? ആകുലതകൾ ഒന്നുമില്ല ഭാരമൊക്കെ ഇറക്കി വച്ച് കഴിഞ്ഞു. തിരിച്ച് ചെന്നാൽ കിടക്കാൻ മുറിയുണ്ട്. ഇതുപോലെയാണ് ഈ പരംധാമം കണ്ടെത്തി തിരിച്ച് വരുന്ന ആള്. അല്ലാത്തയാൾ തലയിൽ പെട്ടിയും വച്ച് നടക്കുന്ന ആളെ പോലെയാണ്. ഇത് രാമകൃഷ്ണദേവൻ പറയുന്ന ഒരു ഉദാഹരണമാണ്.

ആ ശക്തിയെ കണ്ടെത്തി ശക്തിയുടെ കൈയ്യിൽ യന്ത്രമായി തീർന്നാൽ നമ്മുടെ വ്യക്തി ബോധം ആ ശക്തിയാൽ വിഴുങ്ങപ്പെട്ടാൽ നമ്മൾ ആനന്ദിക്കും നിത്യ നിരന്തരമായിട്ടാനന്ദിക്കും. ആ ആനന്ദം അനുഭവവേദ്യമായി തീരും. അങ്ങനെയൊരാനന്ദം ഏർപ്പെടുന്നതുവരെ നമ്മൾ അദ്ധ്യാത്മ സാധന തുടർന്ന് കൊണ്ട് പോകണം. അദ്ധ്യാത്മ സാധനയിൽ ഒന്നും നേടാനില്ല ചെറിയ തെറ്റുകൾ മാത്രം നീക്കിയാൽ മതി.

ഭക്തൻമാരെ ശ്രദ്ധിച്ചാൽ കാണാം എനിക്കൊന്നും വേണ്ട എന്നാണ് അവർ എപ്പോഴും പറയുന്നത്. ആചാര്യ സ്വാമികൾ ഒരു ദേവി സ്തോത്രമെഴുതി
ന മോക്ഷസ്യ ആകാംക്ഷാ വിഭവ വാഞ്ഛാ വിജനമേ
ന വിജ്ഞാനാപേക്ഷ ശശിമുഖി സുഖേച്ഛാ പിന പുനഃ
അതസ്ത്വാം സംയാജേ ജനനി ജനനം യാതു മമ വൈ മൃഢാണി രുദ്രാണി ശിവ ശിവ ഭവാനി ധിജ പദഃ
ന മോക്ഷസ്യ എനിക്ക് മോക്ഷത്തിനുള്ള ആഗ്രഹവുമില്ല. എനിക്ക് സ്വത്തും സമ്പത്തും വരണമെന്നുള്ള ആഗ്രഹവുമില്ല. എനിക്ക് അറിവ് നേടണമെന്നുള്ള ആഗ്രഹവുമില്ല ന വിജ്ഞാനാപേക്ഷ. സ്ത്രീ സുഖമോ പുരുഷ സുഖമോ അനുഭവിക്കാനുള്ള ആഗ്രഹമില്ല. ജനനി ജനനം യാതു മമ ഇനി ജനിക്കേണ്ടി വന്നാലും കുഴപ്പമില്ല. മൃഢാണി രുദ്രാണി ശിവ ശിവ ഭവാനി ധിജ പദഃ എന്റെ മൂലസ്ഥാനമായ എന്റെ അമ്മയും അച്ഛനും ബന്ധുവും എല്ലാമായ മൂലസ്ഥാനമായ ആ ശക്തിയെ ആശ്രയിച്ച് കൊണ്ട് ,ലോകത്തിൽ ആ നാമം ഉരുവിട്ട് കൊണ്ട് ഞാൻ ആനന്ദമായി ഇരുന്ന് കൊള്ളാം. ഇത് ഒരു മന്ത്രം പോലെ ഇടയ്ക്കിടക്ക് ഉള്ളിൽ പറയുക.